2 Kotindi 8:6 - Panake Pi La: Ula: Buka pita: Kine Pieke Buka

⁶ Koto ekina꞉ nikana꞉ma꞉ do e kini pia꞉ some Taitasi pa꞉ta꞉ do ta꞉ta꞉ ma꞉nda꞉ piki pukima꞉ homa꞉la꞉ e ikana꞉ma꞉ paeyamena꞉yeke tamba꞉ mu hapeke laa honke loma꞉me.

2 Kotindi 8:6 ပူးပေါင်းရင်းမြစ်များ

Aposolo 24:17

Diutuseleme da nane mandane bapi manuna꞉ I̱ na poa꞉ ekina꞉ numaneke a꞉nda꞉ poa꞉pita꞉ta꞉ yaka wanda꞉hali pa꞉ta꞉ mani mea pua halaota꞉ Koda꞉ pa꞉ta꞉ haluekema꞉ ma꞉na꞉ make lia haloa꞉me.

Loma꞉ 15:25

Kutu pulu polopateto ame dota꞉ mo Diutuseleme da nane haleme Koda꞉na꞉ wanda꞉hali tamba꞉ mulu pulume.

2 Kotindi 12:18

I̱ma꞉ta꞉ Taitasi pue laa honke laata꞉ ipiki ame̱le̱ mo hande Ketiso kame ma꞉nda꞉ make tapaowa꞉me. Ikana꞉ma꞉ta꞉ Taitasima꞉ iki teke puleke laeya꞉me lelimipe. Dikana꞉ma꞉ta꞉ homeke hau teke peaata꞉ ota꞉ homeke tupa꞉ popeke pa꞉la꞉ haumanu na pupa꞉pe.

2 Kotindi 2:13

Pate I̱ta꞉ pomo tieke pia꞉me. Pa ekipeke nika꞉ kame Taitasita꞉ na handa꞉ u hao loa꞉me. Koto ekina꞉ta꞉ I̱ma꞉ta꞉ mo wanda꞉hali pa꞉ta꞉ A꞉taloe laa mo Ma꞉sedonia nane poa꞉me.

2 Kotindi 8:10

Ya honema꞉ta꞉ mo hande paeya꞉ bapina꞉ kini pimi ekita꞉ ame do paeyaasota꞉ a꞉pa꞉la꞉me hone witolome. Tamba꞉ muluekema꞉ homeke dia꞉ya꞉la꞉pate pa puluekema꞉ hone witelemeeki make ikita꞉ titina꞉ amba꞉la꞉e.

2 Kotindi 8:19

Kutupa make ipikita꞉ nikana꞉ma꞉ do pukima꞉ homa꞉la꞉ ekina꞉ e pokotia pominoloma꞉ ale pa꞉ta꞉ mandakena꞉ pomiomono yeke mo siosi manuma꞉ ma̱leke lila꞉me. Do e pokoloma꞉ ekina꞉ teketa꞉ mo Tekehalina꞉ pa̱a̱na꞉ make mo nikita꞉ tamba꞉ muluekema꞉ hone wopu witoloma꞉me laa waluekema꞉ pitoloma꞉me.

2 Kotindi 8:23

Taitasita꞉ ipikita꞉ yaka ta꞉ma꞉ni hata꞉ iki tamba꞉ muluekema꞉ I̱ yaapo e poko hala꞉me. Kutupa mo ipiki ame̱le̱ pula꞉ mandane kame tonuta꞉ do siosi manuna꞉ bikina꞉ ipula꞉ hata꞉ta꞉ Ketisona꞉ biki daeyaena꞉ la꞉la꞉ tapakee.

2 Kotindi 8:4

mo Diudia da kenke pa꞉ta꞉ haleme Koda꞉na꞉ wanda꞉hali tamba꞉ mina꞉la꞉eki pa꞉ta꞉ ikana꞉ma꞉ make tamba꞉ mina꞉la꞉eki pa peomonope laa niki pa꞉ta꞉ honke tieke lememe.

2 Kotindi 9:5

Koto ekina꞉ta꞉ yaka honema꞉ta꞉ do kame tonuma꞉ amba꞉la kinki pulu ipulu mo ikana꞉ma꞉ amba꞉ la꞉ wimi pa hameke hala꞉la꞉ ekina꞉ tikitiki yamena꞉ tapaowa꞉me. Kutupa I̱ opolo epoa꞉ka꞉na꞉ta꞉ tikitiki yao wiemena꞉ loa꞉me. Kutu pimika꞉na꞉ta꞉ ikana꞉ma꞉ haleleme ekita꞉ mo ika꞉ hone pa꞉la꞉ ekima꞉ kone halelememe laa walieke. Ma꞉nda꞉ma꞉ pia꞉pa꞉peke la꞉la꞉ ekina꞉ dia꞉me loa꞉me.

Pilipai 4:18

Do wapena꞉ alo pita꞉ mo hande ikana꞉ma꞉ kimi alemanu molo ekina꞉ iki pa꞉ta꞉ keiyae pi alome I̱ma꞉ haka꞉ta꞉pao molo ekita꞉ ana꞉e alome. Ameta꞉ mo hande Epa꞉pototaitisima꞉ ika꞉ pa kiteleme alemanu paeyao mea a꞉paeyeke handa ya wia halo polo ale manuta꞉ ana꞉na꞉ molome. Koto pa keleme ale manuta꞉ Koda꞉ pa꞉ta꞉ totopo yolepiki hala꞉la꞉ alema꞉ handa꞉la꞉me. Kutupa Koda꞉ma꞉ kutupiki alemanu minolota꞉ ta꞉na꞉ma꞉ homa꞉la꞉me.

1 Pida 4:10

Iki homeke homekema꞉ Koda꞉na꞉ ta ka꞉la꞉ ta꞉ta꞉ ta꞉ta꞉ pikieki manuta꞉ epeke tupa꞉ handeteke hata꞉ mo Koda꞉ma꞉ kieke ta꞉ta꞉ piki ekima꞉ta꞉ ika꞉ hameke epeaaluekema꞉ pu alualu hapa꞉peke.