2 Kotindi 7:7 - Panake Pi La: Ula: Buka pita: Kine Pieke Buka

⁷ Mo ipiki epolo pia꞉ ekima꞉ homeke niki ta꞉na꞉ma꞉ na homa꞉ tiaya꞉pate pa mo ikana꞉ma꞉ ipiki honkopu hawaemeeki a꞉pa la kia꞉ ekima꞉ make niki ta꞉na꞉ma꞉ homa꞉ tiaya꞉me. Ipikana꞉ma꞉ta꞉ ikana꞉ma꞉ I̱ handawee laa we pambelememe laata꞉ ikana꞉ma꞉ ota꞉ hokeeki puma꞉me laa kelepeleme ekina꞉ make mo I̱na꞉ ta̱luekema꞉ tikitiki yao halemeeki make paeyao a꞉pa la kia꞉me. Koto ekina꞉ ameta꞉ I̱ta꞉ ta꞉na꞉ tieke ota꞉ wopu pa꞉la꞉me.

2 Kotindi 7:7 ပူးပေါင်းရင်းမြစ်များ

Ma꞉tiu 26:75

Kutu pieke toma꞉na꞉ta꞉ Pidama꞉ta꞉ Yesuma꞉ amba꞉ ipiki pa꞉ta꞉ la꞉ witolo Koka꞉la꞉ a̱i̱ na tiake haena꞉ nakana꞉ma꞉ hoto tepo ya biki a꞉mbao lo hoeyaalipikie leekeeki Pidama꞉ niminaeyekeme. Koto ekima꞉ta꞉ ipiki hama opolu bao tikene pua hata꞉ ipika꞉ pukima꞉ ka꞉nda꞉ tieke minolo hata꞉ e̱ tieke leekeme.

Ma꞉tiu 5:4

Mo e̱ tapu tapu hata꞉ pukima꞉ homo haleme wanda꞉halima꞉ta꞉ ta꞉na꞉ma꞉ homo halememe. Ika꞉ pukita꞉ Koda꞉ma꞉ epeaalieke.

Luku 22:44

Kutupa pukima꞉ ka꞉nda꞉ tieke pieketa꞉ Yesuma꞉ ota꞉ anekema꞉ yeni piekeme. Kutu pieke ekima꞉ a꞉ka꞉li tieketa꞉ wema꞉ handekeeki oni kenkena꞉ lopeekeme.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Loma꞉ 1:12

Do alo ekita꞉ dupae. Yaka hone tulaalo ekima꞉ iki tamba꞉ mina꞉ make ika꞉ hone tulaaleme ekima꞉ I̱ tamba꞉ mina꞉ make niki paeyaoma꞉ tamba꞉ mu alualu pumana꞉yeke loa꞉me.

1 Kotindi 5:2

Kutu pa꞉la꞉pate ikana꞉ma꞉ alota꞉ Niki kone ana꞉ pa꞉la꞉me la aleme ekita꞉ ekipa alemepe. Epeke ekita꞉ ikana꞉ma꞉ kutupiki hauna꞉ yaala꞉ma꞉ homolo hata꞉ e̱ lapa꞉peke aleo. Kutupa mo hande hau pieke halita꞉ ika꞉ mombelemeeki mina꞉pa꞉lao yoka꞉pa꞉peke aleo.

2 Kotindi 1:4

Ipikana꞉ma꞉ nika꞉ ka꞉nda꞉manu minoloma꞉ pa꞉ta꞉ tamba꞉ mu hala꞉me. Pa ekipeke ipikana꞉ma꞉ niki tamba꞉ mia꞉eki muma꞉ ekita꞉ mo mandane ka꞉nda꞉ma꞉ homa꞉la꞉ wanda꞉hali tamba꞉ miomono pa꞉la꞉me.

2 Kotindi 2:9

I̱ma꞉ iki pa꞉ta꞉ koto tameiya꞉ tapaowa꞉ ekita꞉ I̱ma꞉ mo hande la handa꞉la꞉eki kua꞉ ekita꞉ ikana꞉ma꞉ ekipa bepolaalimipe la handuluekema꞉ pua꞉me. Kutupa ikana꞉ma꞉ta꞉ hoto paeyao yaka alo ekimanu koto kone opua pilimio la handuluekema꞉ pua꞉me.

2 Kotindi 5:2

Kutupa ameta꞉ nika꞉ we pamba꞉la꞉ ekita꞉ oli hepeni nanema꞉ ipula꞉ data꞉ niki manda wina꞉e laa hone wotu witoloma꞉me.

2 Kotindi 7:6

Pate mo puki hoela꞉ wanda꞉hali honkopu hawao hala꞉ Koda꞉ma꞉ta꞉ mo Taitasi epolo pia꞉ ekima꞉ niki honkopu hawaya꞉me.

2 Kotindi 7:8

Mo yaka tapaowa꞉ tameiya꞉ma꞉ iki ka꞉nda꞉ma꞉ homaeya꞉ka꞉na꞉ta꞉ I̱ma꞉ laawa꞉me laa a꞉ta꞉e pi na alome. Mo tameiya꞉ma꞉ iki nate ma꞉nda꞉ nina꞉ ka꞉nda꞉ma꞉ homawa꞉eki handoa꞉ dina꞉ta꞉ I̱ma꞉ a꞉ta꞉ma꞉ homolo pua꞉me.

2 Kotindi 8:16

Nikana꞉ma꞉ iki tamba꞉ muluekema꞉ hone wopu uluma꞉ tupa꞉ Koda꞉ma꞉ Taitasi mea hone wopu utiala꞉ ekina꞉ Koda꞉ pa꞉ta꞉ keiyae aloma꞉me.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

Kolosi 2:5

I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

1 Desalonaika 3:6

Kutu puma꞉pate ameta꞉ Timodi iki mina꞉pa꞉lao paa la꞉ka꞉la a꞉pa ika꞉ epeke pukima꞉ homa hata꞉ make ika꞉ epeke hone tulaalemeeki make niki pa꞉ta꞉ la kia꞉me. Ipikana꞉ma꞉ la kitolo alota꞉ Hoto paeyao ikana꞉ma꞉ niki pa꞉ta꞉ hone wopu witolo hata꞉ nikana꞉ma꞉ iki handuluekema꞉ hone pia꞉ tupa꞉ ikana꞉ma꞉ make niki handuluekema꞉ make homeke hone kone wilimime ala꞉me.

1 Desalonaika 3:8

Ikana꞉ma꞉ a꞉nda꞉ ika꞉ Tekehali pa꞉ta꞉ halemeeki taka꞉lao haemeka꞉na꞉ta꞉ kota꞉ niki make da꞉ta hata꞉ epeke tupa꞉ halumeke.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

Dia꞉mesi 5:17

Hande Elaidiata꞉ nikima꞉ handeke hali kone hayekeme. Ipikana꞉ma꞉ lako na epena꞉yeke honkopu hao Koda꞉ pa꞉ta꞉ yeni piekepate bapi tepona꞉ sumba꞉ yunki mindiki hata꞉ tukiki pa꞉ta꞉ lako na epeekeme.

2 Dioni 1:4

Naka꞉ mandane weki wandikita꞉ mo hande Apa꞉ma꞉ niki pa꞉ta꞉ ota꞉ pia꞉pa꞉peke la꞉la꞉ tupa꞉ ota꞉eki pa꞉ta꞉ halemeeki handa꞉ u hao I̱ta꞉ ta꞉na꞉ tiekema꞉ homoa꞉me.

Diudi 1:3

Yaka yankeke tonuo. I̱ma꞉ta꞉ mo hande Koda꞉na꞉ pa꞉ta꞉la꞉la꞉eki mu haloma꞉ ekina꞉ iki pa꞉ta꞉ tameiya꞉ tapaaluekema꞉ taapoa꞉me. Pate Koda꞉ma꞉ hoto homeke mo hone tulaasa꞉ ekita꞉ ipika꞉ ma̱leke lila꞉ wanda꞉hali pa꞉ta꞉ handeteke haena꞉ haleekeeki ma꞉nda꞉ma꞉ hoeyaama꞉na꞉ honkopu hao hamena꞉yeke I̱ma꞉ do sutiaasa꞉ tameiya꞉ a̱i̱ koto kone tapaanoe hone ua꞉me.