2 Kotindi 7:13 - Panake Pi La: Ula: Buka pita: Kine Pieke Buka

¹³ Koto ekina꞉ yeketa꞉ nikita꞉ honkopu hawaememe. Kotoeki homeke dia꞉ya꞉la꞉pate pa ikana꞉ma꞉ Taitasi ta꞉na꞉ma꞉ homo tiaemeke handaa ipikana꞉ma꞉ iki pa꞉ta꞉ ta꞉na꞉ wopu homea꞉me. Nikana꞉ma꞉ kutu pia꞉eki handolo hata꞉ niki make ta꞉na꞉ tieke wopu pia꞉me.

2 Kotindi 7:13 ပူးပေါင်းရင်းမြစ်များ

Loma꞉ 12:15

Wanda꞉hali epi amedama꞉ ta꞉na꞉ma꞉ homemeka꞉na꞉ta꞉ kota꞉ ikana꞉ma꞉ make iki ame̱le̱ mandakena꞉ ta꞉na꞉ma꞉ homa꞉pa꞉peke. E̱ aleme wanda꞉hali make ikana꞉ma꞉ make iki ame̱le̱ mandakena꞉ e̱ lapa꞉peke.

Loma꞉ 15:32

Kutu pimika꞉na꞉ta꞉ Koda꞉na꞉ hone pa꞉la꞉ ekina꞉ I̱ma꞉ ta꞉na꞉ma꞉ homa꞉ paleke iki pa꞉ta꞉ ipulueke. Kutupate nika꞉ mandakena꞉ halo poloma꞉ ekima꞉ I̱ ta꞉na꞉ma꞉ homaalieke.

1 Kotindi 12:26

Koto ekina꞉ mo lokena꞉ tunaala꞉ ale homekema꞉ tanda mia꞉ka꞉na꞉ta꞉ kota꞉ mo tunaala꞉ mandane alemanu paeyaoma꞉ make mandakena꞉ tandama꞉ homilimikie. Kutupa ma꞉nda꞉ma꞉ mo lokena꞉ tunaala꞉ ale homeke a꞉nda꞉na꞉ biki yeiya꞉ lea꞉ka꞉na꞉ta꞉ kota꞉ mo lokena꞉ tunaala꞉ mandane alemanu paeyaoma꞉ta꞉ mandakena꞉ ta꞉na꞉ma꞉ homilimikie.

1 Kotindi 16:13

Ikana꞉ma꞉ kokele pea hata꞉ hone tulaaso hata꞉ make da̱o̱la hao hapa꞉peke. Kutupa puki hana꞉ noka꞉pa hata꞉ honkopu hao hapa꞉peke.

1 Kotindi 16:18

Koto haliwekima꞉ iki ta꞉na꞉ peaala꞉ tupa꞉ I̱ make ta꞉na꞉ peaasememe. Kutu piki haliweki manuta꞉ ika꞉ pi laapa꞉peke.

2 Kotindi 2:13

Pate I̱ta꞉ pomo tieke pia꞉me. Pa ekipeke nika꞉ kame Taitasita꞉ na handa꞉ u hao loa꞉me. Koto ekina꞉ta꞉ I̱ma꞉ta꞉ mo wanda꞉hali pa꞉ta꞉ A꞉taloe laa mo Ma꞉sedonia nane poa꞉me.

2 Kotindi 2:3

Koto ekina꞉ta꞉ I̱ma꞉ koto tameiya꞉ tapaowa꞉me. Pa ekipeke I̱ma꞉ta꞉ iki pa꞉ta꞉ a꞉pa yaka ta꞉na꞉ma꞉ homa꞉ tiaapeke ya꞉la꞉ tapakema꞉ kone I̱ puki ka꞉nda꞉ma꞉ homo tiaaseme laa laapa꞉na꞉ alo pua꞉me. I̱ma꞉ hone witolota꞉ I̱ ta꞉na꞉ma꞉ homolo dina꞉ta꞉ iki paeyao make ta꞉na꞉ma꞉ homelememe.

2 Kotindi 7:14

I̱ma꞉ta꞉ ipiki pa꞉ta꞉ ika꞉ pi lawaowa꞉me. Kutupa ikana꞉ma꞉ta꞉ I̱ta꞉ na olopuniano lememe. Nikana꞉ma꞉ta꞉ iki pa꞉ta꞉ta꞉ ota꞉ pi homeke homeke laa kuma꞉me. Koto tupa꞉ koneta꞉ nikana꞉ma꞉ Taitasi pa꞉ta꞉ ika꞉ pi lawaoma꞉ ekita꞉ ota꞉ekie laa handa꞉ ula꞉me.

2 Kotindi 7:15

Koto ekina꞉ta꞉ ipikana꞉ma꞉ iki pa꞉ta꞉ pukima꞉ homa꞉la꞉ ekita꞉ honkopu hao daeyatia pula꞉me. Mo ikana꞉ma꞉ ipika꞉ walea꞉ ekimanu koto kone opua pimime. Kutupa make ikana꞉ma꞉ ipiki paala꞉ma꞉ make pututuma꞉ make homolo hata꞉ handa꞉ mimi ekina꞉ make loa꞉me.

2 Kotindi 7:6

Pate mo puki hoela꞉ wanda꞉hali honkopu hawao hala꞉ Koda꞉ma꞉ta꞉ mo Taitasi epolo pia꞉ ekima꞉ niki honkopu hawaya꞉me.

Pilipai 2:28

Koto pia꞉ ekina꞉ta꞉ I̱ma꞉ ipikita꞉ iki pa꞉ta꞉ tapaaluekema꞉ hone tieke wotu pa꞉la꞉me. Kutaata꞉ ikana꞉ma꞉ ipiki paa ipilieki handolota꞉ ta꞉na꞉ma꞉ paa homilimikie kutupa ya ka꞉nda꞉ma꞉ homoloeki make pa paeyaalieke.

2 Timodi 1:16

Mo hande hali Onesipotasima꞉ hoto paeyao I̱ ta꞉na꞉ma꞉ homa꞉ tiao hayeke handaa I̱ma꞉ mo Tekehalima꞉ ipika꞉ wekiwanda꞉ pa꞉ta꞉ a꞉ta꞉ma꞉ homena꞉ honke alome. Pa ekipeke. I̱ do dipula pilu ekina꞉ ipikana꞉ma꞉ yaala꞉ma꞉ na homea꞉me.

Pailimono 1:20

Pilisi I̱ma꞉ ta꞉na꞉ma꞉ homonota꞉ kota꞉ nakana꞉ma꞉ mo Tekehali pa꞉ta꞉ hone witolo ya Ketiso kame hata꞉ ya honke loa꞉ ekita꞉ ota꞉ pia꞉peke.

Pailimono 1:7

A꞉ta꞉e. Ya kameo. Naka꞉ pukima꞉ homele ekima꞉ ya puki pa꞉ta꞉ ta꞉na꞉ tieke peaya꞉ ekima꞉ hana꞉ noka꞉paeya꞉me. Koto pele ekima꞉ta꞉ nakana꞉ma꞉ mo Koda꞉na꞉ wanda꞉hali paeyaona꞉ puki mea tiawaaleme.

1 Pida 3:8

Ya paeyaaso pita꞉ dupa alome. Iki paeyaoma꞉ hau paeyao pa꞉ta꞉ homeke hone wia a꞉ta꞉ma꞉ homa꞉ alualu pu hapa꞉peke. Iki homeke homeke paeyaoma꞉ nikita꞉ yankeke homeke hone witolo hata꞉ta꞉ pukima꞉ homa꞉ alualu pea make epeke hau pu alualu pea make homu pu alualu pea hapa꞉peke.