2 Kotindi 7:11 - Panake Pi La: Ula: Buka pita: Kine Pieke Buka

¹¹ Koda꞉ma꞉ do ika꞉ ka꞉nda꞉ma꞉ homemeeki pa꞉ta꞉ yama꞉ pa꞉la꞉eki handa꞉pe. Titina꞉ta꞉ ika꞉ bu alo hata꞉ a̱i̱ koto kone ika꞉ peleme hoke haumanu tikitiki yamena꞉ la꞉la꞉me. Kutaata꞉ ika꞉ pimi hoke hau manuta꞉ ameta꞉ ota꞉ mina꞉pa꞉laloma꞉me laa waluekema꞉ hone wopu witeleme ekina꞉ make iki epeaala꞉ma꞉ handa꞉pe. A꞉pa꞉e. Ameta꞉ topo wopu pea pimika꞉ta꞉me. Ikana꞉ma꞉ta꞉ mo ata꞉ka꞉ peaaseke mineke panka꞉la꞉ hau make puki yoka꞉ miniki hasa꞉ hau make pea pimika꞉ta꞉me. Ota꞉ aloma꞉ epeke honemanu witolo hata꞉ puki wopu wia pimika꞉ta꞉me. Kutupata꞉ hoke hau a̱i̱ koto kone panisi pealuekema꞉ tikitiki yao hata꞉ pimika꞉ta꞉me. Koto peleme ekita꞉ mo amba꞉ putia epoloma꞉ hau paeyao pa꞉ta꞉ta꞉ ikita꞉ ata꞉ka꞉ na piki wanda꞉halie laa wala꞉la꞉eki handolome.

2 Kotindi 7:11 ပူးပေါင်းရင်းမြစ်များ

Maka 3:5

Kutupa Yesuma꞉ mineke pankolo hata꞉ mo haliweki handolo hata꞉ lekema꞉ lekema꞉ pea handeekeme. Ika꞉ hone taka꞉laeyeke handaa Yesuma꞉ pukima꞉ ka꞉nda꞉ma꞉ homolo hata꞉ mo hali pa꞉ta꞉ alota꞉ Naka꞉ kiki tindipae leekeme. Koto leeke handaa ipika꞉ kiki tindipaeyeke epeekeme.

Dioni 2:17

Ipika꞉ disaipolo haliwekima꞉ mo Baibolo bukana꞉ wape pa꞉la꞉eki hone wimikime dupae. Koda꞉o. Naka꞉ da epeaalo polo hone witolo ekita꞉ I̱ta꞉ titipu wopu polome wape pa꞉la꞉me.

Aposolo 17:16

Kutupa Polota꞉ A꞉ta꞉ni da pa꞉ta꞉ mo hali yaapo epena꞉ handeteke hata꞉ mo daoni teke da toopi tima꞉ wepia wimiki ale manuma꞉ tumba꞉pa peekeeki handolo hata꞉ ipika꞉ pukima꞉ ka꞉nda꞉ma꞉ wotu homeekeme.

Loma꞉ 11:20

Koto make ota꞉eki ya꞉la꞉pate Diu wanda꞉hali ikana꞉ma꞉ hone na tulaemeke handaa ipikana꞉ma꞉ tonda꞉pa꞉ mepi pea pa꞉la꞉me. Diendaili wanda꞉hali ikana꞉ma꞉ hone tulaaseme ekina꞉ tunao halememe. Kutupa halemepate ikana꞉ma꞉ I̱ handaena꞉ haumanu hone na wiki ika꞉ loke tonkao paala꞉ma꞉ homa yopu hapa꞉peke.

Loma꞉ 14:18

Kutupa hali epima꞉ Ketisona꞉ hau dupa peaeya꞉ka꞉na꞉ta꞉ kota꞉ Koda꞉ma꞉ ipiki pa꞉ta꞉ ta꞉na꞉ma꞉ homilieke. Kutupa wanda꞉halima꞉ make ipiki pa꞉ta꞉ epeke pita꞉la꞉me laa ipika꞉ pi laalimikie.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

1 Kotindi 12:25

Koto pa꞉la꞉ ekina꞉ mo hande loketa꞉ pa yoka yoka pea na hake mo hande tunaala꞉ alemanu paeyaoma꞉ta꞉ ika꞉ kone handeteke ha alualu puemena꞉yeke pa꞉la꞉me.

1 Kotindi 5:13

Hande Baibolo bukana꞉ wape pa꞉la꞉ pi ma꞉nda꞉ta꞉ dupa. Hande hoke halita꞉ ika꞉ mombeleme pa꞉ta꞉ na pitina꞉ leke pa yokaa ta꞉ta꞉ haena꞉ lapa꞉peke laa wape pa꞉la꞉me.

1 Kotindi 5:2

Kutu pa꞉la꞉pate ikana꞉ma꞉ alota꞉ Niki kone ana꞉ pa꞉la꞉me la aleme ekita꞉ ekipa alemepe. Epeke ekita꞉ ikana꞉ma꞉ kutupiki hauna꞉ yaala꞉ma꞉ homolo hata꞉ e̱ lapa꞉peke aleo. Kutupa mo hande hau pieke halita꞉ ika꞉ mombelemeeki mina꞉pa꞉lao yoka꞉pa꞉peke aleo.

2 Kotindi 13:7

Ikana꞉ma꞉ ata꞉ka꞉ pikieki ma꞉nda꞉ na puemena꞉ laa nikana꞉ma꞉ Koda꞉ pa꞉ta꞉ yeni pu haloma꞉me. Kota꞉ nikita꞉ mo la handa꞉la꞉eki lombei puma꞉me laa waluekema꞉ dia꞉ya꞉la꞉me. Pate nikita꞉ lopo hake nono piomono kone ikita꞉ mo ota꞉ tikitiki piki hau puemena꞉ yeke loma꞉me.

2 Kotindi 2:6

Iki wopuma꞉ hande some dupiki tupa꞉ panisi peaeme ekita꞉ ana꞉e.

2 Kotindi 6:4

Kotoeki na pikita꞉ nika꞉ pitoloma꞉ hau paeyao pa꞉ta꞉ta꞉ nikita꞉ Koda꞉na꞉ e pokaasoma꞉ haliwekie laa dupa peneme yao haloma꞉me. Mo walolo hata꞉ ka꞉nda꞉ma꞉ homa꞉la꞉ ekimanu make tanda tieke pa꞉la꞉ ekimanu make mamatala꞉ ekimanu pa꞉ta꞉ make ki hone na wiki homu pea yu wia hao haloma꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

2 Kotindi 7:7

Mo ipiki epolo pia꞉ ekima꞉ homeke niki ta꞉na꞉ma꞉ na homa꞉ tiaya꞉pate pa mo ikana꞉ma꞉ ipiki honkopu hawaemeeki a꞉pa la kia꞉ ekima꞉ make niki ta꞉na꞉ma꞉ homa꞉ tiaya꞉me. Ipikana꞉ma꞉ta꞉ ikana꞉ma꞉ I̱ handawee laa we pambelememe laata꞉ ikana꞉ma꞉ ota꞉ hokeeki puma꞉me laa kelepeleme ekina꞉ make mo I̱na꞉ ta̱luekema꞉ tikitiki yao halemeeki make paeyao a꞉pa la kia꞉me. Koto ekina꞉ ameta꞉ I̱ta꞉ ta꞉na꞉ tieke ota꞉ wopu pa꞉la꞉me.

2 Kotindi 7:9

Pate ameta꞉ I̱ta꞉ ta꞉na꞉ma꞉ homolome. Iki a꞉ta꞉ma꞉ homa꞉ tiawa꞉ ekina꞉ dia꞉ya꞉la꞉pate pa mo ika꞉ homeme ka꞉nda꞉ma꞉ta꞉ ika꞉ haumanu topo peaya꞉ ekina꞉ loa꞉me. Koto ka꞉nda꞉ma꞉ homa꞉la꞉ ekita꞉ Koda꞉ma꞉ peaya꞉eki yalo nikana꞉ma꞉ iki na hoeyaoma꞉me.

2 Kotindi 9:2

Pa ekipeke ikana꞉ma꞉ tamba꞉ muluekema꞉ hone wopu wilimi ekita꞉ I̱ma꞉ hone ulume. Kutupa ika꞉ piteleme ekita꞉ mo Ma꞉sedonia wanda꞉hali pa꞉ta꞉ I̱ma꞉ pi la waloa꞉me. Mo wanda꞉hali pa꞉ta꞉ alota꞉ Mo Akaya haleme kame tonuma꞉ta꞉ mo paeya꞉ bapina꞉ kini pea tamba꞉ muluekema꞉ tikitiki yao halememe laa loa꞉me. Ika꞉ puluekema꞉ a̱i̱ hone wilimi ekima꞉ta꞉ wopuna꞉ hone u tialememe.

Epesese 4:26

Kutupa make mineke pankemeka꞉na꞉ta꞉ kota꞉ pa hoke hau pilimina꞉ yopu handeteke hapa꞉peke. Nate pambolo haena꞉ mineke panka꞉la꞉eki na pitina꞉ lapa꞉peke.

Epesese 5:11

Mo timba꞉ lo pamba꞉la꞉ pa꞉ta꞉ hata꞉ napeke na wita꞉la꞉ alema꞉ handeke haumanu pu haleme wanda꞉hali ame̱le̱ na ta꞉ma꞉ni pea na hake kutupiki haumanu mo hande pa̱a̱ peaasa꞉ ekima꞉ kone peneme yaena꞉ lapa꞉peke.

Pilipai 2:12

Ya yankeke tonuo. Hande I̱ma꞉ iki ame̱le̱ mandake haoma꞉ pita꞉ma꞉ta꞉ ya kakena꞉ homo haeme ekita꞉ epea꞉pate ameta꞉ I̱ iki ame̱le̱ na halo dina꞉ ya kakena꞉ pa homo halimi ekita꞉ kota꞉ koto ekita꞉ ota꞉ titina꞉ haue. Ika꞉ Ketiso haleme ekita꞉ paala꞉ma꞉ make pututuma꞉ homolo hata꞉ pu paeyaaluekema꞉ hone wopu u hapa꞉peke.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

1 Timodi 5:20

You halima꞉ a꞉nda꞉ hoke hau pia꞉ka꞉na꞉ta꞉ kota꞉ mandane you haliwekima꞉ handolo hata꞉ hone wina꞉ ika꞉ leke potopoto kone ipika꞉ hoke hau pa꞉la꞉eki laa la halaata꞉ sa꞉sa꞉ pea꞉peke.

2 Timodi 2:15

Nakana꞉ma꞉ ota꞉ epeke e poka꞉la꞉ hali haluekema꞉ta꞉ neke yala꞉ peaama꞉na꞉ naka꞉ titina꞉ honeta꞉ Koda꞉ma꞉ I̱ pa꞉ta꞉ ta꞉na꞉ma꞉ homena꞉e hone witolo hata꞉ e poko hapeke. Koda꞉na꞉ ota꞉ pi tikitiki wala꞉la꞉ hali hata꞉ta꞉ koto hau pu hapeke.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

1 Pida 1:17

Ikana꞉ma꞉ yeni pitolo hata꞉ Apa꞉o lo haleme Koda꞉ma꞉ta꞉ wanda꞉hali paeyao homeke hone witolo hata꞉ta꞉ iki homeke homekema꞉ pu haeme hauna꞉ pi yoka꞉ alu pilieke. Koto ekina꞉ta꞉ ika꞉ ame do kenkena꞉ haleme natena꞉ta꞉ Koda꞉ pa꞉ta꞉ homu pea hao hapa꞉peke.

1 Pida 2:2

Panake mendia꞉la꞉ wekiwandikima꞉ andu na꞉na꞉ma꞉ homa꞉la꞉ tupa꞉ ikana꞉ma꞉ ika꞉ temoko tamba꞉ mulu pa꞉la꞉ yako piki andu na꞉na꞉ lo hapa꞉peke. Koto ekina꞉ mo andu no haemeka꞉na꞉ta꞉ epeke tupa꞉ daeya hata꞉ Koda꞉na꞉ pa꞉ta꞉ la꞉la꞉eki milimikie.

Diudi 1:23

Mandane wanda꞉halita꞉ oni ti uleke pa꞉ta꞉ homaama꞉na꞉ pa꞉ta꞉la꞉ mea꞉pa꞉peke. Kutupa mo mandane wanda꞉halina꞉ peleme hoke hauma꞉ta꞉ ika꞉ dau manuna꞉ wema꞉ handeke ale taleke nono pa꞉la꞉ ekita꞉ honditi pitolo kone paala꞉ piki hata꞉ a꞉ta꞉ma꞉ homa꞉la꞉eki wala꞉pa꞉peke.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.