2 Kotindi 7:10 - Panake Pi La: Ula: Buka pita: Kine Pieke Buka

¹⁰ Pa ekipeke mo Koda꞉ma꞉ homo tiaasa꞉ ka꞉nda꞉ma꞉ta꞉ puki topo peaasa꞉eki mea ipulu hata꞉ da꞉ta꞉monoyeke pa꞉ta꞉la꞉la꞉eki pa꞉ta꞉ hatuku pula꞉mee. Koto ekina꞉ta꞉ ma꞉nda꞉ma꞉ koto pa꞉ta꞉ta꞉ I̱ hoeyaasa꞉ ekie pi ma꞉nda꞉ lapeke na ya꞉la꞉me. Pate do kenkena꞉ hau pa꞉ta꞉ ipula꞉ ka꞉nda꞉ma꞉ta꞉ homa꞉la꞉eki handa꞉ u hala꞉me.

2 Kotindi 7:10 ပူးပေါင်းရင်းမြစ်များ

Kini Pieke 30:1

Pate Leisoloma꞉ta꞉ Dieikope weki ma꞉nda꞉ na mendiaaso hata꞉ta꞉ hakepiki pa꞉ta꞉ a꞉nda꞉ tunkulolo hata꞉ Dieikope pa꞉ta꞉ alota꞉ I̱ homuluekema꞉ wekiwandiki kie leekeme.

Ma꞉tiu 26:75

Kutu pieke toma꞉na꞉ta꞉ Pidama꞉ta꞉ Yesuma꞉ amba꞉ ipiki pa꞉ta꞉ la꞉ witolo Koka꞉la꞉ a̱i̱ na tiake haena꞉ nakana꞉ma꞉ hoto tepo ya biki a꞉mbao lo hoeyaalipikie leekeeki Pidama꞉ niminaeyekeme. Koto ekima꞉ta꞉ ipiki hama opolu bao tikene pua hata꞉ ipika꞉ pukima꞉ ka꞉nda꞉ tieke minolo hata꞉ e̱ tieke leekeme.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 18:13

Koto leekepate mo dakisi mu hayeke halima꞉ta꞉ ipika꞉ siki mo pate leke hata꞉ta꞉ oli ya nane kone na handa꞉liake panda꞉ puniao hata꞉ ipika꞉ hakokona꞉ litolo hata꞉ alota꞉ Koda꞉o. I̱ta꞉ hoke hau polo somema꞉ I̱ a꞉ta꞉ma꞉ homa꞉e leekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

2 Kotindi 12:21

I̱ paala꞉ pita꞉la꞉ ekita꞉ I̱ pa ipulua꞉ dina꞉ta꞉ yaka Koda꞉ma꞉ta꞉ ika꞉ leke popelekena꞉ I̱ta꞉ wenoko mealieke. Kutupa I̱ma꞉ta꞉ mo amba꞉ hoke hau pimi wanda꞉halita꞉ ika꞉ kikana꞉ haumanu pimieki make ika꞉ hoke hone wimi ekimanu make ika꞉ loke apa꞉taasa꞉ hoke haumanu pimi ekimanu hoki na walemeke ekina꞉ I̱ma꞉ e̱ lolueke hone witolome.

2 Kotindi 7:9

Pate ameta꞉ I̱ta꞉ ta꞉na꞉ma꞉ homolome. Iki a꞉ta꞉ma꞉ homa꞉ tiawa꞉ ekina꞉ dia꞉ya꞉la꞉pate pa mo ika꞉ homeme ka꞉nda꞉ma꞉ta꞉ ika꞉ haumanu topo peaya꞉ ekina꞉ loa꞉me. Koto ka꞉nda꞉ma꞉ homa꞉la꞉ ekita꞉ Koda꞉ma꞉ peaya꞉eki yalo nikana꞉ma꞉ iki na hoeyaoma꞉me.

Hibulu 12:17

Isoma꞉ pieke ekita꞉ hone wilimime. Ipika꞉ apa꞉na꞉ epeaasa꞉ la꞉ wita꞉la꞉ ekita꞉ wetepena꞉ muluekema꞉ peekepate na miekeme. Mo epeaasa꞉ hau kina꞉e hone witolo ipika꞉ apa꞉ pa꞉ta꞉ pua e̱ alo alo hata꞉ honke leekepate atekena꞉ hone topo pina꞉ pia꞉peke hau ma꞉nda꞉ na handa꞉ wiekeme.