2 Kotindi 7:1 - Panake Pi La: Ula: Buka pita: Kine Pieke Buka

¹ Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

2 Kotindi 7:1 ပူးပေါင်းရင်းမြစ်များ

Ma꞉tiu 12:33

Epeke kilikimanu ta la꞉la꞉ ekima꞉ta꞉ epeke ti hala꞉eki peneme yaasa꞉me. Pate hoke ti haya꞉ka꞉na꞉ta꞉ kota꞉ hoke kiliki kone talipikie. Ti paeyaona꞉ hala꞉ hauta꞉ ika꞉ kiliki a꞉ilia꞉ ekima꞉ peneme yaalieke.

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Ma꞉tiu 5:8

Ika꞉ puki pa꞉ta꞉ ala꞉ta꞉ ma꞉nda꞉ na talena꞉ leke wamo pea haleme wanda꞉halima꞉ta꞉ ta꞉na꞉ma꞉ homo halememe. Koto wanda꞉halima꞉ta꞉ Koda꞉ handilimikie.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

1 Kotindi 6:20

Ipika꞉eki kone hamina꞉yeke ipikana꞉ma꞉ ikita꞉ yenki tiekema꞉ amba꞉ hamba꞉la꞉me. Koto pa꞉la꞉ ekina꞉ ika꞉ loke manuma꞉ Koda꞉na꞉ biki mea a꞉meiyaena꞉ alo hata꞉ handeteke hapa꞉peke.

2 Kotindi 1:20

Pa ekipeke Koda꞉na꞉ pi la꞉ ula꞉ ekimanu paeyaota꞉ ipiki pa꞉ta꞉ yama꞉ Aowe la꞉la꞉me. Koto ekina꞉ta꞉ Koda꞉na꞉ biki tieke wina꞉ loluekema꞉ta꞉ nika꞉ Kutu pina꞉e. Keiyae pita꞉ Yesu Ketiso pa꞉ta꞉ yama꞉ aloma꞉me.

Epesese 2:3

Amba꞉ta꞉ niki make kutupiki wanda꞉hali hao hata꞉ta꞉ nika꞉ hone pieke ekimanu putia pulu hata꞉ nika꞉ lokema꞉ hone pieke make nika꞉ hone wia puma꞉eki make pu haoma꞉me. Koto hau pu haleme wanda꞉hali pa꞉ta꞉ Koda꞉ma꞉ hoke yenki hala꞉peke ya꞉la꞉ tupa꞉ niki pa꞉ta꞉ make kia꞉peke yolo pia꞉me.

1 Desalonaika 3:13

Ipikana꞉ma꞉ kutu pilimi ekima꞉ ika꞉ puki taka꞉lawalieke. Kutu pia꞉ka꞉na꞉ta꞉ nika꞉ Tekehali Yesu ipika꞉ wanda꞉hali ame̱le̱ epolo peleme natena꞉ta꞉ ikita꞉ nika꞉ Apa꞉ Koda꞉ ipika꞉ leke popelekena꞉ mombela hata꞉ta꞉ ala꞉ta꞉ na piki epeke yakopiki wanda꞉hali halimikie.

1 Desalonaika 4:7

Nikita꞉ suseke haasa꞉ hau peomono Koda꞉ma꞉ wi na lea꞉pate yakopiki hauna꞉ hamono wi lea꞉me.

1 Desalonaika 5:23

Nika꞉ puki lopawao hala꞉ Koda꞉ma꞉ ikita꞉ ika꞉ haumanu paeyao pa꞉ta꞉ yako pina꞉ lawaena꞉e alome. Kota꞉ nika꞉ Tekehali Yesu Ketisona꞉ epolo pa꞉la꞉ nateta꞉ ipula꞉me. Koto nate opolo epea꞉ka꞉na꞉ta꞉ ikita꞉ ata꞉ka꞉ na piki wanda꞉hali hamina꞉ Koda꞉ma꞉ ika꞉ temoko make a̱o̱a̱o̱ make loke make paeyaota꞉ ana꞉na꞉ handeteke hao haena꞉e alome.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Hibulu 12:28

Koto pa꞉la꞉pate nikana꞉ma꞉ mo la꞉wa꞉ la꞉wa꞉ peaapeke na yolo pa꞉la꞉ kilu tombuao hala꞉eki moloma꞉me. Koto poloma꞉ ekina꞉ta꞉ Koda꞉ma꞉ ta꞉na꞉ma꞉ homena꞉ nikana꞉ma꞉ ipika꞉ biki mea a꞉meiyaaso hata꞉ keiyae pi lomana꞉e.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

Hibulu 6:9

Nika꞉ puki piki yankeke titio. Iki pa꞉ta꞉ dupiki pi tieke aloma꞉pate pa mo da꞉ta꞉la꞉ ekima꞉ mea a꞉pa꞉la꞉ wamo pita꞉la꞉ haumanu pu haleme ekina꞉ nikana꞉ma꞉ koto piteme wanda꞉hali iki pa꞉ta꞉ hone ma꞉nda꞉ na witoloma꞉me.

Dia꞉mesi 4:8

Ikana꞉ma꞉ Koda꞉ teke pa꞉ta꞉ a꞉pa haemeka꞉na꞉ta꞉ ipiki make iki teke pa꞉ta꞉ a꞉pa halieke. Hoke hau peleme wanda꞉halio ika꞉ kiki tanda꞉pa꞉pa꞉peke. Hone yaapo wilimi wanda꞉halio hone hokeeki ma꞉nda꞉ yoka꞉ mea bao hapa꞉peke.

1 Pida 1:15

Koto hau na pikita꞉ iki wi lea꞉ Koda꞉ yako piki hali hala꞉ tupa꞉ iki make ika꞉ hau paeyao tonka꞉na꞉ yako pea hapa꞉peke.

1 Pida 1:17

Ikana꞉ma꞉ yeni pitolo hata꞉ Apa꞉o lo haleme Koda꞉ma꞉ta꞉ wanda꞉hali paeyao homeke hone witolo hata꞉ta꞉ iki homeke homekema꞉ pu haeme hauna꞉ pi yoka꞉ alu pilieke. Koto ekina꞉ta꞉ ika꞉ ame do kenkena꞉ haleme natena꞉ta꞉ Koda꞉ pa꞉ta꞉ homu pea hao hapa꞉peke.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

1 Dioni 1:9

Pate nikana꞉ma꞉ nika꞉ hoke haumanu Koda꞉ pa꞉ta꞉ kelepoma꞉ka꞉na꞉ta꞉ kota꞉ ipikana꞉ma꞉ ipika꞉ pulueke laa la꞉ ula꞉eki pilieke. Kutupa ota꞉ tikitiki pita꞉la꞉ hau pitolo hata꞉ nika꞉ hoke haumanu paeyao paeyaasota꞉ nika꞉ hokeeki poloma꞉eki paeyao wamo pealieke.

1 Dioni 3:3

Pea꞉ epima꞉ Ketiso pa꞉ta꞉ dupiki hone puao haya꞉ka꞉na꞉ta꞉ kota꞉ koto somema꞉ mo Ketisota꞉ ala꞉ta꞉ ma꞉nda꞉ na ta̱lolo hata꞉ pa yako peaa hala꞉ tupa꞉ ipiki make ha̱i̱ peaama꞉na꞉ pa yako peatiki pu hala꞉me.