2 Kotindi 6:9 - Panake Pi La: Ula: Buka pita: Kine Pieke Buka

⁹ Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.

2 Kotindi 6:9 ပူးပေါင်းရင်းမြစ်များ

Aposolo 17:18

Kutupa mandane Epikutiani Sitoiki sukulu tapake yaapona꞉ haliwekima꞉ Polo manda꞉hande pea alota꞉ Do hande pi wopu ala꞉ halima꞉ eki leliepe lemekeme. Mandaneeki manuma꞉ alota꞉ Da ma꞉nda꞉ nane koda꞉ manuna꞉ hau wala꞉la꞉ hali ya꞉ka꞉ta꞉me lemekeme. Poloma꞉ Yesu pa꞉ta꞉ make mo hande wanda꞉hali homa pa tiaalo piekeeki waleeke handa lemekeme.

Aposolo 19:26

Ikana꞉ma꞉ do Poloma꞉ pita꞉la꞉eki opua hando halememe leekeme. Do Epesese da homeke dia꞉la꞉pate mo Eisia nane paeyao pa꞉ta꞉ make wanda꞉hali wopuna꞉ puki la꞉ka꞉lao alota꞉ Kikima꞉ wepia ula꞉ koda꞉ sunuta꞉ ota꞉eki dia꞉me lo halememe leekeme.

Aposolo 25:19

Ikana꞉ma꞉ ipiki samani pitolo leme ekita꞉ ika꞉ yeni pu haleme hauna꞉ make pa amba꞉ homeeke hali Yesu pa꞉ta꞉ make samani pitolo lememe. Koto hali Yesuta꞉ Poloma꞉ alota꞉ koto hali ame paa tiao hala꞉me lea꞉me.

Aposolo 25:26

Kutu pua꞉pate pa do halima꞉ pa꞉la꞉ ekina꞉ Sisa pa꞉ta꞉ I̱ma꞉ teke pi ma꞉nda꞉ wape pea tapaaluekema꞉ I̱ hone na witolome. Koto ekina꞉ Kini hali Akatipao. Neke pa꞉ta꞉ make do haliweki pa꞉ta꞉ make iki paeyao pa꞉ta꞉ do hali koto epena꞉ alo handa꞉e. Ipikana꞉ma꞉ lelie pi opuata꞉ wetepena꞉ I̱ma꞉ wape pulu polo pi hone ulueke.

Loma꞉ 15:19

wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

Loma꞉ 8:36

mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

1 Kotindi 11:32

Koto pa꞉la꞉pate Koda꞉ma꞉ nika꞉ hao hoeyaasoma꞉eki handaata꞉ ka꞉nda꞉ miomono lea꞉ka꞉na꞉ta꞉ kota꞉ mo kenke wanda꞉hali ame̱le̱ apa꞉tao hoke yenki meaama꞉na꞉yeke pita꞉la꞉me.

1 Kotindi 15:31

Ya kametitio. Homa꞉la꞉ ekita꞉ nate paeyao I̱ pa꞉ta꞉ a꞉pa꞉peke ya꞉la꞉me. Dota꞉ pa yapa꞉piki pi alope. Dia꞉me. Nika꞉ Tekehali Yesu Ketiso pa꞉ta꞉ ta꞉ma꞉ni pea haloma꞉ ekina꞉ I̱ma꞉ ika꞉ pi laaso hata꞉ pitolo tupa꞉ do alo pi make ota꞉ekie alome.

1 Kotindi 4:9

Pate ya honema꞉ta꞉ Koda꞉ma꞉ ipika꞉ aposolo haliweki nikita꞉ ota꞉ hoki nane hamono la꞉la꞉me. Nikita꞉ mo homaapeke ya꞉la꞉ haliwekima꞉ handele tupa꞉ mo kenke wanda꞉hali paeyaona꞉ leke popeleke nane make mo enisolo tapakena꞉ leke popelekena꞉ make ota꞉ mo telepo la꞉tiaasa꞉ hama tukikina꞉ homaapeke ya꞉la꞉ haliweki tupa꞉ haloma꞉eki handelememe.

2 Kotindi 11:6

I̱ta꞉ ma꞉nda꞉ta꞉ yaka pi alo pa꞉ta꞉ta꞉ me̱i̱me̱i̱ lialopate pa mo hone witoloeki pa꞉ta꞉ta꞉ ota꞉ dia꞉me hone witolome. Nikana꞉ma꞉ta꞉ hau paeyao pa꞉ta꞉ta꞉ koto ekita꞉ peneme yatiki pu haloma꞉me.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

2 Kotindi 5:11

Koda꞉ paala꞉ma꞉ homa꞉peke ya꞉la꞉ ekita꞉ nikana꞉ma꞉ hone uluma꞉me. Koto ekina꞉ta꞉ nikana꞉ma꞉ta꞉ mandane wanda꞉hali hone la꞉ka꞉laluekema꞉ taapo haloma꞉me. Koda꞉ma꞉ta꞉ nika꞉ hau paeyaosiki hone wopu ula꞉eki yalo yaka honema꞉ta꞉ ikana꞉ma꞉ make ika꞉ temokoma꞉ I̱ make hone witolo pelememe.