2 Kotindi 6:4 - Panake Pi La: Ula: Buka pita: Kine Pieke Buka

⁴ Kotoeki na pikita꞉ nika꞉ pitoloma꞉ hau paeyao pa꞉ta꞉ta꞉ nikita꞉ Koda꞉na꞉ e pokaasoma꞉ haliwekie laa dupa peneme yao haloma꞉me. Mo walolo hata꞉ ka꞉nda꞉ma꞉ homa꞉la꞉ ekimanu make tanda tieke pa꞉la꞉ ekimanu make mamatala꞉ ekimanu pa꞉ta꞉ make ki hone na wiki homu pea yu wia hao haloma꞉me.

2 Kotindi 6:4 ပူးပေါင်းရင်းမြစ်များ

Luku 21:19

Honkopu hao hapa꞉peke. Pa ekipeke dupiteleme hau manuma꞉ta꞉ ika꞉ kone petelimikie leekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Aposolo 20:34

ya do kiki yaapoma꞉ e pokaa I̱ ame̱le̱ haeme haliweki nika꞉ mea꞉peke yeke ekimanu mu haowa꞉ ekita꞉ iki handememe lea꞉me.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Loma꞉ 14:18

Kutupa hali epima꞉ Ketisona꞉ hau dupa peaeya꞉ka꞉na꞉ta꞉ kota꞉ Koda꞉ma꞉ ipiki pa꞉ta꞉ ta꞉na꞉ma꞉ homilieke. Kutupa wanda꞉halima꞉ make ipiki pa꞉ta꞉ epeke pita꞉la꞉me laa ipika꞉ pi laalimikie.

Loma꞉ 16:10

Hande ipika꞉ Ketiso pa꞉ta꞉ ti lao hala꞉eki peneme yala꞉ hali A꞉pelisi pa꞉ta꞉ make a꞉taloe pi la꞉niaasome. Hande Atisitobulusi tapake wanda꞉hali pa꞉ta꞉ make a꞉taloe pi la꞉niaasome.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

1 Kotindi 3:5

Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

1 Kotindi 9:11

Kutupa nikana꞉ma꞉ta꞉ iki pa꞉ta꞉ mo Koda꞉na꞉ Sipitidina꞉ wae alemanu nokopoma꞉me. Kutupa ame mo kiliki mina꞉la꞉ tupa꞉ ikana꞉ma꞉ mandane alemanu niki pa꞉ta꞉ kimika꞉na꞉ta꞉ ana꞉ na pa꞉la꞉pe.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

2 Kotindi 11:9

Kutupa iki ame̱le̱ haowa꞉ natena꞉ta꞉ I̱ mani dia꞉yeketa꞉ I̱ tamba꞉ mipe laa iki pa꞉ta꞉ ka꞉nda꞉ peaapeke honke na loa꞉me. Pa ekipeke mo Ma꞉sedonia nanema꞉ epeme kame tonuma꞉ I̱ dia꞉ya꞉la꞉ ale paeyao aneke mea a꞉paememe. Amba꞉ pua꞉ tupa꞉ wetepe nina꞉ make I̱ta꞉ iki ka꞉nda꞉ homaaluekema꞉ na taapulueke.

2 Kotindi 12:10

Koto ekina꞉ I̱ma꞉ta꞉ Ketisona꞉eki peaaso mo damako pa꞉la꞉ ekima꞉ make tetopiki pima꞉ make ka꞉nda꞉piki ekima꞉ make a꞉nda꞉ lita꞉la꞉ ekima꞉ make mamatala꞉ ekima꞉ make I̱ta꞉ pa ta꞉na꞉ pa꞉la꞉me. Pa ekipeke I̱ta꞉ damako polo dina꞉ta꞉ honkopu hao halome.

2 Kotindi 12:12

Mo hande na handeke haumanu make ta꞉ta꞉piki haumanu make iki tukikina꞉ peneme yaasota꞉ I̱ta꞉ ota꞉ aposolo hali wala꞉la꞉me. Kutupiki haumanu pua꞉ ekita꞉ homuma꞉ pua꞉ ekina꞉ loa꞉me.

2 Kotindi 2:17

Nikita꞉ mo hande mandane wanda꞉halima꞉ Koda꞉na꞉ pita꞉ mo bisinisi pea꞉peke alesiki leke pu haleme tupa꞉ na pu haloma꞉pate Koda꞉ma꞉ niki tapaala꞉ ekina꞉ta꞉ nikita꞉ Ketisona꞉ e pokaasa꞉ haliweki hata꞉ ipika꞉ pita꞉ Koda꞉na꞉ leke popelekena꞉ tikitiki yao poko haloma꞉me.

2 Kotindi 3:6

Ipikana꞉ma꞉ta꞉ nikana꞉ma꞉ do panake la꞉ ula꞉ pi pa꞉ta꞉ e pokomono niki wele peaasa꞉me. Do panake la꞉ ula꞉ pita꞉ mo wape pea ula꞉ Lo Pi dia꞉ya꞉la꞉pate pa mo Sipitidima꞉ peaasa꞉ekie. Mo wape pea ula꞉ Lo pima꞉ta꞉ homa꞉la꞉eki mea ipula꞉pate pa mo Sipitidima꞉ta꞉ da꞉ta꞉la꞉eki kita꞉la꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

2 Kotindi 4:8

Nikita꞉ hoto ma꞉nda꞉ nina꞉ta꞉ ka꞉nda꞉ma꞉ homo haloma꞉pate ota꞉ lu tumbaaso dia꞉me. Hoto ma꞉nda꞉ nina꞉ta꞉ hone eleke eleke u haloma꞉pate nika꞉ hone pua doka꞉tiki yaala꞉ dina꞉ta꞉ pa pina꞉e hone na u haloma꞉me.

2 Kotindi 7:11

Koda꞉ma꞉ do ika꞉ ka꞉nda꞉ma꞉ homemeeki pa꞉ta꞉ yama꞉ pa꞉la꞉eki handa꞉pe. Titina꞉ta꞉ ika꞉ bu alo hata꞉ a̱i̱ koto kone ika꞉ peleme hoke haumanu tikitiki yamena꞉ la꞉la꞉me. Kutaata꞉ ika꞉ pimi hoke hau manuta꞉ ameta꞉ ota꞉ mina꞉pa꞉laloma꞉me laa waluekema꞉ hone wopu witeleme ekina꞉ make iki epeaala꞉ma꞉ handa꞉pe. A꞉pa꞉e. Ameta꞉ topo wopu pea pimika꞉ta꞉me. Ikana꞉ma꞉ta꞉ mo ata꞉ka꞉ peaaseke mineke panka꞉la꞉ hau make puki yoka꞉ miniki hasa꞉ hau make pea pimika꞉ta꞉me. Ota꞉ aloma꞉ epeke honemanu witolo hata꞉ puki wopu wia pimika꞉ta꞉me. Kutupata꞉ hoke hau a̱i̱ koto kone panisi pealuekema꞉ tikitiki yao hata꞉ pimika꞉ta꞉me. Koto peleme ekita꞉ mo amba꞉ putia epoloma꞉ hau paeyao pa꞉ta꞉ta꞉ ikita꞉ ata꞉ka꞉ na piki wanda꞉halie laa wala꞉la꞉eki handolome.

Kolosi 1:11

Kutupa ikita꞉ ipika꞉ ota꞉ pa̱a̱ piki wele pa꞉ta꞉ ipula꞉ honkopu ana꞉na꞉ kone haemeka꞉na꞉ta꞉ mo hau paeyao pa꞉ta꞉ta꞉ homu pea yu wia hata꞉ da̱o̱la hamena꞉e laa honke alopa꞉me. Kutupa ta꞉na꞉ lulu hata꞉ Apa꞉ pa꞉ta꞉ keiyae lapa꞉peke. Ipikana꞉ma꞉ oli pa̱a̱na꞉ kilu tumbuao hala꞉eki pa꞉ta꞉ ipika꞉ wanda꞉hali mina꞉yeke wiala꞉ ekina꞉ putupiliki ma꞉nda꞉ muemena꞉yeke iki ana꞉ pealeke loa꞉me.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

1 Desalonaika 3:7

Kametitio. Koto ekina꞉ta꞉ nikana꞉ma꞉ tanda tanda o ka꞉nda꞉ tonka꞉na꞉ mu haoma꞉pate nikana꞉ma꞉ iki pa꞉ta꞉ yenkimeke homo haoma꞉ ekita꞉ ameta꞉ a꞉pa꞉la꞉me. Ika꞉ hone tulaaleme ekima꞉ niki sa꞉tiaala꞉me.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

1 Timodi 2:15

Kutu piekepate wanda꞉wekima꞉ weki taapolo hata꞉ a꞉nda꞉ kimelema꞉ hone tulao pukima꞉ homaa tikitiki piki hone taapuna꞉ hata꞉ pu haemeka꞉na꞉ta꞉ kota꞉ mo ika꞉ weki mendilimi ekima꞉ta꞉ iki pa꞉ta꞉ eki a꞉nda꞉ epolo pa꞉la꞉eki sa꞉sa꞉ pilieke.

1 Timodi 4:6

Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

1 Timodi 6:11

Nakana꞉ma꞉ Koda꞉na꞉ hali hata꞉ta꞉ koto hau manuta꞉ mone hata꞉ pina꞉ kiao papate leke hapeke. Kutu puluekema꞉ta꞉ kota꞉ nakana꞉ma꞉ mo tikitiki piki hau make Koda꞉na꞉ hau leke pita꞉la꞉ hau make hone tulaasa꞉ hau make pukima꞉ homa꞉la꞉ hau make ki hone na wiki pita꞉la꞉ hau make kimele piki hau pita꞉la꞉ hau make koto hau paeyao ota꞉ muluekee hone u paleke pu hapeke.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

2 Timodi 2:24

Mo Tekehalina꞉ e pokaasa꞉ halima꞉ta꞉ta꞉ ape ape na lelieke. Kotoeki na pikita꞉ ipikana꞉ma꞉ wanda꞉hali paeyao pa꞉ta꞉ a꞉ta꞉ma꞉ homolo epeke disa hali hata꞉ ika꞉ pu hoeyaaseme haumanu pa꞉ta꞉ ka꞉nda꞉ma꞉ a̱i̱ na homake yu wia hapeke ya꞉la꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Hibulu 12:1

Mo hande amba꞉ haeme wanda꞉halita꞉ ameta꞉ niki hopa꞉liao koa leke haleme ekima꞉ta꞉ ika꞉ hone tulaemekeeki niminaa tiaasememe. Kutu peleke handaata꞉ do ame haloma꞉ wanda꞉hali nikita꞉ pa eki pumana꞉pe. Do haumanu pumana꞉e. Mo niki miniki hata꞉ me̱i̱me̱i̱ liaasa꞉ alemanu paeyao make pa mo ta̱la꞉ pelia hasa꞉ hoke haumanu paeyao londa꞉la꞉ mipi bao pomana꞉e. Kutaata꞉ mo Koda꞉ma꞉ peomono yeke telipala꞉ a̱i̱ya꞉ pula꞉ hauna꞉ta꞉ nika꞉ puki hana꞉ noka꞉pa hao hamana꞉e.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 3:10

Mo kenkena꞉ haleme wanda꞉hali paeyao la handuluekema꞉ ipula꞉ ka꞉nda꞉manu pa꞉ta꞉ta꞉ I̱ma꞉ iki handeteke halueke. Pa ekipeke ikana꞉ma꞉ta꞉ mo ka꞉nda꞉ pa꞉la꞉eki pa꞉ta꞉ hata꞉ kone kima꞉ na homeke honkopu hao hapa꞉peke laa la꞉ ua꞉ ekita꞉ na mina꞉pa꞉lake pa pea꞉tiki peleme ekina꞉ loa꞉me.