2 Kotindi 5:8 - Panake Pi La: Ula: Buka pita: Kine Pieke Buka

⁸ Nikita꞉ hali au la hata꞉ honkopu hao haloma꞉ ekima꞉ta꞉ nika꞉ honema꞉ do nika꞉ lokena꞉ data꞉ mina꞉pa꞉lao mo Tekehali ame̱le̱ oli da pua hao hawee hone uluma꞉me.

2 Kotindi 5:8 ပူးပေါင်းရင်းမြစ်များ

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Ma꞉tiu 25:23

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Luku 2:29

Tekehalio. Ameta꞉ naka꞉ hande pi la꞉ wili ekita꞉ ota꞉ yaaleme. Koto ekina꞉ naka꞉ e pokaaso halina꞉ puki lopao pono lae.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Dioni 14:3

Kutupa I̱ pua ika꞉ halo peleme alena꞉ wamo peaota꞉ I̱ halo alena꞉ mandake pa꞉ta꞉ a꞉pa hamina꞉yeke I̱ paa a꞉pa iki a꞉pa handa꞉ mulueke.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.

2 Kotindi 5:6

Koto ekina꞉ta꞉ nikita꞉ hoto paeyao hali au la hata꞉ honkopu hao haloma꞉me. Nikita꞉ do nika꞉ lokena꞉ da pa꞉ta꞉ pa hata꞉ kone mo Koda꞉na꞉ da papate haloma꞉me laa hone uluma꞉me.

2 Kotindi 5:9

Pate nika꞉ hone pa꞉la꞉ hau paeyaona꞉ titina꞉ hau homeketa꞉ dupae. Ame do haloma꞉ da pa꞉ta꞉ make oli polo poloma꞉ da pa꞉ta꞉ make mo Tekehali ta꞉na꞉ma꞉ homaapeke hau homeke puluekema꞉ taapo haloma꞉me.

1 Dioni 3:2

Ota꞉ yaka ta꞉ma꞉ni sunuo. Nikita꞉ ameta꞉ Koda꞉na꞉ wekiwandiki ya꞉la꞉pate pa mo wetepena꞉ halo polome ekita꞉ a̱i̱ na peneme yaala꞉me. Koto pa꞉la꞉pate mo Ketiso opolo ipilia꞉ dina꞉ta꞉ nikita꞉ ipikima꞉ kone handulumeke. Pa ekipeke ipikita꞉ ota꞉ ipika꞉ hala꞉eki nika꞉ lekema꞉ handolo polome ekina꞉ loa꞉me.

Peneme Yaeyekeeki 22:3

Mo Koda꞉ma꞉ta꞉ hoeyaena꞉ laa ma̱leke lia ula꞉ ale ma꞉nda꞉ta꞉ koto daoni pa꞉ta꞉ ota꞉ na wilieke. Mo Koda꞉ pita꞉ mo Sipisipi Ma꞉na꞉ Ikiki yaapona꞉ kini seata꞉ koto daoni pa꞉ta꞉ wilieke. Kutupa ipika꞉ e pokaaseme wanda꞉halita꞉ ipiki pa꞉ta꞉ panda꞉puniao yeiya꞉ laaso hata꞉ yeni pu halimikie.