2 Kotindi 4:4 - Panake Pi La: Ula: Buka pita: Kine Pieke Buka

⁴ Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

2 Kotindi 4:4 ပူးပေါင်းရင်းမြစ်များ

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Dioni 12:40

Koda꞉ma꞉ ika꞉ leke holu peaota꞉ ika꞉ pukita꞉ taka꞉la꞉pa pua hata꞉ta꞉ toopi leke wina꞉ leekeme. Wanda꞉halima꞉ ika꞉ lekema꞉ handaama꞉na꞉ make ika꞉ puki tooluma꞉ hone wiaama꞉na꞉ pua꞉me. I̱ma꞉ iki wamo peaanoyeke I̱ pa꞉ta꞉ na la꞉ka꞉la haena꞉yeke pua꞉me laa leekeme.

Dioni 12:45

Hali epima꞉ I̱ handea꞉ka꞉na꞉ta꞉ kota꞉ I̱ tapaeya꞉ hali make handa꞉la꞉me.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Dioni 15:24

Amba꞉ titina꞉ ma꞉nda꞉ma꞉ na pieke ekimanu I̱ma꞉ iki ame̱le̱ na pua꞉ka꞉na꞉ yoluta꞉ ika꞉ hoke hauta꞉ peneme na yaalo pia꞉me. Koto pa꞉la꞉pate I̱ma꞉ pua꞉eki handaa kone yaka Apa꞉ diki pa꞉ta꞉ honditi pu halememe.

Dioni 16:11

Mo pi yokaalu pita꞉la꞉eki pa꞉ta꞉ hone u hoeyaasa꞉ ekita꞉ do kenkena꞉ hala꞉ you halita꞉ pi yokaalu peata꞉ oto pa꞉ta꞉ yaala꞉ ekina꞉ loa꞉me.

Dioni 8:12

Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Aposolo 26:23

Dupa. Ketisota꞉ titina꞉ amba꞉la tanda pa꞉la꞉eki meaata꞉ kutupa titina꞉ homa paa tiaalo pa꞉la꞉ hali hata꞉ mo Diu wanda꞉hali pa꞉ta꞉ make mo Diendaili wanda꞉hali pa꞉ta꞉ make pa̱a̱ pita꞉la꞉eki wala꞉tiki pilieke leleme pi kone I̱ma꞉ make alome leekeme.

1 Kotindi 10:20

Dia꞉me. Do ekina꞉ alome. Mo pi na miki haliwekima꞉ ma꞉na꞉ lia haleme ekita꞉ koto Koda꞉ pa꞉ta꞉ na haleke pa mo hoke temokomanu pa꞉ta꞉ kone halememe. Kutupa ikita꞉ mo hoke temokomanu ame̱le̱ ta꞉ma꞉ni pea hamina꞉ I̱ta꞉ hone na pa꞉la꞉me.

2 Kotindi 2:11

Kutu pu halo ekina꞉ teketa꞉ mo Sadanima꞉ niki bepolaama꞉na꞉ loa꞉me. Pa ekipeke nikana꞉ma꞉ta꞉ ipika꞉ hoke hone pambao ula꞉eki manuta꞉ amba꞉ hone uluma꞉me.

2 Kotindi 2:12

I̱ mo Dotoa꞉si da pa꞉ta꞉ Ketisona꞉ Pi Seliapo waluekema꞉ opolo puaata꞉ koto pa꞉ta꞉ pokolo pua꞉ eta꞉ mo Tekehalima꞉ amba꞉ pota꞉ wiayekeeki handa꞉ ua꞉me.

2 Kotindi 3:11

Kutupa mo amba꞉ hande nate leke hosiki hokuluna꞉ pa wieke ekina꞉ta꞉ pa̱a̱ piekeme loma꞉ka꞉na꞉ta꞉ kota꞉ mo ame do honiki na wiki ota꞉ hao hala꞉ ekina꞉ pa̱a̱ta꞉ ota꞉ lombei peaake pa̱a̱ pa꞉la꞉me laa hone umana꞉e.

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.

Pilipai 2:6

Yesuma꞉ta꞉ ipika꞉ ateke Koda꞉na꞉ hau leke kone pu hayekepate pa ipikana꞉ma꞉ Ya Apa꞉ tupa꞉ hapeke ekita꞉ ya welema꞉ pa꞉ta꞉la꞉ mulueke hone na wiekeme.

Kolosi 1:15

Ketisota꞉ mo na handa꞉peke Koda꞉ma꞉ handeke nono pa꞉la꞉ hali konee. Ipikita꞉ mupeke weki hata꞉ Koda꞉ma꞉ wa꞉pa꞉la꞉ ale paeyaota꞉ ipikana꞉ma꞉ lu tumbaala꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Timodi 1:11

Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Hibulu 1:3

Ipikita꞉ Koda꞉na꞉ pa̱a̱ tieke nikina꞉ pa̱a̱ peaasa꞉ hali hata꞉ make Koda꞉ma꞉ handeke kone make hata꞉ ipika꞉ wele wotu piki pima꞉ do kenke ya paeyao miniliao hala꞉me.

Hibulu 6:4

Mandane wanda꞉halima꞉ta꞉ mo hande amba꞉ ika꞉ hone tulaemekeeki mina꞉pa꞉laemeka꞉na꞉ta꞉ pa ekipa ika꞉ puki la꞉ka꞉la hone ma꞉nda꞉ tulaena꞉ handa꞉ mea epomana꞉pe. Ikita꞉ Koda꞉na꞉ pa̱a̱ pa꞉la꞉eki tukiki pa꞉ta꞉ amba꞉ haemeke handa make mo hepeni nanema꞉ pa hameke hala꞉la꞉ hau ikana꞉ma꞉ amba꞉ pea handemeke handa make mo Holi Sipitidima꞉ telipea yekeeki make mimiki handaata꞉

2 Pida 1:19

Koto ekina꞉ nikita꞉ mo hande potopede haliwekima꞉ walo haemeke pina꞉ hone wopu tulaloma꞉me. Ikana꞉ma꞉ make koto pi wopu opimika꞉na꞉ta꞉ ota꞉ epeke tupa꞉ pilimikie. Pa ekipeke koto pita꞉ hande lamepama꞉ timba꞉ leke ale pa꞉ta꞉ pa̱a̱ peatia pua mo da ka꞉la꞉polo hata꞉ da ka꞉la꞉paaso hombulanka꞉ma꞉ ika꞉ puki pa꞉ta꞉ pa̱a̱ peaasa꞉ nate opolo haena꞉ mina꞉pa꞉laasa꞉ tupa꞉e.

1 Dioni 2:11

Pate ma꞉nda꞉ epima꞉ ipika꞉ yankeke honditi pia꞉ka꞉na꞉ta꞉ ipikita꞉ timba꞉ leke pa꞉ta꞉ hala꞉me. Ipikita꞉ koto pa꞉ta꞉ pominolo hata꞉ timba꞉ la꞉la꞉ ekima꞉ leke holu peala꞉ ekiyalo hata꞉ta꞉ ipika꞉ pula꞉ pota꞉ta꞉ hone na ula꞉me.

1 Dioni 2:8

Koto pa꞉la꞉pate I̱ma꞉ ame do laaso pi ula꞉ ekita꞉ panakeekie. Pa ekipeke ipika꞉ ota꞉ ekita꞉ Ketiso pa꞉ta꞉ make iki pa꞉ta꞉ make handoloma꞉me. Kota꞉ mo timba꞉ ala꞉ ekita꞉ amba꞉ lombei pita꞉la꞉me. Kutupa mo ota꞉ pa̱a̱ pa꞉la꞉ ekita꞉ amba꞉ pa̱a̱ pita꞉la꞉me.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.