2 Kotindi 4:10 - Panake Pi La: Ula: Buka pita: Kine Pieke Buka

¹⁰ Hoto paeyaota꞉ nika꞉ kenke lokena꞉ta꞉ mo Yesuna꞉ homeekeeki meatia pomu haloma꞉me. Pa ekipeke nika꞉ loke pa꞉ta꞉ta꞉ ipiki da꞉ta hala꞉eki handena꞉yeke loa꞉me.

2 Kotindi 4:10 ပူးပေါင်းရင်းမြစ်များ

Dioni 14:19

hosiki hao kenke wanda꞉halima꞉ I̱ pa na handolo pelemepate ikana꞉ma꞉ wetepe I̱ handilimikie. Koto ekina꞉ I̱ da꞉ta꞉ halo ekima꞉ta꞉ iki make da꞉ta꞉ halimikie.

Loma꞉ 6:5

Nikita꞉ ipika꞉ homeeke ekina꞉ ipiki ame̱le̱ mandakena꞉ homomeke handaata꞉ koto tupa꞉ kone Koda꞉ma꞉ ipiki mea da꞉taeyeke ekima꞉ niki make ipiki ame̱le̱ mandakena꞉ hamonoyeke mea da꞉taalieke.

Loma꞉ 6:8

Nikita꞉ Ketiso homeeke ekita꞉ ipiki ame̱le̱ mandakena꞉ homomeke handa nika꞉ hone tulaasoma꞉ ekita꞉ dupa uluma꞉me. Ipiki ame̱le̱ hao halumeke hone witoloma꞉me.

Loma꞉ 8:36

mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

2 Kotindi 1:5

Nikita꞉ mo hande Ketisona꞉ tandamanu putu poloma꞉ tupa꞉ kone Ketiso pa꞉ta꞉ yama꞉ta꞉ Koda꞉na꞉ aneke tamba꞉ mina꞉la꞉eki putu poloma꞉me.

2 Kotindi 1:9

Niki pa꞉ta꞉ homena꞉e ala꞉ pita꞉ amba꞉ la꞉ wiki nono pia꞉me. Pate doeki pia꞉ ekita꞉ nikana꞉ma꞉ nika꞉ homeke na ti lake pa mo homa꞉la꞉eki mea tiao hala꞉ Koda꞉ pa꞉ta꞉ homeke hone tulaamono pia꞉me.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

2 Kotindi 4:11

Yesuna꞉ ekina꞉ nika꞉ hatia puluma꞉ ale pa꞉ta꞉ manuta꞉ homa꞉la꞉eki teke pa꞉ta꞉ hao haloma꞉me. Pa ekipeke ipika꞉ deto hala꞉ ekita꞉ nika꞉ do kenke loke pa꞉ta꞉ handena꞉yeke pitoloma꞉me.

Ka꞉leisia 6:17

Ya paeyaaso pita꞉ dupae. Ma꞉nda꞉ma꞉ I̱ pa꞉ta꞉ mandane ka꞉nda꞉manu na kina꞉e. Pa ekipeke. Mo ya lokena꞉ hondo ula꞉eki manuma꞉ walolota꞉ I̱ta꞉ Yesuna꞉ pa hameke e pokaalo hali haloeki wala꞉la꞉me.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

2 Timodi 2:11

Dota꞉ ota꞉ pi alo pie. Nikana꞉ma꞉ ipiki ame̱le̱ mandake a꞉nda꞉ homoma꞉ka꞉na꞉ta꞉ kota꞉ ipiki ame̱le̱ mandake kone da꞉taa halumeke.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Pida 4:14

Ikita꞉ Ketisona꞉ telia꞉la꞉ wanda꞉hali haleme ekina꞉ ma꞉nda꞉ma꞉ iki pa꞉ta꞉ hoke pi lemeka꞉na꞉ta꞉ ta꞉na꞉ma꞉ homa꞉pa꞉peke ya꞉la꞉me. Koto lemeka꞉na꞉ta꞉ kota꞉ mo pa̱a̱ piki temokota꞉ Koda꞉na꞉ temoko kone iki pa꞉ta꞉ pitia꞉ka꞉ta꞉me.

Peneme Yaeyekeeki 1:17

I̱ma꞉ ipiki handoa꞉ dina꞉ta꞉ amba꞉ homeke halima꞉ handaa ipika꞉ anke teke pa꞉ta꞉ lopoa꞉me. Kutu pueketa꞉ ipikana꞉ma꞉ ipika꞉ popeke nane kiki I̱ manda witolo hata꞉ alota꞉ Paala꞉ma꞉ na homa꞉pee. I̱ta꞉ ota꞉ titina꞉ make ota꞉ wetepe sale nane makee.