2 Kotindi 3:6 - Panake Pi La: Ula: Buka pita: Kine Pieke Buka

⁶ Ipikana꞉ma꞉ta꞉ nikana꞉ma꞉ do panake la꞉ ula꞉ pi pa꞉ta꞉ e pokomono niki wele peaasa꞉me. Do panake la꞉ ula꞉ pita꞉ mo wape pea ula꞉ Lo Pi dia꞉ya꞉la꞉pate pa mo Sipitidima꞉ peaasa꞉ekie. Mo wape pea ula꞉ Lo pima꞉ta꞉ homa꞉la꞉eki mea ipula꞉pate pa mo Sipitidima꞉ta꞉ da꞉ta꞉la꞉eki kita꞉la꞉me.

2 Kotindi 3:6 ပူးပေါင်းရင်းမြစ်များ

Ma꞉tiu 13:52

Koto lemeke opitolo Yesuma꞉ alota꞉ Hali ma꞉nda꞉ epi a꞉nda꞉ma꞉ta꞉ mo amba꞉ la꞉ wieke Lo Pimanu walo hala꞉ hali hata꞉ta꞉ pa mo hepenina꞉ Kilu Tombuao Hala꞉ ekina꞉ hau paeyao miniki hala꞉ hali make haya꞉ka꞉na꞉ta꞉ kota꞉ koto someta꞉ mo da tiekena꞉ tekehali tupa꞉ hata꞉ ipika꞉ momba꞉la nu pindu hao u hala꞉ da panda꞉ pa꞉ta꞉ pua amba꞉ epeke alemanu make panake epeke alemanu make apa꞉tao mea a꞉pa peneme yaasa꞉ somema꞉ handilieke leekeme.

Ma꞉tiu 26:28

ipikana꞉ma꞉ iki pa꞉ta꞉ alota꞉ Panake pi la꞉ uluekema꞉ yaka we doe. Wanda꞉halina꞉ hoke hau paeyaena꞉ loluekema꞉ yaka we lopilieke laa

Maka 14:24

Kutupa ipikana꞉ma꞉ iki pa꞉ta꞉ alota꞉ Pi la꞉ uluekema꞉ yaka we doe. Wanda꞉hali paeyao epeaaluekema꞉ yaka we lopilieke laa

Luku 22:20

Koto tupa꞉ make ne naa paeyeketa꞉ hande kapo mea mina hata꞉ alota꞉ Do kapota꞉ Koda꞉ma꞉ ipika꞉ panake pi la꞉ uluekema꞉ yaka wema꞉ wiaasa꞉me laata꞉ Ikina꞉ holao pa꞉la꞉me leekeme.

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:15

Hande Lo Pimanu opua oto pa꞉ta꞉ haleme wanda꞉hali pa꞉ta꞉ wetepena꞉ta꞉ Koda꞉ma꞉ mineke pankolo hata꞉ iki ame̱le̱ pi yokaalu pilieke. Kutu pulu pa꞉la꞉pate hali ma꞉nda꞉ma꞉ wanda꞉hali pa꞉ta꞉ pi wita꞉la꞉eki ma꞉nda꞉ na la halea꞉ka꞉na꞉ta꞉ kota꞉ wetepena꞉ iki pa꞉ta꞉ pi ula꞉eki yambelelememe pi lapeke na ya꞉la꞉me.

Loma꞉ 4:17

Hande Baibolo bukana꞉ wape pa꞉la꞉ tupa꞉ Neketa꞉ tutu ta꞉ta꞉ ta꞉ta꞉ wanda꞉hali paeyaona꞉ apa꞉ halena꞉ lolome laa leeke ekina꞉ opua Eipoloha꞉ma꞉ Koda꞉ pa꞉ta꞉ hone tulao hayekeme. Koto ekina꞉ Koda꞉ma꞉ kone koto pi la꞉ wieke ekita꞉ ota꞉ yaeyekeme. Do hauta꞉ mo amba꞉ homemeke wanda꞉hali mea da꞉taapekeeki make mo amba꞉ na haemeke alemanu ipikana꞉ma꞉ pima꞉ alo hata꞉ kone mea haena꞉ leekeeki make koto Koda꞉ma꞉ta꞉ do hau make pu hala꞉me.

Loma꞉ 7:6

Kutu piekepate nikita꞉ mo Lo Pi manuma꞉ amba꞉ mea tonkao wiekeeki pa꞉ta꞉ homomeke handaata꞉ ameta꞉ Koda꞉ma꞉ niki ka꞉la꞉pa꞉ ta꞉pao pa hamono la꞉la꞉me. Ame do pokoloma꞉ eta꞉ hande amba꞉ wape pea wieke Lo Pi manuma꞉ waleeke tupa꞉ na pokoloma꞉pate hande Sipitidima꞉ panakeeki wala꞉la꞉ tupa꞉ pokoloma꞉me.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

1 Kotindi 11:25

Koto tupa꞉ make ne naa paeyeketa꞉ hande kapo mea mina hata꞉ alota꞉ Do kapota꞉ Koda꞉ma꞉ ipika꞉ panake pi la꞉ uluekema꞉ yaka wema꞉ wiaasa꞉me laata꞉ Nemeka꞉na꞉ta꞉ I̱ pa꞉ta꞉ hone witolo hata꞉ pu hapa꞉peke laa leekeme.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

1 Kotindi 3:10

Koda꞉na꞉ pa a꞉ta꞉ma꞉ homa kita꞉la꞉eki meata꞉ I̱ma꞉ta꞉ mo da a꞉eta꞉la꞉ ekina꞉ hone wotu wiki kapenda you hali hata꞉ pinki amba꞉ nokopolome. Kutupa hali ma꞉nda꞉ma꞉ da a꞉eluekema꞉ mo pinkimanu manda a꞉eta꞉la꞉me. Koto pa꞉la꞉pate mo da a꞉eta꞉la꞉ hali ma꞉nda꞉ epima꞉ta꞉ wotu handeteke hata꞉ a꞉eya꞉ka꞉na꞉ta꞉ kota꞉ pa ana꞉ pilieke.

1 Kotindi 3:5

Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.

2 Kotindi 3:3

Ketiso ipika꞉ kone do tameiya꞉ lao niki pa꞉ta꞉ tapaala꞉ ekita꞉ penemena꞉ ula꞉me. Do tameiya꞉ta꞉ halina꞉ kikima꞉ na laala꞉pate mo deto hala꞉ Koda꞉na꞉ Sipitidima꞉ laala꞉me. Ipikana꞉ma꞉ta꞉ mo toopi sasakena꞉ na laala꞉pate wanda꞉halina꞉ puki manuna꞉ laala꞉me.

2 Kotindi 3:7

Mo Mosesina꞉ Lo Pita꞉ toopi sasakena꞉ wape pea lao halea꞉ dina꞉ta꞉ Koda꞉na꞉ pa̱a̱ opolo epeekeme. Kutupa koto Mosesina꞉ leke popelekena꞉ pia꞉ pa̱a̱ta꞉ paa alu putia pea꞉pate kone honkopu wopu pia꞉ ekima꞉ mo Isulai wanda꞉halima꞉ta꞉ ipiki na handaake wimikime. Mo homa꞉la꞉eki mea ipula꞉ Lo Pita꞉ ipika꞉ e poka꞉la꞉ dina꞉ dupiki pa̱a̱ pa꞉la꞉eki mea a꞉pa꞉peke ya꞉la꞉me hone uma꞉ka꞉na꞉ta꞉

2 Kotindi 3:9

Mo hoke yenki mea ipula꞉ Lo Pina꞉ hauta꞉ ota꞉ yole pia꞉pate pa mo da꞉taapeke pa꞉ta꞉la꞉la꞉eki mea a꞉pa꞉la꞉ ekita꞉ ota꞉ lombei pikieki yole pa꞉la꞉me.

Ka꞉leisia 3:21

Koto alo ekina꞉ta꞉ mo pi ula꞉eki manuma꞉ta꞉ mo Koda꞉na꞉ pi la꞉ ula꞉eki hoeyaaluekema꞉ wia pa꞉la꞉pe. Dia꞉me. Ota꞉ dia꞉me. Mo pi ula꞉eki homekema꞉ wanda꞉hali da꞉taapeke ya꞉ka꞉na꞉ yoluta꞉ kota꞉ kotota꞉ paeyaoma꞉ koto pi ula꞉eki opua miniki hata꞉ Koda꞉ yaapo tikitiki halo pimipate

Epesese 2:1

Amba꞉ ikita꞉ pi na opiki hoke hau pimiki ekima꞉ ika꞉ temokomanu homa wimikime.

Epesese 3:7

I̱ma꞉ta꞉ hande Pi Seliapo walolo e pokaaso ekita꞉ Koda꞉ma꞉ wele pitolo hata꞉ I̱ pa꞉ta꞉ kia꞉me.

1 Timodi 4:6

Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

2 Timodi 1:11

Koto Pi Seliapona꞉ la hala꞉la꞉ hali make aposolo hali hata꞉ moka꞉la꞉ tiaaso hali hano yeke Koda꞉ma꞉ I̱ ma̱leke lia꞉me.

Hibulu 12:24

Kutaa make ikita꞉ mo panake pi la꞉ ula꞉ ekina꞉ ka꞉pa hali Yesu pa꞉ta꞉ make ipika꞉ tunkula꞉ pa pa pu lopeeke wema꞉ta꞉ mo hande Eipolona꞉ we ota꞉ lombei piki la꞉ wita꞉la꞉ we pa꞉ta꞉ make opolo epelememe.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

Hibulu 7:22

Yesuta꞉ mo niki epeaaluekema꞉ la꞉ wieke ula꞉ pina꞉ teke hali haena꞉yeke Koda꞉ma꞉ ipiki pa꞉ta꞉ koto hali keke pi la꞉ wiekeme. Koto ekina꞉ do panake la꞉ ula꞉eki niki pa꞉ta꞉ta꞉ mo amba꞉ la꞉ wiekeeki ota꞉ lombei pa꞉la꞉me.

Hibulu 8:13

Koda꞉ma꞉ mo panake pi la꞉ wita꞉la꞉ pi la꞉ wieke pita꞉ma꞉ta꞉ mo hande titina꞉ wieke pita꞉ amba꞉eki ya꞉na꞉ leekeme. Ala꞉ta꞉ ma꞉nda꞉ a꞉nda꞉ pitiki yaalo kukutu pia꞉ka꞉na꞉ta꞉ kota꞉ hosiki wetepena꞉ta꞉ ota꞉ alupilieke.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Dioni 1:1

Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.