2 Kotindi 3:5 - Panake Pi La: Ula: Buka pita: Kine Pieke Buka

⁵ Nikana꞉ma꞉ ana꞉na꞉ kone do eta꞉ pokaalumeke pi lapeketa꞉ ota꞉ waleke ma꞉nda꞉ na ula꞉me. Nikana꞉ma꞉ pea꞉peke honkoputa꞉ Koda꞉ pa꞉ta꞉ yama꞉ ipula꞉me.

2 Kotindi 3:5 ပူးပေါင်းရင်းမြစ်များ

Kini Pieke 41:16

Koto leeke Diosepema꞉ hombo peaaso alota꞉ Aneke halio. I̱ma꞉ta꞉ pea꞉peke na ya꞉la꞉pate pa Koda꞉ma꞉ homeke epeke tupa꞉ teke la kilieke leekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Luku 24:49

Kutupa I̱ma꞉ta꞉ yaka Apa꞉ma꞉ amba꞉ kone la꞉ ula꞉ ale iki pa꞉ta꞉ tapalueke. Pate ikana꞉ma꞉ta꞉ do daoni tieke pa꞉ta꞉ mo hande wele pa꞉la꞉eki tieke oli ya nane iki pa꞉ta꞉ epena꞉ yu wia pita꞉pa꞉peke ya꞉la꞉me leekeme.

Dioni 15:5

I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

Loma꞉ 15:18

I̱ma꞉ na kita꞉ yokake hata꞉ dupa lolo polopate Ketisoma꞉ I̱ pa꞉ta꞉ peaala꞉eki homeke lolueke. Diendaili wanda꞉halima꞉ Koda꞉na꞉ pi opua pina꞉yeke pua꞉me. Do pimiki ekina꞉ teketa꞉ dupae. I̱ma꞉ loa꞉ pimanu make pua꞉ haumanu make

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

1 Kotindi 3:10

Koda꞉na꞉ pa a꞉ta꞉ma꞉ homa kita꞉la꞉eki meata꞉ I̱ma꞉ta꞉ mo da a꞉eta꞉la꞉ ekina꞉ hone wotu wiki kapenda you hali hata꞉ pinki amba꞉ nokopolome. Kutupa hali ma꞉nda꞉ma꞉ da a꞉eluekema꞉ mo pinkimanu manda a꞉eta꞉la꞉me. Koto pa꞉la꞉pate mo da a꞉eta꞉la꞉ hali ma꞉nda꞉ epima꞉ta꞉ wotu handeteke hata꞉ a꞉eya꞉ka꞉na꞉ta꞉ kota꞉ pa ana꞉ pilieke.

1 Kotindi 3:6

I̱ta꞉ wae noka꞉polo hali haowa꞉me. Kutupa Apolosima꞉ta꞉ mo ikali naa hala꞉la꞉ hali haya꞉me. Dikita꞉ kutu pupa꞉pate opaake hauta꞉ Koda꞉ma꞉ piekeme.

2 Kotindi 12:9

ipika꞉ hombo peaya꞉ ekita꞉ dupa lea꞉me. Yaka a꞉ta꞉ma꞉ homa tamba꞉ mina꞉la꞉ ekita꞉ ana꞉ pa꞉la꞉me. Pa ekipeke neke damako pele dina꞉ta꞉ kota꞉ yaka welena꞉ ota꞉ lombei pea tieke ula꞉me lea꞉me. Koto ekina꞉ta꞉ mo yaka damako pa꞉la꞉ ekimanu pa꞉ta꞉ hakoko luluekema꞉ I̱ta꞉ ta꞉na꞉ wopu pa꞉la꞉me. Pa ekipeke mo Ketisona꞉ handeteke hala꞉ welema꞉ I̱ handeteke hala꞉eki handuluekema꞉ loa꞉me.

2 Kotindi 2:16

Mo alu pa꞉la꞉ wanda꞉hali pa꞉ta꞉ta꞉ wanda꞉hali lu homaasa꞉ tandepeke punkupiki alema꞉ handa꞉la꞉me. Pate mo detena꞉yeke pa꞉ta꞉la꞉la꞉ wanda꞉hali pa꞉ta꞉ta꞉ mo wanda꞉hali da꞉taapeke ya꞉la꞉ totopopiki ale ipula꞉ ekima꞉ handa꞉la꞉me. Koto ekina꞉ta꞉ dupiki ka꞉nda꞉piki e pokaaluekema꞉ta꞉ epita꞉ ana꞉ pa꞉la꞉pe.

2 Kotindi 4:7

Koto pa꞉la꞉pate kone do hande ota꞉ epeke ti teke wita꞉la꞉ ekita꞉ pa nikita꞉ mo hande pa baasa꞉ kanake pa꞉ta꞉ kone pamba ula꞉me. Kutu pieke hauna꞉ teketa꞉ mo honkopu tieketa꞉ nika꞉eki dia꞉ya꞉la꞉pate Koda꞉na꞉ ekie laa waluekema꞉ pia꞉me.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

Dia꞉mesi 1:17

Mo epeke tupa꞉ kita꞉la꞉ ekimanu paeyao make mo epeke alemanu kita꞉la꞉eki paeyao make oli hepeni nanema꞉ ipulu hata꞉ pita꞉la꞉me. Hande ya nane haleme pa̱a̱ piki ale manuna꞉ Ateke pa꞉ta꞉ hola꞉pa꞉niao ipulu hata꞉ pita꞉la꞉me. Ipikana꞉ma꞉ hau ta꞉ta꞉ ta꞉ta꞉ pikieki topo na pealieke. Kutupa paa la꞉ka꞉lea꞉ka꞉na꞉ta꞉ tu na pilieke.