2 Kotindi 3:12 - Panake Pi La: Ula: Buka pita: Kine Pieke Buka

¹² Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.

2 Kotindi 3:12 ပူးပေါင်းရင်းမြစ်များ

Dioni 10:24

Kutu pitolo haena꞉ mo Diu haliwekima꞉ ipiki dupao hata꞉ ipiki pa꞉ta꞉ lota꞉ pitolo alota꞉ Nikita꞉ hoto ekipuna꞉ hone eleke eleke wia hamono lelipiki laata꞉ Neketa꞉ hande Ketisope. Niki pa꞉ta꞉ ota꞉ pi la kia꞉peke lemekeme.

Dioni 16:25

Do pita꞉ onkoluma꞉ laa iki pa꞉ta꞉ loa꞉pate wetepena꞉ta꞉ onkoluma꞉ pi ma꞉nda꞉ na leke pa yaka Apa꞉ pa꞉ta꞉ pi alo hata꞉ peneme yao iki pa꞉ta꞉ lolueke.

Dioni 16:29

Koto leekeeki opuaata꞉ ipika꞉ disaipolo haliwekima꞉ ipiki pa꞉ta꞉ alota꞉ Ameta꞉ onkoluma꞉ laa na leke peneme yao aleme ekina꞉

Aposolo 14:3

Kutupa Polo Banabasi yaapoma꞉ koto pa꞉ta꞉ hao hata꞉ paala꞉ma꞉ na homeke Tekehali Koda꞉na꞉ pi wala꞉tiki pipikime. Kutupa Tekehalima꞉ ipika꞉ pa a꞉ta꞉ma꞉ homa꞉la꞉ pi wanda꞉hali pa꞉ta꞉ peneme yaaluekema꞉ mo hali yaapoma꞉ wele peaaso hata꞉ na hando haemeke ekimanu pina꞉ leekeme.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 9:27

Kutupa Banabasima꞉ Solota꞉ mo aposolo haliweki pa꞉ta꞉ hatuku pua mo Tekehalima꞉ pota꞉na꞉ Solo pa꞉ta꞉ peneme yaeya꞉eki make pi leekeeki make la haleekeme. Kutupa oli Damasikasi da hata꞉ Soloma꞉ Yesuna꞉ biki a꞉mbao na leke pi waleekeeki make mo haliweki pa꞉ta꞉ la haleekeme.

Aposolo 9:29

Solota꞉ mo wanda꞉hali paala꞉ma꞉ na homeke mo Tekehalina꞉ biki laa pi wala꞉tiki piekeme. Kutupa pi pi la꞉tiki pitolo hata꞉ mo Kitiki pi lo haemeke Diu wanda꞉hali ame̱le̱ make pi la alu alu pua꞉tiki pomiekepate mo wanda꞉halima꞉ta꞉ Solo lu pie hone wimikime.

1 Kotindi 14:19

Pate hande siosi wanda꞉hali mombeleme ekina꞉ hata꞉ mo wanda꞉hali pa꞉ta꞉ pi waluekema꞉ mo iki opua꞉peke ya꞉la꞉ pi doka꞉tiki yunki hata꞉manu homeke loluekema꞉ waleke wia꞉ka꞉na꞉ta꞉ kota꞉ mo da ta꞉ta꞉ ta꞉ta꞉ pima꞉ ota꞉ hokulupeke 10 daoseni pimanu waluekema꞉ hone na wiki kiaalueke.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 3:11

Kutupa mo amba꞉ hande nate leke hosiki hokuluna꞉ pa wieke ekina꞉ta꞉ pa̱a̱ piekeme loma꞉ka꞉na꞉ta꞉ kota꞉ mo ame do honiki na wiki ota꞉ hao hala꞉ ekina꞉ pa̱a̱ta꞉ ota꞉ lombei peaake pa̱a̱ pa꞉la꞉me laa hone umana꞉e.

2 Kotindi 4:13

Mo Baiboloma꞉ alota꞉ I̱ma꞉ pi loa꞉ ekina꞉ teketa꞉ I̱ma꞉ hone tulaowa꞉ ekina꞉ pua꞉me la꞉la꞉me. Nikana꞉ma꞉ make homeke hone tulaasa꞉ hauma꞉ dupa aloma꞉me. Mo loma꞉eki manuna꞉ teketa꞉ nika꞉ hone tulaoma꞉ ekina꞉ puma꞉me.

2 Kotindi 7:4

I̱ma꞉ta꞉ ikita꞉ ana꞉ pa꞉la꞉me hone ulume. I̱ma꞉ta꞉ ika꞉ piteleme hauna꞉ ta꞉na꞉ma꞉ homa꞉la꞉eki minolome. Nika꞉ ka꞉nda꞉ma꞉ homoloma꞉ ekimanu pa꞉ta꞉ta꞉ I̱ta꞉ hali au la hata꞉ honkopu haasa꞉ ekima꞉ tumbu hala꞉me. I̱ta꞉ ta꞉na꞉ pa꞉la꞉ ekima꞉ tumbaa ankou ala꞉me.

Pilipai 1:14

Koto mo Ketiso yankeke tonu anekema꞉ta꞉ mo Tekehali hone wotu tulaena꞉ ya dipula pilu ekima꞉ta꞉ iki wele peaala꞉me. Koto ekima꞉ta꞉ ikana꞉ma꞉ hoto paeyao paala꞉ma꞉ na homeke pipita꞉ pa pua hata꞉ pi wala꞉tiki pu halememe.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

Kolosi 4:4

Koto polopate kone I̱ma꞉ ota꞉ pea꞉peke ya꞉la꞉ tupa꞉ walono yeni pu hapa꞉peke. Wanda꞉halima꞉ hone wopu ulu peleme tupa꞉ walono loa꞉me.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

1 Timodi 3:13

Mo e epeke tupa꞉ pokaaseme dikoni haliwekita꞉ ika꞉ epeke halimi ekima꞉ ika꞉ta꞉ epeke biki wilie haliweki halimikie. Kutaa make ika꞉ Ketiso Yesu pa꞉ta꞉ hone tulaleme ekina꞉ta꞉ paala꞉ma꞉ na homeke pi lapeke ya꞉la꞉me.

Pailimono 1:8

Koto ekima꞉ta꞉ I̱ma꞉ naka꞉ Ketiso yankeke hata꞉ pipita꞉ pa pua hata꞉ dupi dupi laa lapeke ya꞉la꞉pate