2 Kotindi 2:13 - Panake Pi La: Ula: Buka pita: Kine Pieke Buka

¹³ Pate I̱ta꞉ pomo tieke pia꞉me. Pa ekipeke nika꞉ kame Taitasita꞉ na handa꞉ u hao loa꞉me. Koto ekina꞉ta꞉ I̱ma꞉ta꞉ mo wanda꞉hali pa꞉ta꞉ A꞉taloe laa mo Ma꞉sedonia nane poa꞉me.

2 Kotindi 2:13 ပူးပေါင်းရင်းမြစ်များ

Maka 6:46

Kutupa Yesuma꞉ mo disaipolo haliweki mina꞉pa꞉laota꞉ pote pa꞉ta꞉ yeni pulu peekeme.

Aposolo 21:6

Niki paeyaoma꞉ta꞉ a꞉taloe la alu alu peaata꞉ nikita꞉ mo palai kawasona꞉ pitulu pomono ikita꞉ da la꞉ka꞉la pememe.

Loma꞉ 15:26

Do I̱ polueke alo ekita꞉ mo hande Ma꞉sedonia Kitiki kenke yaapo nane haleme siosi wanda꞉halima꞉ta꞉ mo hande Diutuseleme da nane haleme Koda꞉na꞉ wanda꞉hali pa mandane natehali wanda꞉hali pa꞉ta꞉ mani haluekema꞉ hone wilimi ekina꞉ pulu loa꞉me.

2 Kotindi 12:18

I̱ma꞉ta꞉ Taitasi pue laa honke laata꞉ ipiki ame̱le̱ mo hande Ketiso kame ma꞉nda꞉ make tapaowa꞉me. Ikana꞉ma꞉ta꞉ Taitasima꞉ iki teke puleke laeya꞉me lelimipe. Dikana꞉ma꞉ta꞉ homeke hau teke peaata꞉ ota꞉ homeke tupa꞉ popeke pa꞉la꞉ haumanu na pupa꞉pe.

2 Kotindi 7:13

Koto ekina꞉ yeketa꞉ nikita꞉ honkopu hawaememe. Kotoeki homeke dia꞉ya꞉la꞉pate pa ikana꞉ma꞉ Taitasi ta꞉na꞉ma꞉ homo tiaemeke handaa ipikana꞉ma꞉ iki pa꞉ta꞉ ta꞉na꞉ wopu homea꞉me. Nikana꞉ma꞉ kutu pia꞉eki handolo hata꞉ niki make ta꞉na꞉ tieke wopu pia꞉me.

2 Kotindi 7:14

I̱ma꞉ta꞉ ipiki pa꞉ta꞉ ika꞉ pi lawaowa꞉me. Kutupa ikana꞉ma꞉ta꞉ I̱ta꞉ na olopuniano lememe. Nikana꞉ma꞉ta꞉ iki pa꞉ta꞉ta꞉ ota꞉ pi homeke homeke laa kuma꞉me. Koto tupa꞉ koneta꞉ nikana꞉ma꞉ Taitasi pa꞉ta꞉ ika꞉ pi lawaoma꞉ ekita꞉ ota꞉ekie laa handa꞉ ula꞉me.

2 Kotindi 8:16

Nikana꞉ma꞉ iki tamba꞉ muluekema꞉ hone wopu uluma꞉ tupa꞉ Koda꞉ma꞉ Taitasi mea hone wopu utiala꞉ ekina꞉ Koda꞉ pa꞉ta꞉ keiyae aloma꞉me.

2 Kotindi 8:23

Taitasita꞉ ipikita꞉ yaka ta꞉ma꞉ni hata꞉ iki tamba꞉ muluekema꞉ I̱ yaapo e poko hala꞉me. Kutupa mo ipiki ame̱le̱ pula꞉ mandane kame tonuta꞉ do siosi manuna꞉ bikina꞉ ipula꞉ hata꞉ta꞉ Ketisona꞉ biki daeyaena꞉ la꞉la꞉ tapakee.

2 Kotindi 8:6

Koto ekina꞉ nikana꞉ma꞉ do e kini pia꞉ some Taitasi pa꞉ta꞉ do ta꞉ta꞉ ma꞉nda꞉ piki pukima꞉ homa꞉la꞉ e ikana꞉ma꞉ paeyamena꞉yeke tamba꞉ mu hapeke laa honke loma꞉me.

Ka꞉leisia 2:1

Bapi 14 yapeeke hoki naneta꞉ Banabasi yaapo mo Diutuseleme nane Taitasi hatuku paa popa꞉me.

Ka꞉leisia 2:3

Ya hatuku poa꞉ some Taitasita꞉ Kitiki hali hayekepate mandane tapakema꞉ ipikita꞉ sekemesaisi hau pina꞉e lemekepate kone paeyaoma꞉ koto hau na peaemekeme.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.