2 Kotindi 13:9 - Panake Pi La: Ula: Buka pita: Kine Pieke Buka

⁹ Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

2 Kotindi 13:9 ပူးပေါင်းရင်းမြစ်များ

Loma꞉ 15:2

Dia꞉me. Nika꞉ Ketiso yankeke ipika꞉ hone tulaasa꞉eki sutialuekema꞉ kota꞉ niki paeyao homeke homekema꞉ ipiki epeaaso ta꞉na꞉ma꞉ homa꞉tiamana꞉e.

1 Kotindi 1:10

Kametonuo. Nika꞉ Tekehali Yesu Ketisona꞉ bikina꞉ ikana꞉ma꞉ do haumanu puemena꞉ do honke alome. Ka꞉ta꞉ alualu pea na hake pi homekena꞉ kake mandakena꞉ wia hapa꞉peke. Kutupa make homeke hone wiata꞉ homeke hau puluekema꞉ iki paeyao ota꞉ tunao hapa꞉peke.

1 Kotindi 2:3

Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

1 Kotindi 4:10

Ketisona꞉ biki daeyaena꞉ loluekema꞉ nikita꞉ hone na wiki haliweki haloma꞉pate ikita꞉ Ketisona꞉ hauna꞉ hone wotu wilimi haliweki halememe. Nikita꞉ honkopu na haloma꞉pate ikita꞉ honkopu wotu halememe. Ika꞉ biki laasemepate pa niki pa꞉ta꞉ biki na ula꞉ haliwekie la alememe.

2 Kotindi 11:30

I̱ma꞉ hakoko lia꞉peke ya꞉ka꞉na꞉ta꞉ kota꞉ I̱ma꞉ mo I̱ damako pitoloeki wala꞉la꞉ ale manuna꞉ hakoko lionoe.

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

2 Kotindi 4:12

Koto ekina꞉ta꞉ homa꞉la꞉ ekita꞉ niki pa꞉ta꞉ e poka꞉la꞉pate pa da꞉ta꞉la꞉ ekita꞉ iki pa꞉ta꞉ e poka꞉la꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

1 Desalonaika 3:10

Timba natena꞉ nikana꞉ma꞉ nika꞉ Tekehali pa꞉ta꞉ nika꞉ pukima꞉ ota꞉ yeni wopu pu haloma꞉me. Ika꞉ leke popeleke paa handuluekema꞉ make ika꞉ hone tulaalemeeki taka꞉lawalo pa꞉la꞉ ekina꞉ make loa꞉me.

2 Timodi 3:17

Kutu peaapeke ya꞉la꞉ ekima꞉ta꞉ mo Koda꞉na꞉ e pokaasa꞉ somema꞉ epeke hau paeyao ana꞉na꞉ peaena꞉ tikitiki yao haena꞉ lelieke.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Hibulu 6:1

Mo hande titi panake pa꞉ta꞉ opuma꞉ Ketisona꞉ pi manuna꞉ homeke na ambula u hake pa wina꞉ ipika꞉ pi mandane ekimanu make handa꞉tia pomana꞉e. Da a꞉eyoma꞉ka꞉na꞉ta꞉ oni hande amba꞉ nokopoma꞉ da ka꞉ta꞉ta꞉ pa yoka noka꞉pa꞉tiki noka꞉pa꞉tiki pea꞉peke na ya꞉la꞉me. Koto tupa꞉ kone nikana꞉ma꞉ make mo Koda꞉ pa꞉ta꞉ hone tulaasa꞉ titina꞉ pimanu make mo teke na wiki hau pita꞉la꞉ ekimanu mina꞉pa꞉lao hone la꞉ka꞉la꞉la꞉ ekina꞉ pimanu make

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.