2 Kotindi 13:5 - Panake Pi La: Ula: Buka pita: Kine Pieke Buka

⁵ Ika꞉ kone mo la handa꞉la꞉eki pa꞉ta꞉ u moneaaso hata꞉ ika꞉ kone pi yokaalu pea꞉pa꞉peke. Do hauta꞉ ika꞉ ota꞉ hone tulaasa꞉eki pa꞉ta꞉ halemeo laa handa꞉ uluekema꞉ pea꞉pa꞉peke. Iki amba꞉ a̱i̱ na lopemeketa꞉ kota꞉ Yesu Ketisota꞉ iki pa꞉ta꞉ hala꞉me hone u hapa꞉peke aleo.

2 Kotindi 13:5 ပူးပေါင်းရင်းမြစ်များ

Dioni 14:23

Kutupa Yesuma꞉ ipika꞉ pi hombo peaaso alota꞉ Hali epima꞉ I̱ pa꞉ta꞉ pukima꞉ homea꞉ka꞉na꞉ta꞉ I̱ma꞉ alo pi opua pilieke. Kutupa yaka Apa꞉ma꞉ koto hali pa꞉ta꞉ pukima꞉ homilieke. Kutupa yaka Apa꞉ dikita꞉ mo hali pa꞉ta꞉ a꞉pa ipiki ame̱le̱ hao halumeke.

Dioni 15:4

Ikita꞉ I̱ pa꞉ta꞉ hapa꞉peke. Kutupa I̱ma꞉ta꞉ iki pa꞉ta꞉ halueke. Mo hande paleke ma꞉nda꞉ teke pa꞉ta꞉ na tunaeya꞉ka꞉na꞉ta꞉ kota꞉ ipika꞉ kone kiliki a꞉eya꞉peke na ya꞉la꞉me. Iki make I̱ pa꞉ta꞉ na haemeka꞉na꞉ta꞉ ika꞉ kone kiliki na a꞉elieke.

Dioni 17:23

I̱ta꞉ iki pa꞉ta꞉ haloeki make neketa꞉ I̱ pa꞉ta꞉ haleeki make ikita꞉ ota꞉ homekeeki haena꞉yeke loa꞉me. Kenke wanda꞉halima꞉ta꞉ nakana꞉ma꞉ I̱ tapaaleeki make I̱ pa꞉ta꞉ pukima꞉ homele tupa꞉ do haliweki pa꞉ta꞉ koto homeke pukima꞉ homeleeki make hone wina꞉yeke loa꞉me.

Dioni 17:26

Naka꞉ hale ekita꞉ I̱ma꞉ iki pa꞉ta꞉ waloa꞉pate pa wala꞉tiki pulueke. Nakana꞉ma꞉ I̱ pa꞉ta꞉ pukima꞉ homele ekita꞉ iki pa꞉ta꞉ make pitina꞉yeke kutupa I̱ make iki pa꞉ta꞉ hanoyeke pulueke.

Dioni 6:56

Hali epima꞉ yaka loke mindiki make yaka we make nea꞉ka꞉na꞉ta꞉ ipikita꞉ I̱ pa꞉ta꞉ halieke. Kutu pia꞉ka꞉na꞉ta꞉ I̱ make ipiki pa꞉ta꞉ halueke.

Dioni 6:6

Pilipima꞉ pulu pa꞉la꞉eki handuluekema꞉ leekeme. Yesuma꞉ ipika꞉ pulu piekeeki amba꞉ hone wiekeme.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Loma꞉ 8:10

Koto pa꞉la꞉pate Ketiso iki tukiki pa꞉ta꞉ pitia꞉ka꞉na꞉ta꞉ kota꞉ hande Sipitidima꞉ iki mea da꞉taalieke. Hoke hauma꞉ta꞉ ika꞉ loke lia homaalo pa꞉la꞉pate hande Sipitidima꞉ iki mea da꞉taalieke. Ketisoma꞉ iki pa꞉ta꞉ koto hau peaeya꞉ka꞉na꞉ta꞉ ikita꞉ Koda꞉ yaapo tikitiki yao hamina꞉ la꞉la꞉ ekina꞉ peaalieke.

1 Kotindi 11:28

Koto ekina꞉ wanda꞉hali paeyaoma꞉ ika꞉ piteleme hau amba꞉la wotu handaata꞉ hande palaowa kapona꞉ make napa꞉peke alee.

1 Kotindi 11:31

Nika꞉ pitoloma꞉ haumanu amba꞉la talo pea bao handoma꞉ka꞉na꞉ yoluta꞉ Koda꞉ma꞉ ka꞉nda꞉ peaasa꞉eki niki pa꞉ta꞉ na epena꞉ lolo pia꞉me.

1 Kotindi 3:16

Ikita꞉ Koda꞉na꞉ yakopiki da hamina꞉ta꞉ kutupa Koda꞉na꞉ Sipitidi iki tukiki pa꞉ta꞉ amba꞉ pitaala꞉eki make ikana꞉ma꞉ hone na witelemepe.

1 Kotindi 6:15

Ika꞉ loke manuta꞉ Ketiso pa꞉ta꞉ tunao hata꞉ ipika꞉eki kone halemeeki hone na witelemepe. Kota꞉ I̱ma꞉ mo Ketisona꞉ loke pa꞉ta꞉ tunao hala꞉ hali hata꞉ yaka loke yoka꞉ meata꞉ mo mani muluekema꞉ hone wita꞉la꞉ wandiki ma꞉nda꞉na꞉ loke yaapo apa꞉taena꞉ loa꞉ka꞉na꞉ta꞉ ana꞉ piliepe. Ota꞉ dia꞉me.

1 Kotindi 6:19

Ika꞉ lokemanu tukiki pa꞉ta꞉ta꞉ mo Holi Sipitidi pitina꞉ ipika꞉ yakopiki da haleme ekita꞉ hone na witelemepe. Kutupa mo Holi Sipitidi pila꞉ ekita꞉ Koda꞉ma꞉ iki pa꞉ta꞉ kita꞉la꞉ ekita꞉ hone na witelemepe. Ikita꞉ ika꞉eki dia꞉me. Koda꞉na꞉eki halememe.

1 Kotindi 6:2

Koda꞉na꞉ wanda꞉hali nikana꞉ma꞉ta꞉ mo kenke wanda꞉hali paeyaona꞉ pi yokaalu pulu poloma꞉ ekita꞉ hone na witelemepe. Mo kenke wanda꞉hali paeyaona꞉eki pea꞉pa꞉peke yea꞉ka꞉na꞉ta꞉ kota꞉ mo iki ame̱le̱ opolo pa hosikieki manuta꞉ ikana꞉ma꞉ pi yokaalu pea꞉peke na ya꞉la꞉pe.

1 Kotindi 9:24

Hande anke teline̱li pita꞉la꞉eki nina꞉ta꞉ haliweki wopuma꞉ anke hao pelimipate titina꞉ pelie hali homekema꞉ epeke yenki pua milieke. Koto hauta꞉ paeyaoma꞉ amba꞉ hone wilimime. Koto ekina꞉ iki make titina꞉ pua epeke yenki muluekema꞉ honkopu haaso hata꞉ anke hao pua꞉pa꞉peke.

1 Kotindi 9:27

Yaka loketa꞉ homu peaaluekema꞉ yaka kone yumbitolo hata꞉ pitolome. Do ekina꞉yeke loa꞉me. I̱ma꞉ta꞉ wanda꞉hali wi la꞉la꞉ pi walaaso hali halopate pa wetepena꞉ I̱ kone halu peaapa꞉na꞉ pitolome.

2 Kotindi 6:16

Mo Koda꞉na꞉ tembolota꞉ mo pi na miki wanda꞉halina꞉ toopi ti wepia ula꞉ alemanu yaapota꞉ ekipa hone homeke wia꞉peke ya꞉la꞉pe. Pa ekipeke. Nikita꞉ mo da꞉ta hao hala꞉ Koda꞉na꞉ tembolo da haloma꞉me. Koda꞉ ipikana꞉ma꞉ leeke tupa꞉ta꞉ dupae. Yaka data꞉ yaka wanda꞉hali ame̱le̱ wepulueke. Kutupa iki ame̱le̱ hao halueke. I̱ta꞉ ika꞉ Koda꞉ halueke. Kutupa ikita꞉ yaka wanda꞉hali halimikie leekeme.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Ka꞉leisia 6:4

Ika꞉ piteleme hau manuta꞉ ika꞉ ika꞉ kone ika꞉ honema꞉ telipa handa꞉pa꞉peke. Homeke halima꞉ ipika꞉ pita꞉la꞉ ekita꞉ ota꞉ hau pia꞉ka꞉na꞉ta꞉ kota꞉ ipika꞉ ota꞉ hauna꞉ ta꞉na꞉ma꞉ homa꞉peke ya꞉la꞉me. Ipikana꞉ma꞉ kutu pia꞉ka꞉na꞉ta꞉ kota꞉ ma꞉nda꞉ma꞉ pita꞉la꞉ hauna꞉ta꞉ hoela꞉ma꞉ a꞉pa꞉la꞉ma꞉ laa na hando telipu hapeke yelieke.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Kolosi 2:19

Ipikita꞉ mo lokena꞉ you hali Ketisota꞉ pa na miniki hala꞉me. Pa ekipeke Ketisona꞉ handeteke hala꞉eki oto pa꞉ta꞉ta꞉ mo loke ipika꞉ ne ana꞉na꞉ minolo hata꞉ ipika꞉ kilikadu pita꞉ honkopu manuta꞉ tuna tuna pa꞉leke loa꞉me. Kutupa Koda꞉ma꞉ hone pa꞉la꞉ tupa꞉ daeyo hala꞉me.

Kolosi 2:7

Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke.

1 Timodi 2:15

Kutu piekepate wanda꞉wekima꞉ weki taapolo hata꞉ a꞉nda꞉ kimelema꞉ hone tulao pukima꞉ homaa tikitiki piki hone taapuna꞉ hata꞉ pu haemeka꞉na꞉ta꞉ kota꞉ mo ika꞉ weki mendilimi ekima꞉ta꞉ iki pa꞉ta꞉ eki a꞉nda꞉ epolo pa꞉la꞉eki sa꞉sa꞉ pilieke.

2 Timodi 3:8

Mo hande Dia꞉nisi pita꞉ Dia꞉mbitisi yaapoma꞉ Mosesi pa꞉ta꞉ a꞉nda꞉ lipikime. Koto some yaapoma꞉ pipiki tupa꞉ kone mo hande haliwekima꞉ta꞉ mo hande ota꞉ pi pa꞉ta꞉ make a꞉nda꞉ lu halememe. Ikana꞉ma꞉ ika꞉ hone tikitiki na yaaso hata꞉ kone Koda꞉ pa꞉ta꞉ hone tulaapeke ekina꞉ta꞉ iki ana꞉ na paleke handaata꞉ Koda꞉ma꞉ iki kiao hala꞉me.

Taitasi 1:13

Koto pita꞉ ota꞉ pi yeke handaata꞉ mo Ketiso wanda꞉halina꞉ hone tulalemeeki taka꞉laena꞉ nakana꞉ma꞉ pima꞉ hando lolena꞉e.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Taitasi 2:2

Keileke haliweki pa꞉ta꞉ Mo hoke ikali naa keaapeke na ya꞉la꞉me laata꞉ ikana꞉ma꞉ epeke hau pa꞉ta꞉ tikitiki piki hone witolo make mo ika꞉ hone wopu handeteke hata꞉ ika꞉ hone tulalemeeki make pukima꞉ homelemeeki make kutupa mo ika꞉ puki taka꞉laasa꞉ hau pitolo pitolo haleme hau make kota꞉ hau paeyaona꞉ ala꞉ta꞉ na ta̱lena꞉ leke epeke tupa꞉ hapa꞉peke laa wala꞉peke.

Hibulu 12:15

Koda꞉na꞉ a꞉ta꞉ma꞉ homa tamba꞉ mina꞉la꞉ hau pa꞉ta꞉ hoki walaapa꞉na꞉ma꞉ wopu handeteke hapa꞉peke. Iki homeke ma꞉nda꞉ma꞉ ipika꞉ puki pa꞉ta꞉ ka꞉ta꞉pa wilie titi peaasa꞉ ale ma꞉nda꞉ pa opa daeyaena꞉ alo hata꞉ iki paeyao hoeyaapa꞉na꞉ma꞉ wopu handa꞉ paleke hapa꞉peke.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

Hibulu 6:8

Pate mo ka̱꞉la̱꞉ta꞉ o hoke ambu homeke opa꞉la꞉ kenketa꞉ ipika꞉ hoeyaalo pa꞉la꞉eki make teke pa꞉ta꞉ ulume. Koto hoke ambu opita꞉la꞉ kenketa꞉ tima꞉ yankilieke.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.

1 Pida 5:9

Mo kenke paeyaona꞉ ika꞉ Ketiso tapake wanda꞉halima꞉ mandake tupa꞉ tanda minelemeeki make hone wia hata꞉ta꞉ Koda꞉ pa꞉ta꞉ hone wotu tulao hata꞉ Sadani pendulu baapa꞉peke.

Peneme Yaeyekeeki 2:5

Iki pua lopeleme tupa꞉ hone wipee. Ika꞉ hoke hau hoki walaa amba꞉ titina꞉ pimieki paa pipee. Ikana꞉ma꞉ ika꞉ hoke hau hoki na walemeka꞉na꞉ta꞉ I̱ma꞉ iki pa꞉ta꞉ a꞉pa mo ika꞉ ola꞉pake keo panka꞉la꞉ ale ipika꞉ u hala꞉ ale mina꞉pa꞉laena꞉ lolueke.