2 Kotindi 13:4 - Panake Pi La: Ula: Buka pita: Kine Pieke Buka

⁴ Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

2 Kotindi 13:4 ပူးပေါင်းရင်းမြစ်များ

Dioni 10:18

Hali ma꞉nda꞉ma꞉ yaka da꞉ta꞉la꞉eki hoeyaapeke na ya꞉la꞉pate yaka hone wia kone yaka hone pa꞉la꞉ ekina꞉ loa꞉me. I̱ma꞉ homeke ana꞉na꞉ kia pa I̱ma꞉ homeke ana꞉na꞉ paa mea꞉peke ya꞉la꞉me. Do ekita꞉ yaka Apa꞉ma꞉ pea꞉pekee la꞉la꞉ ekina꞉ loa꞉me.

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Loma꞉ 1:4

Kutu piekepate ipikita꞉ Koda꞉ yaapo hao a꞉pa yakopiki hali hayeke ekita꞉ kota꞉ Koda꞉ma꞉ wele wotu pitolo hata꞉ ipikita꞉ Koda꞉na꞉ Eiyekee laa peneme yaluekema꞉ homeeke pa꞉ta꞉ kone paa mea tiaeyekeme.

Loma꞉ 14:9

Ketiso homa paa tiao hala꞉ ekita꞉ ame do pa haloma꞉ wanda꞉hali make amba꞉ homemeke wanda꞉hali make niki paeyaona꞉ Tekehali haluekema꞉ pa꞉la꞉me.

Loma꞉ 6:4

Koto bapitaisi puma꞉ ekita꞉ ipiki yaapo mandakena꞉ homa pa lapa꞉ pa꞉ta꞉ make mandake uma꞉me. Panake hau pu hata꞉ haluekema꞉ bapitaisi puma꞉me. Hande nika꞉ Apa꞉ma꞉ ipika꞉ honkopu hala꞉eki epekema꞉ Ketiso paa mea da꞉taeyeke tupa꞉ pitoloma꞉me.

1 Kotindi 1:25

Koto ekina꞉ kenke haliwekima꞉ta꞉ Koda꞉na꞉ hone wotu wita꞉la꞉eki manuta꞉ Pa ekie alemepate pa Koda꞉ma꞉ ipika꞉ hone wita꞉la꞉ ekima꞉ta꞉ mo kenke haliwekina꞉eki lu ankulala꞉me. Kutupa make mo kenke haliwekima꞉ta꞉ Koda꞉na꞉ wele pita꞉la꞉ ekita꞉ damako pupa ula꞉ ekie alemepate pa mo Koda꞉na꞉ wele pita꞉la꞉ ekima꞉ta꞉ mo kenke haliwekina꞉eki lu ankulala꞉me.

1 Kotindi 15:43

Hoitolo haena꞉ta꞉ pa hoke alema꞉ handaata꞉ honkopu na hao wita꞉la꞉pate kone paa mea tiaeya꞉ka꞉na꞉ta꞉ epekeeki hata꞉ honkopu hao halieke.

1 Kotindi 2:3

Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

1 Kotindi 6:14

Koda꞉ma꞉ mo Tekehalita꞉ ota꞉ homa꞉la꞉eki pa꞉ta꞉ kone mea tiaeyeke ekina꞉ kota꞉ niki make ipika꞉ wele pita꞉la꞉ ekima꞉ koto tupa꞉ kone mea tiaalieke.

2 Kotindi 10:10

Ma꞉nda꞉ma꞉ta꞉ I̱na꞉ do la꞉lieke. Polona꞉ tameiya꞉ manuta꞉ tanda pea honkopu hala꞉pate pa mo ipika꞉ loke piti niki ame̱le̱ hala꞉ dina꞉ta꞉ ipikita꞉ dete pea ipika꞉ pi manuta꞉ teke na ula꞉me laa lelieke.

2 Kotindi 12:10

Koto ekina꞉ I̱ma꞉ta꞉ Ketisona꞉eki peaaso mo damako pa꞉la꞉ ekima꞉ make tetopiki pima꞉ make ka꞉nda꞉piki ekima꞉ make a꞉nda꞉ lita꞉la꞉ ekima꞉ make mamatala꞉ ekima꞉ make I̱ta꞉ pa ta꞉na꞉ pa꞉la꞉me. Pa ekipeke I̱ta꞉ damako polo dina꞉ta꞉ honkopu hao halome.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.