2 Kotindi 12:9 - Panake Pi La: Ula: Buka pita: Kine Pieke Buka

⁹ ipika꞉ hombo peaya꞉ ekita꞉ dupa lea꞉me. Yaka a꞉ta꞉ma꞉ homa tamba꞉ mina꞉la꞉ ekita꞉ ana꞉ pa꞉la꞉me. Pa ekipeke neke damako pele dina꞉ta꞉ kota꞉ yaka welena꞉ ota꞉ lombei pea tieke ula꞉me lea꞉me. Koto ekina꞉ta꞉ mo yaka damako pa꞉la꞉ ekimanu pa꞉ta꞉ hakoko luluekema꞉ I̱ta꞉ ta꞉na꞉ wopu pa꞉la꞉me. Pa ekipeke mo Ketisona꞉ handeteke hala꞉ welema꞉ I̱ handeteke hala꞉eki handuluekema꞉ loa꞉me.

2 Kotindi 12:9 ပူးပေါင်းရင်းမြစ်များ

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

1 Kotindi 10:13

Mo iki pa꞉ta꞉ la handa꞉la꞉eki manuta꞉ mo wanda꞉hali paeyao pa꞉ta꞉ pa ipu hala꞉eki kone ipula꞉pate pa Koda꞉ma꞉ ipika꞉ pi la꞉ wita꞉la꞉ ekita꞉ ota꞉ yao hala꞉me. Kutupa ipikana꞉ma꞉ta꞉ mo iki mea ota꞉ lombeipiki lopaapeke ya꞉la꞉ la handa꞉la꞉eki ma꞉nda꞉ na epena꞉ lelieke. La handa꞉la꞉ ekimanu ipulu haena꞉ kone Koda꞉ma꞉ ika꞉ pota꞉ pilao iki tamba꞉ milieke. Mo tamba꞉ mina꞉la꞉ ekina꞉ iki honkopu hao ana꞉na꞉ hamina꞉ lelieke.

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

1 Kotindi 2:3

Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

1 Kotindi 2:5

Koto ekina꞉ ika꞉ hone tulaaleme ekita꞉ pa mo kenke halina꞉ hone wotu witemeeki opitolo hata꞉ na tulaalemepate pa mo Koda꞉na꞉ wele pita꞉la꞉ ekina꞉ kone hone tulaalememe.

2 Kotindi 11:30

I̱ma꞉ hakoko lia꞉peke ya꞉ka꞉na꞉ta꞉ kota꞉ I̱ma꞉ mo I̱ damako pitoloeki wala꞉la꞉ ale manuna꞉ hakoko lionoe.

2 Kotindi 12:1

I̱ma꞉ta꞉ do hauta꞉ ota꞉ teke ma꞉nda꞉ na ula꞉pate kone ota꞉ hakoko pa lia꞉peke ya꞉la꞉me. I̱ma꞉ mo Tekehalima꞉ kia꞉ pa upama꞉ leke handa꞉la꞉ ekimanu pita꞉ peneme yao walea꞉ ekimanu yaapona꞉ pimanu ame lolueke.

2 Kotindi 12:10

Koto ekina꞉ I̱ma꞉ta꞉ Ketisona꞉eki peaaso mo damako pa꞉la꞉ ekima꞉ make tetopiki pima꞉ make ka꞉nda꞉piki ekima꞉ make a꞉nda꞉ lita꞉la꞉ ekima꞉ make mamatala꞉ ekima꞉ make I̱ta꞉ pa ta꞉na꞉ pa꞉la꞉me. Pa ekipeke I̱ta꞉ damako polo dina꞉ta꞉ honkopu hao halome.

2 Kotindi 12:15

Koto ekina꞉ yaka ta꞉na꞉ pa꞉la꞉ ekita꞉ iki tamba꞉ muluekema꞉ yeketa꞉ yaka wia halo ale paeyao make I̱ kone make pa baalueke laata꞉ I̱ hone wopu pa꞉la꞉me. I̱ma꞉ta꞉ iki pukima꞉ wopu homolo ekina꞉ yeke ikana꞉ma꞉ta꞉ I̱ta꞉ hosikima꞉ kone puki kilimikipe.

2 Kotindi 12:5

Koto ekina꞉ta꞉ I̱ma꞉ta꞉ mo halina꞉ pi lawalueke. Pate pa yaka kone yaka pi na lalueke. Kutu pulu pa꞉la꞉pate mo I̱ damako piki hali haloeki wala꞉la꞉eki homeke pi lalueke.

Epesese 3:16

I̱ma꞉ Koda꞉ pa꞉ta꞉ honke alo ekita꞉ dupae. Ipikita꞉ manda hata꞉ tieke hala꞉ ekina꞉ ipikana꞉ma꞉ ikita꞉ puki hana꞉ noka꞉pa honkopu hao hamina꞉yeke Sipitidi wele tonka꞉na꞉ kina꞉yeke honke alome.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Kolosi 1:11

Kutupa ikita꞉ ipika꞉ ota꞉ pa̱a̱ piki wele pa꞉ta꞉ ipula꞉ honkopu ana꞉na꞉ kone haemeka꞉na꞉ta꞉ mo hau paeyao pa꞉ta꞉ta꞉ homu pea yu wia hata꞉ da̱o̱la hamena꞉e laa honke alopa꞉me. Kutupa ta꞉na꞉ lulu hata꞉ Apa꞉ pa꞉ta꞉ keiyae lapa꞉peke. Ipikana꞉ma꞉ oli pa̱a̱na꞉ kilu tumbuao hala꞉eki pa꞉ta꞉ ipika꞉ wanda꞉hali mina꞉yeke wiala꞉ ekina꞉ putupiliki ma꞉nda꞉ muemena꞉yeke iki ana꞉ pealeke loa꞉me.

1 Timodi 1:14

Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.

Hibulu 11:34

Mo uleke tieke hake ti tiekemanu honiaemekeme. Mo bainasima꞉ lia꞉pekeeki make wendimikime. Ikita꞉ detepiki some hombo yekepate honkopu haemekeme. Kutupa mo a꞉nda꞉na꞉ta꞉ ikana꞉ma꞉ honkopu tieke wopu hao mo hande kenke ma꞉nda꞉ tapakena꞉ ame tonu bepolaemekeme.

Hibulu 4:16

Nika꞉ ka꞉nda꞉ma꞉ homa꞉la꞉ natemanu epea꞉ka꞉na꞉ ipika꞉ a꞉ta꞉ma꞉ homa tamba꞉ mina꞉la꞉eki kia꞉ka꞉na꞉ muluekema꞉ aela꞉ bao hata꞉ mo pa hameke a꞉ta꞉ma꞉ homo hala꞉ Koda꞉ teke pa꞉ta꞉ pomana꞉e.