2 Kotindi 12:2 - Panake Pi La: Ula: Buka pita: Kine Pieke Buka

² I̱ma꞉ hone uluta꞉ amba꞉ paeya꞉ bapi 14 haowa꞉ dina꞉ta꞉ Ketiso hali ma꞉nda꞉ta꞉ oli ota꞉ manda hala꞉ hepeni nane pa꞉ta꞉la꞉ mea pea꞉eki hone ulume. Do ekita꞉ ota꞉ pia꞉pe o pa upama꞉ leke handea꞉pe laa I̱ hone na ulupate Koda꞉ma꞉ homeke hone ula꞉me.

2 Kotindi 12:2 ပူးပေါင်းရင်းမြစ်များ

Luku 24:51

Kutu pitolo haena꞉ta꞉ Yesuta꞉ iki mina꞉pa꞉lao oli hepeni nane hatuku peekeme.

Dioni 6:56

Hali epima꞉ yaka loke mindiki make yaka we make nea꞉ka꞉na꞉ta꞉ ipikita꞉ I̱ pa꞉ta꞉ halieke. Kutu pia꞉ka꞉na꞉ta꞉ I̱ make ipiki pa꞉ta꞉ halueke.

Aposolo 14:6

mo hali yaapoma꞉ opuaata꞉ mo Laikonia nane haepeke Lisita Debi da yaapo pa꞉ta꞉ make mo topu damanu pa꞉ta꞉ make pindipa puaata꞉

Aposolo 22:17

Kutupa I̱ma꞉ Diutuseleme da nane paa a꞉pa hata꞉ mo tembolo da tukiki pa꞉ta꞉ yeni pitolo hata꞉ upama꞉ leke

Loma꞉ 16:10

Hande ipika꞉ Ketiso pa꞉ta꞉ ti lao hala꞉eki peneme yala꞉ hali A꞉pelisi pa꞉ta꞉ make a꞉taloe pi la꞉niaasome. Hande Atisitobulusi tapake wanda꞉hali pa꞉ta꞉ make a꞉taloe pi la꞉niaasome.

Loma꞉ 16:3

Nika꞉ mandakena꞉ hata꞉ Yesu Ketiso ipika꞉ e pokao haloma꞉ tooli Pisila Akuila yaapo pa꞉ta꞉ a꞉taloe pi make la꞉niaasome.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.

Loma꞉ 16:9

Nika꞉ mandakena꞉ hata꞉ Ketisona꞉ e pokao haloma꞉ hali Ebanusi ipiki pa꞉ta꞉ make ota꞉ yaka yankeke Sitakusi ipiki pa꞉ta꞉ make a꞉taloe pi la꞉niaasome.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

2 Kotindi 11:11

I̱ma꞉ do alo ekita꞉ iki pukima꞉ na homolome laa alope. Dia꞉me. I̱ma꞉ iki pa꞉ta꞉ pukima꞉ homolo ekita꞉ ota꞉ Koda꞉ma꞉ hone ula꞉me.

2 Kotindi 13:5

Ika꞉ kone mo la handa꞉la꞉eki pa꞉ta꞉ u moneaaso hata꞉ ika꞉ kone pi yokaalu pea꞉pa꞉peke. Do hauta꞉ ika꞉ ota꞉ hone tulaasa꞉eki pa꞉ta꞉ halemeo laa handa꞉ uluekema꞉ pea꞉pa꞉peke. Iki amba꞉ a̱i̱ na lopemeketa꞉ kota꞉ Yesu Ketisota꞉ iki pa꞉ta꞉ hala꞉me hone u hapa꞉peke aleo.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 1:22

Koto pita꞉ma꞉ta꞉ mo Diudia kenke pa꞉ta꞉ haemeke siosi wanda꞉halima꞉ ya leke popeleketa꞉ na handemekepate

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 4:10

Kutupa hande hola꞉pa꞉niaeyeke hali kone ota꞉ oli manda hepeni pa꞉ta꞉ a꞉meiya puata꞉ oli ya kenke yaapo ipika꞉ hala꞉ ekima꞉ tumbaaluekema꞉ peekeme.

1 Desalonaika 4:17

Kutu pilie pita꞉ta꞉ niki pa haluma꞉ wanda꞉hali make mo hande wanda꞉hali ame̱le̱ Koda꞉ma꞉ mea apa꞉tao hamono laa oli koa manda niki hatuku pua Tekehali manda꞉hande pea handulumeke. Kutupata꞉ nikita꞉ Tekehali ipiki ame̱le̱ hoto paeyao hao halumeke.

Hibulu 4:14

Koto pa꞉leke handaata꞉ mo nika꞉ Yeni peao hala꞉ You hali tieketa꞉ Koda꞉na꞉ eiyeke Yesuta꞉ mo hepeni da tukiki pa꞉ta꞉ ota꞉ honda꞉ pambeeke yeke handaata꞉ kota꞉ nikana꞉ma꞉ make mo nika꞉ hone tulaaloma꞉eki wopu handeteke hao hamana꞉e.

Hibulu 9:24

Kota꞉ mo ota꞉eki manda꞉ meaaso hata꞉ haliwekima꞉ a꞉emeke Yako Piki Da pa꞉ta꞉ Ketiso na peekeme. Pate ipikita꞉ ota꞉ hepeni nane peekeme. Kutupa ameta꞉ Koda꞉na꞉ leke popelekena꞉ nikina꞉ hao hala꞉me.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.

Peneme Yaeyekeeki 12:5

Kutupa mo wanda꞉ma꞉ta꞉ hali weki mondu wia꞉me. Ipiki daeyaata꞉ do kenke paeyao ayeni dopitama꞉ handeteke halo pa꞉la꞉ wekie. Pate mo wekita꞉ pa꞉ta꞉la꞉ mea Koda꞉ pa꞉ta꞉ ipika꞉ kini seana꞉ hala꞉ alena꞉ mea pea꞉me.

Peneme Yaeyekeeki 4:2

Koto kone mo Sipitidima꞉ I̱ pa꞉ta꞉ e pokea꞉me. Oli hepeni naneta꞉ mo kilu tumbao pila꞉ kini seana꞉ ma꞉nda꞉ manda pitia꞉me.