2 Kotindi 10:1 - Panake Pi La: Ula: Buka pita: Kine Pieke Buka

¹ I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 10:1 ပူးပေါင်းရင်းမြစ်များ

Ma꞉tiu 11:29

I̱ma꞉ iki pa꞉ta꞉ kitolo tita꞉ mea ika꞉ peiyokona꞉ tia hata꞉ta꞉ ya hau honda꞉ mea pia꞉pa꞉peke. Pa ekipeke. I̱ta꞉ kimelema꞉ hata꞉ ya pukima꞉ homu pea halome. Koto ekima꞉ta꞉ ikana꞉ma꞉ ika꞉ pukina꞉ lopaasa꞉ ekita꞉ ana꞉na꞉ milimikie.

Ma꞉tiu 21:5

Mo Saioni da teke tieke pa꞉ta꞉ haleme wanda꞉hali pa꞉ta꞉ta꞉ dupa lapeke. Ika꞉ kini tieketa꞉ iki pa꞉ta꞉ taa ipula꞉ handa꞉pe. Ipikita꞉ homu piki hali hata꞉ mo donki ma꞉na꞉na꞉ hoki manda pila꞉me. kutupa mo donki hali ma꞉na꞉ ikiki manda pila꞉me lapa꞉peke laa leekeme.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

Loma꞉ 10:20

Kutupa Aisayama꞉ Koda꞉na꞉eki lawaaso hata꞉ doolema꞉ na homeke dupa leekeme. I̱ na weimi wanda꞉halima꞉ kone I̱ handa꞉ wimime laata꞉ I̱ haloeki lota꞉ na pimi wanda꞉hali pa꞉ta꞉ kone yaka kone peneme yao waloa꞉me laa leekeme.

Loma꞉ 12:1

Koto pa꞉la꞉ ekina꞉ yaka kame titio. Koda꞉ma꞉ niki pa꞉ta꞉ a꞉ta꞉ma꞉ wotu homo haleke handaata꞉ I̱ma꞉ iki pa꞉ta꞉ honke aloeki ma꞉nda꞉ta꞉ dupa. Hande hotekemanu lia Koda꞉ pa꞉ta꞉ halemeke tupa꞉ ame ikana꞉ma꞉ta꞉ ika꞉ loke manuta꞉ pa da꞉ta hata꞉ kone Koda꞉ pa꞉ta꞉ hala꞉pa꞉peke. Ikana꞉ma꞉ kutu pimika꞉na꞉ta꞉ kota꞉ ikita꞉ ipika꞉eki hata꞉ta꞉ ipika꞉ e pokaaluekema꞉ make ipiki ta꞉na꞉ma꞉ homaaluekema꞉ make pilimikie. Kutu pita꞉la꞉ hauta꞉ Koda꞉ pa꞉ta꞉ panda꞉puniao ika꞉ temokoma꞉ ota꞉ yeni pita꞉la꞉eki pea꞉pa꞉peke aleo.

Loma꞉ 15:15

Koto pa꞉la꞉pate I̱ma꞉ do wape poloeki pa꞉ta꞉ ika꞉ hone u tiaaso hata꞉ taka꞉lake pi mandane ekimanu laa wape polome. Koda꞉ma꞉ e tieke I̱ pa꞉ta꞉ ka꞉leke handaata꞉ I̱ma꞉ na kita꞉ yokake hata꞉ wape pea polome.

1 Kotindi 2:3

Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

1 Kotindi 4:10

Ketisona꞉ biki daeyaena꞉ loluekema꞉ nikita꞉ hone na wiki haliweki haloma꞉pate ikita꞉ Ketisona꞉ hauna꞉ hone wotu wilimi haliweki halememe. Nikita꞉ honkopu na haloma꞉pate ikita꞉ honkopu wotu halememe. Ika꞉ biki laasemepate pa niki pa꞉ta꞉ biki na ula꞉ haliwekie la alememe.

1 Kotindi 4:21

Do hone pa꞉la꞉eki yaapota꞉ handoeki hone pelemepe. Iki tikitiki yaluekema꞉ tolo mea mina eponope o yopu hata꞉ta꞉ pukima꞉ homolo hata꞉ eponope.

2 Kotindi 10:10

Ma꞉nda꞉ma꞉ta꞉ I̱na꞉ do la꞉lieke. Polona꞉ tameiya꞉ manuta꞉ tanda pea honkopu hala꞉pate pa mo ipika꞉ loke piti niki ame̱le̱ hala꞉ dina꞉ta꞉ ipikita꞉ dete pea ipika꞉ pi manuta꞉ teke na ula꞉me laa lelieke.

2 Kotindi 10:2

I̱ epoa꞉ka꞉na꞉ta꞉ tanda piono na sutiaamena꞉ yeke loa꞉me. I̱ma꞉ta꞉ mo nikana꞉ma꞉ kenkena꞉ hone pa꞉la꞉ hau pa꞉ta꞉ yama꞉ pitoloma꞉me laa aleme tapake pa꞉ta꞉ta꞉ I̱ma꞉ tanda pia꞉peke ya꞉la꞉me laa hone ulume.

2 Kotindi 10:7

Ikana꞉ma꞉ta꞉ mo ala꞉ta꞉ ala꞉ta꞉na꞉ hama꞉ naneeki handelememe. Iki ame̱le̱ ma꞉nda꞉ma꞉ ipikita꞉ Ketiso pa꞉ta꞉ tunaalome ala꞉ some hala꞉pe. Kota꞉ ipikana꞉ma꞉ ipika꞉ hau pita꞉la꞉eki kone pa hone wina꞉e. Pa ekipeke ipikana꞉ma꞉ pita꞉la꞉ tupa꞉ kone niki make Ketiso pa꞉ta꞉ tunaaloma꞉me.

2 Kotindi 11:21

Nikana꞉ma꞉ta꞉ kutupiki haumanu puluekema꞉ doda꞉pikina꞉ na puma꞉ta꞉ laa loluekema꞉ I̱ma꞉ yaala꞉ pa꞉la꞉me. Pate ma꞉nda꞉ epima꞉ ala꞉ta꞉ ma꞉nda꞉na꞉ honkopu hao hakoko lulueke hone wia꞉ka꞉na꞉ta꞉ kota꞉ I̱ma꞉ make hone na wiki some leke mandake tupa꞉ loluekema꞉ ana꞉na꞉ honkopu hao pea꞉peke ya꞉lieke.

2 Kotindi 11:30

I̱ma꞉ hakoko lia꞉peke ya꞉ka꞉na꞉ta꞉ kota꞉ I̱ma꞉ mo I̱ damako pitoloeki wala꞉la꞉ ale manuna꞉ hakoko lionoe.

2 Kotindi 12:5

Koto ekina꞉ta꞉ I̱ma꞉ta꞉ mo halina꞉ pi lawalueke. Pate pa yaka kone yaka pi na lalueke. Kutu pulu pa꞉la꞉pate mo I̱ damako piki hali haloeki wala꞉la꞉eki homeke pi lalueke.

2 Kotindi 3:12

Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.

2 Kotindi 5:20

Koto ekina꞉ ameta꞉ niki do Ketisona꞉ pi lawaaso handa꞉e. Koda꞉ niki pa꞉ta꞉ yama꞉ ipika꞉ homu toluma꞉ wi la꞉la꞉eki kone peneme yaasa꞉me. Nikana꞉ma꞉ta꞉ Ketisona꞉ pi laaso hata꞉ wi aloma꞉ ekita꞉ dupae. Koda꞉ma꞉ iki a꞉nda꞉ tunkuliki wanda꞉hali halemeeki topo peao ipika꞉ yankeke au laena꞉ lapee lo haloma꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

2 Kotindi 7:4

I̱ma꞉ta꞉ ikita꞉ ana꞉ pa꞉la꞉me hone ulume. I̱ma꞉ta꞉ ika꞉ piteleme hauna꞉ ta꞉na꞉ma꞉ homa꞉la꞉eki minolome. Nika꞉ ka꞉nda꞉ma꞉ homoloma꞉ ekimanu pa꞉ta꞉ta꞉ I̱ta꞉ hali au la hata꞉ honkopu haasa꞉ ekima꞉ tumbu hala꞉me. I̱ta꞉ ta꞉na꞉ pa꞉la꞉ ekima꞉ tumbaa ankou ala꞉me.

Ka꞉leisia 4:13

I̱ma꞉ iki pa꞉ta꞉ pi kini pea waloa꞉ ekina꞉ teketa꞉ mo hande I̱ma꞉ yeni mua꞉ ekima꞉ iki pa꞉ta꞉ a꞉pa hata꞉ pi waloa꞉me. Kutu pua꞉ ekita꞉ hone wilimime.

Ka꞉leisia 5:2

Opua꞉pa꞉ I̱ta꞉ Poloma꞉ iki pa꞉ta꞉ do pi alome. Ikita꞉ ma꞉nda꞉ma꞉ sekemesaisi hau pina꞉ lemeka꞉na꞉ta꞉ kota꞉ ikana꞉ma꞉ Ketisota꞉ ota꞉ pa ale leke haena꞉ lelimikie.

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Pilipai 4:5

Wanda꞉hali paeyao pa꞉ta꞉ ika꞉ pilimi hau manuma꞉ta꞉ ika꞉ homu piki hau walo hapa꞉peke. Mo Tekehalita꞉ niki teke pa꞉ta꞉ hala꞉me.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

2 Desalonaika 3:17

I̱ta꞉ Polo ya kikima꞉ kone wape pitolo hata꞉ iki pa꞉ta꞉ A꞉taloe alome. Tameiya꞉ paeyaona꞉ dupiki wapema꞉ ya biki wape pu halome.

Pailimono 1:19

Ya kikima꞉ kone wape pitolo hata꞉ alota꞉ I̱ Poloma꞉ naka꞉ yenkita꞉ ana꞉na꞉ kulueke laa do wape pitolo handa꞉e. Paa naka꞉ Ketiso pa꞉ta꞉ haleeki I̱ pa꞉ta꞉ yama꞉ mele ekina꞉ na alopate.

Pailimono 1:9

paa neke pa꞉ta꞉ pukima꞉ homolo ekima꞉ pa honke ala꞉eki homeke pitolome. Do honke alo ekita꞉ I̱ Polota꞉ koke hali hata꞉ kone pa Yesu Ketisona꞉ e pokoeke handaa dipula mea pitaalemeke pita꞉ kone alome.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.