2 Kotindi 1:8 - Panake Pi La: Ula: Buka pita: Kine Pieke Buka

⁸ Kame tonuo nikana꞉ma꞉ mo hande Eisia kenke pa꞉ta꞉ muma꞉ ka꞉nda꞉manu iki pa꞉ta꞉ pa hone u tiaaluekema꞉ hone pa꞉la꞉me. Mo niki manda wia꞉ ka꞉nda꞉ manuta꞉ tieke hombeleke make ka꞉nda꞉ tieke pia꞉ ekima꞉ nikita꞉ do kenkena꞉ hana̱la̱꞉ na pia꞉me hone uma꞉me.

2 Kotindi 1:8 ပူးပေါင်းရင်းမြစ်များ

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 19:41

Kotoeki laaka꞉na꞉ wanda꞉hali tapaa tapaa piekeme.

Aposolo 2:9

Nikita꞉ Padia nane make Midia nane make Ilame nane make Mesopoteimia nane make Diudia nane make Ka꞉padosia nane make Pondasi nane make Eisia nane make

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

1 Kotindi 15:32

I̱ma꞉ do Epesese da pa꞉ta꞉ hata꞉ mandane sayalemanu pa꞉ta꞉ a꞉nda꞉ piki nono pua꞉ ekima꞉ta꞉ kota꞉ koto pua꞉ ekima꞉ta꞉ I̱ ekipa tamba꞉ miliepe. Pate amba꞉ homemeke wanda꞉hali paa mea tiaapeke na yea꞉ka꞉na꞉ta꞉ kota꞉ mo Belia tuneke homolo poloma꞉ ekina꞉ta꞉ kota꞉ ame ne ikali naa keamana꞉ pipe laa lo haleme ekina꞉ niki make lapeke ya꞉la꞉me.

1 Kotindi 16:9

Do ekina꞉yeke loa꞉me. Do pa꞉ta꞉ta꞉ pota꞉ lomba꞉pa ula꞉me. Kutupa epeke epeke e tieke tieke pokaapeke ya꞉la꞉me. Kutu pulu polopate pa mo pota꞉ sa꞉sa꞉ pulu peleme haliweki wotu make halememe.

1 Kotindi 4:8

Ikana꞉ma꞉ mea꞉peke ya꞉la꞉ ale manuta꞉ amba꞉ melememe. Ikita꞉ hamoko haliweki amba꞉ halememe. Ikita꞉ mo kini haliweki leke hata꞉ ika꞉ kilu tombuao hala꞉eki pa꞉ta꞉ halemepate pa nikita꞉ yonka꞉lao pelememe. A꞉ta꞉e. Yaka hone pa꞉la꞉ ekita꞉ iki ota꞉ kini haliweki hamina꞉ alome. Kutu pu haemeka꞉na꞉ta꞉ kota꞉ niki make iki ame̱le̱ kini haliweki halumeke.

2 Kotindi 1:9

Niki pa꞉ta꞉ homena꞉e ala꞉ pita꞉ amba꞉ la꞉ wiki nono pia꞉me. Pate doeki pia꞉ ekita꞉ nikana꞉ma꞉ nika꞉ homeke na ti lake pa mo homa꞉la꞉eki mea tiao hala꞉ Koda꞉ pa꞉ta꞉ homeke hone tulaamono pia꞉me.

2 Kotindi 6:9

Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.