2 Kotindi 1:5 - Panake Pi La: Ula: Buka pita: Kine Pieke Buka

⁵ Nikita꞉ mo hande Ketisona꞉ tandamanu putu poloma꞉ tupa꞉ kone Ketiso pa꞉ta꞉ yama꞉ta꞉ Koda꞉na꞉ aneke tamba꞉ mina꞉la꞉eki putu poloma꞉me.

2 Kotindi 1:5 ပူးပေါင်းရင်းမြစ်များ

Luku 2:25

Kutupa mo Diutuseleme da pa꞉ta꞉ta꞉ koke hali ma꞉nda꞉ Simioni hayekeme. Koto halima꞉ta꞉ Koda꞉ pa꞉ta꞉ paala꞉ma꞉ homa hata꞉ epeke hau pitolo hata꞉ make mo Isulai wanda꞉halina꞉ da꞉taalo pieke nate epena꞉ handeteke hao hayekeme. Ipikita꞉ Holi Sipitidi yaapo hayekeeki yolo hata꞉

Aposolo 9:4

Kutupa mo some kenkena꞉ honda꞉pa topopi lopolo hata꞉ ho̱la̱꞉make opiekepate alota꞉ Soloo. Soloo. Ekipeke I̱ yaapo a꞉nda꞉ litelepe leekeme.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

Pilipai 2:1

Ika꞉ Ketiso pa꞉ta꞉ haleme ekita꞉ iki honkopu hamena꞉ la꞉la꞉pe o ipika꞉ pukima꞉ homa꞉la꞉ ekima꞉ta꞉ ika꞉ hone bamena꞉ la꞉la꞉pe o ikana꞉ma꞉ mo Holi Sipitidi ame̱le̱ ta꞉ma꞉ni pea halemepe o ika꞉ kone pukima꞉ homolo epeke hau pu alualu pelemepe.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.