2 Kotindi 1:1 - Panake Pi La: Ula: Buka pita: Kine Pieke Buka

¹ Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

2 Kotindi 1:1 ပူးပေါင်းရင်းမြစ်များ

Aposolo 16:1

Kutupa mo Debi Lisita da yaapo nane opolo epepekeme. Ketiso hali homeke Timodi koto pa꞉ta꞉ hayekeme. Ipika꞉ inkikita꞉ Diu wanda꞉ma꞉ kone pi miniki hayeke wanda꞉na꞉ eiyeke hayekepate ipika꞉ ateketa꞉ Kitiki hali hayekeme.

Loma꞉ 15:26

Do I̱ polueke alo ekita꞉ mo hande Ma꞉sedonia Kitiki kenke yaapo nane haleme siosi wanda꞉halima꞉ta꞉ mo hande Diutuseleme da nane haleme Koda꞉na꞉ wanda꞉hali pa mandane natehali wanda꞉hali pa꞉ta꞉ mani haluekema꞉ hone wilimi ekina꞉ pulu loa꞉me.

Loma꞉ 16:21

Dika꞉ mandakena꞉ e pokao halopa꞉ hali Timodima꞉ make iki pa꞉ta꞉ a꞉taloe pi la꞉niaasa꞉me. Lusiasima꞉ make Dieisonima꞉ make Sosipeidema꞉ make mo mandane Diu tapake haliweki ikana꞉ma꞉ make iki pa꞉ta꞉ a꞉taloe pi la꞉niaasememe.

Loma꞉ 16:5

Ipilika꞉ da pa꞉ta꞉ mombolo haleme siosi wanda꞉hali pa꞉ta꞉ make a꞉taloe pi la꞉niaasome. Ota꞉ yaka yankeke Epenitasi pa꞉ta꞉ make a꞉taloe pi la꞉niaasome. Ipikita꞉ mo Eisia nane wanda꞉hali paeyao ame̱le̱ hata꞉ titina꞉ Ketiso biki ipikana꞉ma꞉ amba꞉la mia꞉me.

1 Kotindi 10:32

Kutupa mo Diu wanda꞉hali pa꞉ta꞉ make Diendaili wanda꞉hali pa꞉ta꞉ make mo Koda꞉na꞉ siosi wanda꞉hali pa꞉ta꞉ make homeke a꞉nda꞉ mea lopaaluekema꞉ hau ma꞉nda꞉ a꞉nda꞉ na pea꞉pa꞉peke.

1 Kotindi 16:10

Timodi iki pa꞉ta꞉ a꞉pa haya꞉ka꞉na꞉ta꞉ ikana꞉ma꞉ ipiki epeke tupa꞉ handa꞉ mea epeke tupa꞉ handeteke hapa꞉peke. Ipikana꞉ma꞉ make I̱ma꞉ pitolo tupa꞉ mo Tekehalina꞉ e pokaasa꞉ ekina꞉ loa꞉me.

1 Kotindi 16:15

Some ma꞉nda꞉ Sitepanisita꞉ ipika꞉ weki wanda꞉ tonka꞉na꞉ ikana꞉ma꞉ handelememe. Koto tapaketa꞉ mo Akaya Potobinisi nane hata꞉ta꞉ ota꞉ amba꞉ titina꞉ pi mea hata꞉ pa Koda꞉na꞉ wanda꞉halina꞉ e pokaatiki pitelememe. Koto ekina꞉ ya kametiti iki pa꞉ta꞉ honke alo hata꞉ dupa alome.

1 Kotindi 16:24

I̱ma꞉ Yesu Ketiso pa꞉ta꞉ ta꞉ma꞉ni pea hata꞉ta꞉ iki paeyao pa꞉ta꞉ pukima꞉ homolome.

1 Kotindi 6:11

Iki pa꞉ta꞉ mandane wanda꞉halita꞉ kutupiki wanda꞉hali haemepate pa Koda꞉ma꞉ ika꞉ hoke haumanu tanda꞉ pea haena꞉ yeke handa ameta꞉ wamo pea halememe. Ameta꞉ Koda꞉ma꞉ iki talopu mea hamina꞉ la꞉la꞉me. Kutupa ame ikita꞉ Koda꞉ pa꞉ta꞉ tikitiki yao hamina꞉ la꞉la꞉me. Kutupiki hauta꞉ mo Tekehali Yesu Ketiso pita꞉ nika꞉ Koda꞉na꞉ Sipitidi yaapoma꞉ peaala꞉me.

2 Kotindi 1:19

Pa ekipeke mo Yesu Ketiso Koda꞉na꞉ Eiyeke hande Sailasima꞉ make Timodima꞉ make I̱ma꞉ make iki pa꞉ta꞉ hande waloma꞉ hali ipikita꞉ aowe make dia꞉me hali dia꞉me. Ota꞉ dia꞉ya꞉la꞉pate ipikita꞉ ota꞉ Koda꞉na꞉ Aowe homekee.

2 Kotindi 1:23

Koda꞉ta꞉ yaka wekitisi hali lonoe. Ipikana꞉ma꞉ta꞉ yaka honeta꞉ hone ula꞉me. I̱ma꞉ta꞉ iki ka꞉nda꞉ kia꞉peke yeketa꞉ Kotindi nane pao na poa꞉me.

2 Kotindi 11:10

Ketisona꞉ ota꞉ pi I̱ pa꞉ta꞉ pila꞉eki yalota꞉ I̱ma꞉ do yaka hakoko litolo pita꞉ ota꞉ koto Akaya kenke paeyao pa꞉ta꞉ta꞉ na palueke laa pi la꞉ witolome.

2 Kotindi 9:2

Pa ekipeke ikana꞉ma꞉ tamba꞉ muluekema꞉ hone wopu wilimi ekita꞉ I̱ma꞉ hone ulume. Kutupa ika꞉ piteleme ekita꞉ mo Ma꞉sedonia wanda꞉hali pa꞉ta꞉ I̱ma꞉ pi la waloa꞉me. Mo wanda꞉hali pa꞉ta꞉ alota꞉ Mo Akaya haleme kame tonuma꞉ta꞉ mo paeya꞉ bapina꞉ kini pea tamba꞉ muluekema꞉ tikitiki yao halememe laa loa꞉me. Ika꞉ puluekema꞉ a̱i̱ hone wilimi ekima꞉ta꞉ wopuna꞉ hone u tialememe.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

1 Desalonaika 1:1

Polo Sailasi Timodi niki tepoma꞉ta꞉ mo Desalonaika siosi wanda꞉halita꞉ nika꞉ Apa꞉ Koda꞉na꞉eki make Tekehali Yesu Ketisona꞉eki make haleme ekina꞉ iki pa꞉ta꞉ tapaasoma꞉me. Koda꞉ma꞉ta꞉ ipika꞉ pa a꞉ta꞉ma꞉ homa꞉la꞉eki make puki lopa꞉niaasa꞉eki make iki pa꞉ta꞉ pitaeya꞉ka꞉na꞉ta꞉ epelieke.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

2 Desalonaika 1:1

Polo Sailasi Timodi niki tepoma꞉ iki Desalonaika siosi pa꞉ta꞉ dupiki tameiya꞉ wape pea tapaasoma꞉me. Ikita꞉ Koda꞉ nika꞉ Apa꞉ make Yesu Ketiso nika꞉ Tekehali tieke ame̱le̱ halememe.

1 Timodi 1:1

Polo I̱ta꞉ mo Ketiso Yesuna꞉ aposolo hali halome. Nika꞉ da꞉taasa꞉ Koda꞉ma꞉ make mo epena꞉ yu wia haloma꞉ Ketiso Yesu yaapoma꞉ do e pokono lelepeme.

2 Timodi 1:1

Polo I̱ta꞉ mo Ketiso Yesuna꞉ aposolo hali halome. Koda꞉ma꞉ la꞉ wieke deto hala꞉eki Ketiso Yesu pa꞉ta꞉ yama꞉ nikana꞉ma꞉ moloma꞉ ekina꞉ pi walono yeke Koda꞉ma꞉ I̱ ma̱leke lia tapaala꞉me.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

Pailimono 1:1

Polo I̱ta꞉ Yesu Ketiso hone witolo hata꞉ dipula polo hali I̱ make nika꞉ kame Timodi dikana꞉ma꞉ mo dika꞉ e yankeke some Pailimono neke pa꞉ta꞉ wape pitopa꞉me.

Hibulu 13:23

Hande nika꞉ kame Timodi mo dipula pita opulu bao hala꞉eki ikana꞉ma꞉ opuemena꞉ do la kitolo handa꞉pe. Do I̱ halo pa꞉ta꞉ a̱i̱ opolo epea꞉ka꞉na꞉ta꞉ kota꞉ iki handolo ipulu mandake ipulupekee.