1 Timodi 5:6 - Panake Pi La: Ula: Buka pita: Kine Pieke Buka

⁶ Pate kosa꞉piki wanda꞉ ma꞉nda꞉ma꞉ ipika꞉ lokena꞉ namonamo pita꞉la꞉ ekimanu homekena꞉ hone u haya꞉ka꞉na꞉ta꞉ kota꞉ koto wanda꞉ ipikita꞉ pa hala꞉pate kone ipika꞉ temokota꞉ homa ula꞉me.

1 Timodi 5:6 ပူးပေါင်းရင်းမြစ်များ

Kini Pieke 2:17

mo epeke hau pita꞉ hoke hau pita꞉la꞉eki yaapona꞉ hone u tiaasa꞉ ti poteke homeke homeke dia꞉me. Mo koto tina꞉ poteketa꞉ ota꞉ na napeke laata꞉ Neka꞉na꞉ta꞉ kota꞉ mo nelipi natena꞉ kone homilipikie laa leekeme.

Ma꞉tiu 8:22

Pate Yesuma꞉ hombo peaaso alota꞉ Ika꞉ toko manuma꞉ ika꞉ kone hoina꞉ma꞉ neketa꞉ I̱ teli mea epoe leekeme.

Luku 12:19

kota꞉ ya kone dupa lolueke. Naka꞉ta꞉ yolee. Naka꞉ wia hale ale manuta꞉ bapi wotu kone ana꞉na꞉ wilieke laa Ameta꞉ pa pitu hata꞉ ne ikali nalo hata꞉ ta꞉na꞉ma꞉ homo hapeke lolueke leekepate

Luku 15:13

Kutupa mo wetepe wekima꞉ta꞉ nate tepomanu haota꞉ ipika꞉ mieke ekita꞉ ma꞉nda꞉ma꞉ hambena꞉ laata꞉ koto mani mea da mina꞉pa꞉lao da yu ma꞉nda꞉ papate hayeke da nane peekeme. Koto nane puata꞉ na tiaake haumanu pitolo hata꞉

Luku 15:24

Pa ekipeke. Do yaka wekita꞉ amba꞉ homea꞉pate kone ameta꞉ paa tiala꞉me. Alu pia꞉pate kone ameta꞉ handa꞉ ula꞉me leekeme. Kutupa koto kone ikana꞉ma꞉ ta꞉na꞉ma꞉ homolo hata꞉ mo ne pamba꞉la꞉eki kini pimikime.

Luku 16:19

Amba꞉ hamoko hali ma꞉nda꞉ma꞉ yenki tiekema꞉ hambeeke dau seliapo pikieki pambatiki peata꞉ nate paeyao epeke epeke nemanu na꞉tiki pu hayekeme.

Luku 7:25

Ikana꞉ma꞉ koto alena꞉ ota꞉ aleke handuluekema꞉ pemepe. Ikana꞉ma꞉ hali ma꞉nda꞉ma꞉ epeke hamoko aka꞉manu pambao halia꞉eki handuluekema꞉ pemepe. Kutupiki aka꞉manu yama haleme wanda꞉halita꞉ hamoko hali leke hata꞉ kini haliwekina꞉ aneke da epeke pa꞉ta꞉ homeke halimikie.

Epesese 2:1

Amba꞉ ikita꞉ pi na opiki hoke hau pimiki ekima꞉ ika꞉ temokomanu homa wimikime.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Kolosi 2:13

Ikita꞉ amba꞉ a꞉nda꞉ta꞉ mo Lo pi dia꞉ya꞉la꞉ Diendaili wanda꞉hali hata꞉ ika꞉ pimi hoke hauma꞉ ika꞉ temokota꞉ homeeke wanda꞉hali haememe. Pate ameta꞉ Koda꞉ma꞉ ikita꞉ Ketiso yaapo paa mea da꞉taala꞉me. Koda꞉ma꞉ta꞉ nika꞉ hokeeki paeyao paeyawala꞉me.

2 Timodi 3:6

Kutu piki mandane haliwekima꞉ta꞉ mandane hone wopu na wiki wanda꞉weki homu pealuekema꞉ ika꞉ da pa꞉ta꞉ yopu siki honda꞉ pamba pu halememe. Kutu piki wanda꞉weki ika꞉ hoke hau manuma꞉ta꞉ ika꞉ honemanu ka꞉nda꞉ peaota꞉ ika꞉ lokena꞉ hoke hone pa꞉la꞉eki manuma꞉ iki yola꞉ mea aneya moneya pu hala꞉me.

Dia꞉mesi 5:5

Ikita꞉ nate paeyao kenkena꞉ hata꞉ epeke epeke alemanu minolo hata꞉ta꞉ ta꞉na꞉ma꞉ homa ne wopu no halememe. Kutupu halemepate ika꞉ imeke wopu pa꞉la꞉ ekima꞉ta꞉ iki lia꞉peke nate ipula꞉me.

Peneme Yaeyekeeki 18:7

Ipika꞉ kone mo pa̱a̱ pa꞉la꞉eki make ta꞉na꞉ tieke pa꞉la꞉eki make halolo pia꞉ tupa꞉ kone paa mo tanda tiekemanu make homena꞉ tupa꞉ tanda mina꞉la꞉eki make hala꞉pe. Pa ekipeke ipika꞉ kone alota꞉ Kini wanda꞉ do pilu handa꞉e. I̱ta꞉ kineke wanda꞉ dia꞉me. I̱ma꞉ta꞉ hamono tupa꞉ tanda mina꞉la꞉ ekita꞉ ota꞉ na handulueke laa ala꞉me.

Peneme Yaeyekeeki 3:1

Mo Sadisi siosina꞉ enisolo pa꞉ta꞉ dupa lae. Do pita꞉ mo Koda꞉na꞉ watake hata꞉ sipitidimanu make mo watake hata꞉ hombulanka꞉manu wia hala꞉ halima꞉ ala꞉me. Ika꞉ piteleme hau manuta꞉ I̱ma꞉ hone ulume. Wanda꞉halima꞉ ikita꞉ tanda piki Ketiso wanda꞉hali halememe lo halemeke opulupate handeta꞉ ikita꞉ homaa pimika꞉ta꞉me.