1 Timodi 5:4 - Panake Pi La: Ula: Buka pita: Kine Pieke Buka

⁴ Pate ipika꞉ wekiwandiki o eiyeke wanekena꞉ wekiwandiki haya꞉ka꞉na꞉ta꞉ kota꞉ ikana꞉ma꞉ amba꞉la ika꞉ koke wanda꞉ handeteke hasa꞉ hau pea꞉pa꞉peke ya꞉la꞉me. Kutu piki hau pimika꞉na꞉ta꞉ kota꞉ mo hande ateke inkiki make aeyeke meiyekema꞉ iki pa꞉ta꞉ pimi ekimanu hombo peaasememe. Koto hauma꞉ta꞉ Koda꞉ ta꞉na꞉ma꞉ homaasa꞉me.

1 Timodi 5:4 ပူးပေါင်းရင်းမြစ်များ

Kini Pieke 47:12

Diosepema꞉ta꞉ ipika꞉ apa꞉ make ipika꞉ hameke tonu make mo ipika꞉ apa꞉na꞉ tapake paeyaosiki mo hosiki wekiwandikisunu make apa꞉tao paeyaosiki ne ana꞉na꞉ haleekeme.

Kini Pieke 47:28

Dieikopeta꞉ mo Idiepi haena꞉ta꞉ bapi 17 paeyekeme. Kutupa ota꞉ ipika꞉ bapita꞉ 147 miekeme.

Luku 2:51

Kutupata꞉ Yesuta꞉ ipika꞉ apa꞉ ama꞉ yaapona꞉ pi opua Na꞉sa꞉tete nane mandakena꞉ pemekeme. Kutupa ipika꞉ apa꞉ ama꞉ yaapona꞉ pi nate paeyao opua homu pea hayekeme. Kutu piekepate ipika꞉ ama꞉ma꞉ta꞉ mo hande lemeke pimanu paeyaota꞉ hone na yonka꞉lake hone pa wia hayekeme.

1 Timodi 2:3

Kutu piki yeni pita꞉la꞉eki manuma꞉ta꞉ mo niki pa꞉ta꞉la꞉la꞉ Koda꞉ ta꞉na꞉ma꞉ homaasa꞉me.

1 Timodi 5:16

Kutu pu halemepate Ketiso wanda꞉ ma꞉nda꞉ ipika꞉ tapake kosa꞉piki wanda꞉manu ma꞉nda꞉ haya꞉ka꞉na꞉ta꞉ kota꞉ mo Siosi tapake pa꞉ta꞉ ka꞉nda꞉ wiaama꞉na꞉ ikita꞉ ipikana꞉ma꞉ handeteke hapeke ya꞉la꞉me. Kutu pia꞉ka꞉na꞉ta꞉ mo siosi tapakema꞉ ota꞉ mo honumake siki haleme kosa꞉piki wanda꞉weki ota꞉ epeke tupa꞉ handeteke haena꞉ waleke wilieke.

Taitasi 1:11

Kutupiki yala꞉ mea꞉peke haumanu piteleme hauta꞉ pa yanaaso hata꞉ wanda꞉halina꞉ manimanu muluekema꞉ pitelememe. Mo wala꞉peke na yeke pimanu walemeke ekima꞉ta꞉ mandane haliwekina꞉ hone make ika꞉ wekiwanda꞉na꞉ hone make u hoeyaena꞉ lo halememe. Kutu paama꞉na꞉ ika꞉ lo haleme pimanu sa꞉sa꞉ pea꞉peke.