1 Timodi 5:19 - Panake Pi La: Ula: Buka pita: Kine Pieke Buka

¹⁹ Wanda꞉hali homekema꞉ alota꞉ Mo you halima꞉ ata꞉ka꞉piki hau pia꞉me lea꞉ka꞉na꞉ta꞉ na opua꞉peke. Koto pilipipate hali yaapo tepoma꞉ a꞉nda꞉ a꞉pa lea꞉ka꞉na꞉ta꞉ kota꞉ opua꞉peke ya꞉la꞉me.

1 Timodi 5:19 ပူးပေါင်းရင်းမြစ်များ

Ma꞉tiu 18:16

Pate naka꞉ pi na opia꞉ka꞉na꞉ta꞉ kota꞉ pa pua hali homeke o yaapo ma꞉nda꞉ hatuku ipiki pa꞉ta꞉ paa pua꞉pa꞉peke. Kutu pika꞉na꞉ta꞉ mo nakana꞉ma꞉ titina꞉ ipiki pa꞉ta꞉ le pi alupaama꞉na꞉ handa꞉ ula꞉ hali yaapo o tepona꞉ pima꞉ hone u tiatiki pina꞉ lelieke.

Dioni 18:29

Koto ekina꞉ Pailedima꞉ hama꞉ nane pua iki pa꞉ta꞉ alota꞉ Do halima꞉ eki hau pa꞉la꞉ ekina꞉ samani pulu epemepe leekeme.

Dioni 8:17

Ika꞉ Lo Pimanu pa꞉ta꞉ wape peleme ekita꞉ dupae. La hala꞉la꞉ hali yaapoma꞉ homeke pi lepeka꞉na꞉ta꞉ ipilika꞉ pita꞉ ota꞉eki alepeme.

Aposolo 11:30

Koto ekina꞉ kotoeki peata꞉ oli siosi tondiki haliweki pa꞉ta꞉ Banabasi Solo yaapoma꞉ mea puaena꞉ laa tapaemekeme.

Aposolo 25:16

Koto lemepate I̱ma꞉ iki pa꞉ta꞉ alota꞉ Loma꞉ haliweki nika꞉ hauta꞉ hali ma꞉nda꞉ pa hameke kone ka꞉nda꞉ma꞉ homaapeke na ya꞉la꞉me. Haliwekima꞉ hali ma꞉nda꞉ pa꞉ta꞉ hokeeki pia꞉me laa samani pimika꞉na꞉ta꞉ kota꞉ mo halima꞉ta꞉ mo ipiki samani pilimi haliwekina꞉ leke minekena꞉ hata꞉ ipika꞉ pa꞉la꞉eki alo hata꞉ mo haliwekina꞉eki hombo peaapeke ya꞉la꞉me.

2 Kotindi 13:1

I̱ta꞉ hoto tepo peao iki handolo ipuluekema꞉ taapolome. Mo Baiboloma꞉ la꞉la꞉ tupa꞉ta꞉ Ma꞉nda꞉ma꞉ ketete pa꞉la꞉me lemeka꞉na꞉ta꞉ kota꞉ koto mo hali yaapo tepoma꞉ a꞉nda꞉ Ota꞉e Handoma꞉me pi alo wekitisi haemeka꞉na꞉ homeke ana꞉ pa꞉la꞉me la꞉la꞉me.

1 Timodi 4:14

Mo siosi you haliwekima꞉ pi la꞉ witolo hata꞉ naka꞉ youna꞉ ika꞉ kiki wimi dina꞉ Koda꞉ma꞉ ipika꞉ pa hameke kita꞉la꞉ epeke ale homeke naka꞉ puki pa꞉ta꞉ wiaya꞉ ekita꞉ nakana꞉ma꞉ ota꞉ na mina꞉pa꞉lapeke.

1 Timodi 5:17

Ika꞉ you haliwekima꞉ wanda꞉hali handeteke hata꞉ e epeke tupa꞉ pokemeka꞉na꞉ta꞉ ika꞉ biki a꞉meiyaaso yenki ana꞉na꞉ haka꞉ta꞉pao mina꞉e hone wia꞉peke ya꞉la꞉me. Mo pi wala꞉pekeeki o mana꞉ moka꞉la꞉ tiaaso hata꞉ ota꞉ honkopu hao wopu pokemeka꞉na꞉ta꞉ kota꞉ kutu piki you haliweki pa꞉ta꞉ amba꞉la hone wia pea꞉peke.

Taitasi 1:6

Mo handeteke halo pa꞉la꞉ halita꞉ moeki a꞉nda꞉ na pa꞉la꞉ hali make wanda꞉ homeke ma꞉la꞉ halima꞉ hapeke yelieke. Kutupa make ipika꞉ wekiwandikita꞉ mo pi miniki hata꞉ ikita꞉ ti teke yoka꞉la꞉ wekiwandikie o ateke inkikina꞉ pi yoka꞉la꞉ wekiwandikie laa ika꞉ biki na wia꞉ka꞉na꞉ta꞉ hapa꞉peke yelimikie.

Hibulu 10:28

Mo Diu hali homeke ma꞉nda꞉ma꞉ Mosesina꞉ pi ula꞉eki yambieke handaa mo handa꞉la꞉ hali yaapo tepo manuna꞉ pima꞉ ota꞉ pie lemeketa꞉ kota꞉ koto hali pa꞉ta꞉ a꞉ta꞉ma꞉ na homeke homena꞉ lia꞉tiki pimikime.