1 Timodi 4:3 - Panake Pi La: Ula: Buka pita: Kine Pieke Buka

³ Kutu pu haleme haliwekima꞉ pi walolo hata꞉ alota꞉ Wanda꞉ mina꞉la꞉eki make mandane nemanu hala꞉eki make hoke haue laa wahapa꞉ peao halememe. Pate do ne manuta꞉ nikana꞉ma꞉ nomono yeke Koda꞉ma꞉ wepiayekeme laa ipika꞉ pi mina꞉la꞉ wanda꞉halima꞉ mo ota꞉ hau homeke hone witolo hata꞉ koto ne manuna꞉ Koda꞉ pa꞉ta꞉ keiyae pi alo hata꞉ napeke ya꞉la꞉me.

1 Timodi 4:3 ပူးပေါင်းရင်းမြစ်များ

Kini Pieke 9:3

Kutupa ameta꞉ mo tanimanu no haleme tupa꞉ do hotekemanu paeyao make lia nomena꞉ yeke kitolopate

Ma꞉tiu 14:19

mo wanda꞉hali paeyao ambuna꞉ pitina꞉ lape leekeme. Kutaata꞉ ipikana꞉ma꞉ hande palaowa wala꞉ yunki hata꞉ make hande ta꞉peli yaapo make miniki hata꞉ oli ya nane handa꞉liao Koda꞉ pa꞉ta꞉ keiyae laata꞉ palaowa wala꞉ pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme.

Ma꞉tiu 15:11

Wanda꞉halita꞉ hama nane ula꞉ alemanu mea naloma꞉eki manuma꞉ iki na hoeyaalo pa꞉la꞉pate tukiki nane wia kake pa꞉ta꞉ opolu baasa꞉ ale manuma꞉ kone wanda꞉hali hoeyaapeke ya꞉la꞉me leekeme.

Ma꞉tiu 15:36

Kutupa Yesuma꞉ mo palaowa wala꞉ watake hata꞉ make mo ta꞉peli siki mu peata꞉ Koda꞉ pa꞉ta꞉ keiyae pi amba꞉la laata꞉ pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ yeke ipikana꞉ma꞉ iki pa꞉ta꞉ haleekeme.

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Dioni 6:23

Mandane kawaso manuta꞉ Taibitiasi nane hao a꞉paata꞉ hande Tekehalima꞉ keiyae pi laa mo wanda꞉hali paeyao pa꞉ta꞉ palaowa teli teli peaeyeke ikali tea꞉na꞉ kone opolo epemekeme.

Aposolo 27:35

Koto laaka꞉na꞉ Poloma꞉ palaowa mea haliweki paeyao ame̱le̱ hata꞉ Koda꞉ pa꞉ta꞉ keiyae pi laata꞉ mo palaowa pindipa nea꞉me.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 14:3

Mo hande nemanu paeyao napeke ya꞉la꞉ halima꞉ta꞉ hande ena꞉ noka꞉pa꞉la꞉ nemanu homeke nala꞉ hali pa꞉ta꞉ laaso hata꞉ ninamu no hala꞉ halie lapeke na ya꞉la꞉me. Kutupa make mo hande ena꞉ noka꞉pa꞉la꞉ nemanu homeke nala꞉ halima꞉ta꞉ hande ne paeyao nala꞉ hali pa꞉ta꞉ hone u hoeyaaso hata꞉ neketa꞉ hoke halie laa lapeke na ya꞉la꞉me. Do alo ekita꞉ do ekina꞉ yeke loa꞉me. Hande ne paeyao nala꞉ halita꞉ Koda꞉ma꞉ ipiki amba꞉ handa꞉ ma꞉la꞉me.

Loma꞉ 14:6

Hali epima꞉ ipika꞉ hone wia nate ma꞉nda꞉ta꞉ tiekee laa hone wia꞉ka꞉na꞉ta꞉ kota꞉ Tekehalina꞉ pi laaso hata꞉ hone wita꞉la꞉me. Hali epima꞉ nemanu paeyao no haya꞉ka꞉na꞉ta꞉ kota꞉ Tekehalina꞉ pi laaso hata꞉ no hala꞉me. Mo nemanu meata꞉ Koda꞉ pa꞉ta꞉ keiyae pi laa nala꞉ ekina꞉ loa꞉me. Hali epima꞉ mandane nemanu napeke kiaeya꞉ka꞉na꞉ta꞉ kota꞉ Koda꞉ pa꞉ta꞉ keiyae pi laa Tekehalina꞉ pi laaso hata꞉ pita꞉la꞉me.

1 Kotindi 6:13

Hali ma꞉nda꞉ma꞉ alota꞉ Ne nala꞉ ekita꞉ welekena꞉ ekie laata꞉ Pa mo weleke make ne muluekema꞉ hala꞉me laa lelie ekita꞉ ota꞉ ya꞉la꞉pate koto ale yaapo telipina꞉ homeke dina꞉ Koda꞉ma꞉ paeyaalieke. Kutu pulu pa꞉la꞉ ekina꞉ yeke homekema꞉ ipika꞉ lokema꞉ta꞉ ta꞉ta꞉na꞉ loke hoeyaaluekema꞉ na hake pa mo Tekehalina꞉ e pokaaluekema꞉ pa꞉la꞉me. Kutupa make mo Tekehalima꞉ta꞉ nika꞉ lokemanu handeteke haluekema꞉ hala꞉me.

1 Kotindi 7:28

Koto alopate pa wanda꞉ mika꞉na꞉ta꞉ hoke hau na piteleme. Kutupa wandiki make halina꞉ da pea꞉ka꞉na꞉ta꞉ hoke hau na pita꞉la꞉me. Koto hau pea꞉peke ya꞉la꞉ ekita꞉ mo wanda꞉halina꞉ tooli tooli haasa꞉ ekina꞉ epolo pa꞉la꞉ ka꞉nda꞉ manuta꞉ iki pa꞉ta꞉ make a꞉paapa꞉na꞉yeke loa꞉me.

1 Kotindi 8:8

Koto tupa꞉ hone witelemepate pa mo ne naloma꞉ ekima꞉ta꞉ niki hatuku Koda꞉ teke pa꞉ta꞉ pu hamono lapeke na ya꞉la꞉me. Kutupa mo ne na neke haoma꞉ka꞉na꞉ta꞉ kota꞉ koto ekima꞉ nika꞉ hau ma꞉nda꞉ yonka꞉lamono alu na pealieke. Kutupa ne nolo poloma꞉ ekima꞉ make mandane haumanu apa꞉tao na mulumeke.

Kolosi 2:16

Koto ekina꞉ta꞉ ika꞉ naleme ne ikalina꞉ make mo biki wiki nate tieke manuna꞉ make mo panake kaisepona꞉ ne pambeleme nate manuna꞉ make o Sa꞉bede nate manuna꞉ make ma꞉nda꞉ma꞉ tombo na wina꞉ lapa꞉peke.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

1 Timodi 2:4

Ipika꞉ hone pa꞉la꞉ ekita꞉ wanda꞉hali paeyaoma꞉ ipika꞉ da꞉ta꞉la꞉eki mea hata꞉ mo ota꞉ pina꞉ teke handa꞉ wina꞉e.

1 Timodi 4:4

Koda꞉ma꞉ wepieke alemanu paeyaota꞉ epeke ale manue. Ala꞉ta꞉ ma꞉nda꞉ wahapa꞉ pu kiaapeke na ya꞉la꞉pate paeyaota꞉ pa Koda꞉ pa꞉ta꞉ keiyae pi alo hata꞉ mea꞉peke ya꞉la꞉me.

1 Timodi 5:14

Mo a꞉nda꞉ piteleme wanda꞉halima꞉ niki pa꞉ta꞉ hoke pi loluekema꞉ waleke wiaama꞉na꞉ mo Ketiso hala꞉ moputali kosa꞉piki wanda꞉wekita꞉ pa hali ma꞉nda꞉na꞉ da pua wekiwandiki mendia ika꞉ da handeteke haena꞉e hone witolome.

Hibulu 13:4

Wanda꞉ hapua mina꞉la꞉ hauta꞉ ota꞉ a꞉pa꞉la꞉ hauma꞉ pa꞉la꞉ma꞉ hone wopu wia handeteke hapa꞉peke. Tooli haepeka꞉na꞉ta꞉ kota꞉ ipilika꞉ loke homeke hone ualu pea hapa꞉peke. Mo suseke haasa꞉ hau pu make tooli hoeyaaso pake nala꞉ hau pu haleme wanda꞉halita꞉ Koda꞉ma꞉ pi yokaalu pilieke.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.