1 Timodi 3:3 - Panake Pi La: Ula: Buka pita: Kine Pieke Buka

³ Hoke ikali naa lu keaasa꞉ hali o tekipuleke laasa꞉ hali dia꞉ya꞉la꞉pate ipikita꞉ yopu hata꞉ a꞉nda꞉ a̱i̱ puluekema꞉ na taapa꞉la꞉ halie. Kutupa ipikita꞉ mani pa꞉ta꞉ we na pambeke hala꞉ halie.

1 Timodi 3:3 ပူးပေါင်းရင်းမြစ်များ

Ma꞉tiu 21:13

Ipikana꞉ma꞉ iki pa꞉ta꞉ alota꞉ Mo Baibolo bukana꞉ do pita꞉ wape pea ula꞉me laata꞉ Yaka data꞉ wanda꞉halima꞉ yeni pea꞉tiki pulu pa꞉la꞉ dae lolo pelemepate ikana꞉ma꞉ta꞉ do data꞉ mo pake no hala꞉ haliwekina꞉ a꞉mbalo peleme da haena꞉ alememe leekeme.

Aposolo 20:33

I̱ma꞉ta꞉ hali ma꞉nda꞉na꞉ silipa kolo dau leke na polopaota꞉

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

1 Timodi 3:8

Kutupa dikoni haliweki make kekeke yaapo na haasa꞉ hali make epeke hau pu haleme haliweki hapeke ya꞉la꞉me. Kutaa make ikita꞉ mo hande waini ikali wotu na no haleme haliweki make yenki haka꞉ta꞉pao muluekema꞉ hone wopu peleme haliweki hapeke na ya꞉la꞉me.

2 Timodi 3:2

Koto paelia꞉ dina꞉ta꞉ wanda꞉halima꞉ do haumanu pu halimikie. Ikita꞉ I̱ I̱ alo hata꞉ make pasa꞉tei hau wopu pita꞉la꞉eki make hakoko liki pimanu lo make handaena꞉ honemanu u make yala꞉ peaaso hata꞉ make kikama꞉ handeke some ala꞉ hoke pimanu make lo halimikie. Kutaa make ateke inkikina꞉ kakena꞉ na homo make keiyae loluekema꞉ hone na u make yeni hau pita꞉la꞉ haumanu hone na wiki wanda꞉hali make halimikie.

Taitasi 1:11

Kutupiki yala꞉ mea꞉peke haumanu piteleme hauta꞉ pa yanaaso hata꞉ wanda꞉halina꞉ manimanu muluekema꞉ pitelememe. Mo wala꞉peke na yeke pimanu walemeke ekima꞉ta꞉ mandane haliwekina꞉ hone make ika꞉ wekiwanda꞉na꞉ hone make u hoeyaena꞉ lo halememe. Kutu paama꞉na꞉ ika꞉ lo haleme pimanu sa꞉sa꞉ pea꞉peke.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

Taitasi 2:3

Mo keileke wanda꞉weki pa꞉ta꞉ make koto tupa꞉ kone alota꞉ Iki make yako piki wanda꞉weki hapeke ya꞉la꞉ tupa꞉ hapa꞉peke la alota꞉ mo hande keileke wanda꞉weki pa꞉ta꞉ ikana꞉ma꞉ laasa꞉ hau na pu make mo waini ikalima꞉ ika꞉ hone hoeyaama꞉na꞉ wopu na neke hata꞉ make ikana꞉ma꞉ mo panake wanda꞉weki pa꞉ta꞉ epeke hau pita꞉la꞉ ekimanu wala꞉ tiaapa꞉peke la wala꞉peke.

Taitasi 3:2

Ikana꞉ma꞉ ma꞉nda꞉ pa꞉ta꞉ hoke pimanu na leketa꞉ a꞉nda꞉ pelia ta꞉ma꞉ni pea hata꞉ hoto paeyaota꞉ paeyao pa꞉ta꞉ yopu a꞉ta꞉ma꞉ homolo hata꞉ hapa꞉peke lapeke.

Hibulu 13:5

Mani pa꞉ta꞉ pukima꞉ homa꞉la꞉ hauma꞉ ika꞉ puki na handeteke haena꞉ lapa꞉peke. Koto hau na pikita꞉ pa mo ika꞉ wia halemeeki manuta꞉ ana꞉ pa꞉la꞉me hone wia꞉pa꞉peke. Kutu pulu poloma꞉ ekina꞉ Koda꞉ma꞉ alota꞉ I̱ma꞉ iki hoki na walo make ota꞉ na mina꞉pa꞉lalueke la꞉la꞉me.

Dia꞉mesi 4:1

Iki pa꞉ta꞉ a꞉nda꞉ pita꞉la꞉eki ipula꞉eki make ape ala꞉eki ipula꞉eki make koto haumanu ipula꞉eki teketa꞉ hando pa꞉ta꞉ ka꞉ta꞉pe. Ika꞉ honema꞉ tiaasa꞉ ekimanu ika꞉ loke tukiki nane kone a꞉nda꞉ leke ale lia꞉tiki pitolo hata꞉ peaasa꞉me.

1 Pida 5:2

Ikana꞉ma꞉ handeteke hamena꞉ Koda꞉ma꞉ ka꞉la꞉ sipisipi ma꞉na꞉ta꞉ ta꞉na꞉ma꞉ homolo hata꞉ handeteke hapa꞉peke. Kima꞉ na homeke Koda꞉ma꞉ hone pa꞉la꞉ tupa꞉ handeteke hapa꞉peke. Do e poka꞉la꞉ ekita꞉ yenki homekena꞉ hone na wiki ika꞉ honema꞉ kone hone pitolo haena꞉ poka꞉pa꞉peke.

2 Pida 2:3

Do yayapiki pi wala꞉la꞉ haliwekima꞉ta꞉ pasa꞉tei pitolo hata꞉ ika꞉ alemanu muluekema꞉ makeaaso la꞉la꞉ tamenimanu la kilieke. Ameta꞉ amba꞉ kiake kone iki pi yokaalu pulu pa꞉la꞉ halita꞉ tikitiki yao hata꞉ iki hoeyaalo pa꞉la꞉ halita꞉ u̱ na pa꞉ela꞉me.

Diudi 1:11

A꞉pa꞉e. Iki pa꞉ta꞉ epolo pa꞉la꞉eki I̱ paala꞉e. Ikana꞉ma꞉ta꞉ mo hande Keinima꞉ mieke pota꞉ ta꞉elememe. Kutupa manina꞉ hauna꞉ mo hande Beilamema꞉ ata꞉ka꞉ peaeyeke tupa꞉ ikana꞉ma꞉ make ika꞉ kone koto pelememe. Ikana꞉ma꞉ta꞉ hande Kotaama꞉ pi na opiki ipika꞉ hone pa꞉la꞉ hau pea homeeke tupa꞉ iki make homeke hau kone pea homelememe.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.