1 Pida 5:9 - Panake Pi La: Ula: Buka pita: Kine Pieke Buka

⁹ Mo kenke paeyaona꞉ ika꞉ Ketiso tapake wanda꞉halima꞉ mandake tupa꞉ tanda minelemeeki make hone wia hata꞉ta꞉ Koda꞉ pa꞉ta꞉ hone wotu tulao hata꞉ Sadani pendulu baapa꞉peke.

1 Pida 5:9 ပူးပေါင်းရင်းမြစ်များ

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

1 Kotindi 10:13

Mo iki pa꞉ta꞉ la handa꞉la꞉eki manuta꞉ mo wanda꞉hali paeyao pa꞉ta꞉ pa ipu hala꞉eki kone ipula꞉pate pa Koda꞉ma꞉ ipika꞉ pi la꞉ wita꞉la꞉ ekita꞉ ota꞉ yao hala꞉me. Kutupa ipikana꞉ma꞉ta꞉ mo iki mea ota꞉ lombeipiki lopaapeke ya꞉la꞉ la handa꞉la꞉eki ma꞉nda꞉ na epena꞉ lelieke. La handa꞉la꞉ ekimanu ipulu haena꞉ kone Koda꞉ma꞉ ika꞉ pota꞉ pilao iki tamba꞉ milieke. Mo tamba꞉ mina꞉la꞉ ekina꞉ iki honkopu hao ana꞉na꞉ hamina꞉ lelieke.

Epesese 4:27

Sadanina꞉ pota꞉ ma꞉nda꞉ na pilaapa꞉peke.

Epesese 6:16

Hanka꞉ta꞉ hoto paeyao mina pominolo hata꞉ hone tulaasa꞉eki mina pomua꞉pa꞉peke. Kotoeki mina꞉ hata꞉ta꞉ mo hoke Sadanima꞉ ipika꞉ ti tala꞉ a꞉ndelimanu pila꞉la꞉ ekita꞉ ana꞉na꞉ a꞉mbaalimikie.

Kolosi 2:5

I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

1 Timodi 6:12

Wanda꞉halima꞉ hoto neli kita꞉la꞉ nate nina꞉ mo hande tombo muluekema꞉ honkopu hao a̱i̱ya pu halememe. Koto tupa꞉ nakana꞉ma꞉ make Koda꞉ pa꞉ta꞉ hone tulaaso hata꞉ naka꞉ deto hala꞉ ekita꞉ mo tombo wataasa꞉ tupa꞉ muluekema꞉ ota꞉ honkopu hao a̱i̱ya pu hapeke. Koto deto hala꞉ ekita꞉ nakana꞉ma꞉ wanda꞉hali wopuna꞉ leke popelekena꞉ Koda꞉ pa꞉ta꞉ hone tulaasome alo hata꞉ peneme yaeketa꞉ kota꞉ Koda꞉ma꞉ muelena꞉yeke neke wi lea꞉me.

2 Timodi 3:12

Aowe. Koto tupa꞉ kone mandane wanda꞉hali epima꞉ Ketiso Yesu pa꞉ta꞉ ta꞉ma꞉ni pea hata꞉ Koda꞉na꞉ pi tolu haemeka꞉na꞉ta꞉ kota꞉ iki pa꞉ta꞉ta꞉ mandane haliwekima꞉ mo hoeya꞉ hapu lu yombua꞉la꞉ haumanu pilimikie.

2 Timodi 4:7

I̱ta꞉ mo hotoneli kita꞉la꞉ ekina꞉ta꞉ ya wele paeyaoma꞉ epeke tupa꞉ a̱i̱ya pua mo tombo epeke tupa꞉ watao halome. Kutupa make mo ya Koda꞉ pa꞉ta꞉ hone tulaalo ekita꞉ na mina꞉pa꞉lalome.

Hibulu 11:33

Ikana꞉ma꞉ hone tulaaso hata꞉ a꞉nda꞉ pea mandane kenkemanu bepolayekeme. Ikana꞉ma꞉ tiki tiki hau pitolo hata꞉ Koda꞉ma꞉ kulueke laa la꞉ wieke ekimanu miekeme. Kutupa mo laeono manuna꞉ kake a꞉mbaemekeme.

Hibulu 12:8

Ikita꞉ ika꞉ Apa꞉ Koda꞉ma꞉ mana꞉ laa tikitiki yao hamena꞉ la꞉la꞉ wekiwandiki na haemeka꞉na꞉ta꞉ kota꞉ ikita꞉ ota꞉ halina꞉ wekiwandiki dia꞉me. Ikita꞉ pake wekiwandiki haleme ekita꞉ peneme ya꞉la꞉me.

Dia꞉mesi 4:7

Koto ekina꞉ Koda꞉ pa꞉ta꞉ homu pea hata꞉ Sadani pa꞉ta꞉ a꞉nda꞉ lia hapa꞉peke. Kutu pimika꞉na꞉ta꞉ Sadanita꞉ iki mina꞉pa꞉lao pindipa pelieke.

1 Pida 1:6

Ameta꞉ tekipuleke laaseme haumanu make handolo hata꞉ hosikima꞉ ka꞉nda꞉ homo halemepate mo hande Koda꞉ma꞉ wiawala꞉ ale manuna꞉ ta꞉na꞉ma꞉ homo hapa꞉peke.

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.

1 Pida 3:14

Kutu pa꞉la꞉pate epeke hau pitolo hata꞉ kone ka꞉nda꞉ mimika꞉na꞉ta꞉ kota꞉ ta꞉na꞉ma꞉ wotu homa꞉pa꞉peke ya꞉la꞉me. Wanda꞉hali pa꞉ta꞉ paala꞉ma꞉ na homeke hone baapa꞉peke.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 6:11

Mo haliweki homeke homeketa꞉ hake piki dau hale hale pea alota꞉ Mo iki litolo pia꞉ tupa꞉ ika꞉ e pokeleme yankeke titi paeyao ana꞉na꞉ lu paeyaena꞉ hosiki siki hoto pita꞉pee lea꞉me.

Peneme Yaeyekeeki 7:14

I̱ma꞉ alota꞉ Someo. I̱ hone na ulupate nakana꞉ma꞉ta꞉ hone wilime loa꞉me. Ipikana꞉ma꞉ I̱ pa꞉ta꞉ alota꞉ Ikita꞉ mo hande ota꞉ hoke tanda pa꞉ta꞉ yama꞉ kone epeke tupa꞉ epeleme wanda꞉halie lea꞉me. Ikana꞉ma꞉ta꞉ ika꞉ aka꞉ manuta꞉ mo Sipisipi Ma꞉na꞉ Ikikina꞉ wema꞉ tanda꞉pa hake peao pelememe.