1 Pida 5:8 - Panake Pi La: Ula: Buka pita: Kine Pieke Buka

⁸ Leke leke lo hata꞉ a꞉nda꞉ ipula꞉eki handoemena꞉ pota꞉ pua tunkulu hapa꞉peke. Ika꞉ a꞉nda꞉ tunkiliki hali Sadanima꞉ mo sayale hali ma꞉na꞉ tiekema꞉ handa wanda꞉hali lia noluekema꞉ wei mea pomu hala꞉me.

1 Pida 5:8 ပူးပေါင်းရင်းမြစ်များ

Epesese 6:11

Sadanima꞉ iki makeaasa꞉ ekimanu ikana꞉ma꞉ da̱o̱la hata꞉ bepolaluekema꞉ta꞉ ika꞉ loke a꞉mbaamena꞉ mo Koda꞉ma꞉ kita꞉la꞉ alemanu paeyao mea pambaapa꞉peke.

Dia꞉mesi 4:7

Koto ekina꞉ Koda꞉ pa꞉ta꞉ homu pea hata꞉ Sadani pa꞉ta꞉ a꞉nda꞉ lia hapa꞉peke. Kutu pimika꞉na꞉ta꞉ Sadanita꞉ iki mina꞉pa꞉lao pindipa pelieke.

Epesese 4:27

Sadanina꞉ pota꞉ ma꞉nda꞉ na pilaapa꞉peke.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Luku 22:31

Saimono Saimonoo. Opie. Sadanima꞉ iki la handena꞉ yeke waleke hala꞉la꞉me. Kutupa mo hande e poko hala꞉ halima꞉ widi napeke yata꞉pa ambuku wina꞉ ala꞉ tupa꞉ ika꞉ pilimi hau manuma꞉ kone hokeeki o epekeeki make teli pealieke.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Peneme Yaeyekeeki 12:12

Koto ekina꞉ta꞉ oli hepeni make koto pa꞉ta꞉ haleme wanda꞉halio paeyao ta꞉na꞉ma꞉ homa꞉pee. Pate oni dawala pita꞉ kenke yaapota꞉ paala꞉e. Pa ekipeke hande Sadanita꞉ iki pa꞉ta꞉ a꞉pa꞉la꞉me. Kutupa ipikita꞉ hosiki nate lekesiki homeke ula꞉me hone witolo hata꞉ ota꞉ hoke mineke panka꞉la꞉me.

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

Ma꞉tiu 13:39

Kutupa mo hande hoke wae tande leeke a꞉nda꞉ tunkuliki some tupa꞉ta꞉ Sadanie. Mo napeke momba꞉lapeke nate tupa꞉ta꞉ do kenke paelo pa꞉la꞉ekie. Kutupa napeke mombeleeke haliweki tupa꞉ta꞉ mo hande enisolo haliwekie.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Ma꞉tiu 24:42

Koto ekina꞉ta꞉ ikana꞉ma꞉ta꞉ u na polu pitiki yu wia hapa꞉peke. Pa ekipeke mo ika꞉ Tekehalina꞉ epolo pa꞉la꞉ dita꞉ iki matelememe.

Peneme Yaeyekeeki 20:10

Kutupa mo wanda꞉hali makeaeya꞉ Sadanita꞉ oni ti uleke kiake make titipupiki lanka꞉ ma꞉nda꞉ biki solopa pa꞉ta꞉ yola꞉ mea lopaeya꞉me. Kotota꞉ amba꞉ hande sayale tieke hombeleke make mo makeaaso potopede hali make lopala꞉ pa꞉ta꞉e. Kutupa ikita꞉ timba꞉ ala꞉eki make natepa yolao hoto paeyao puki tandama꞉ homo halimikie.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Taitasi 1:8

Ipika꞉ da pa꞉ta꞉ta꞉ kimisu wanda꞉hali pambolo opolo pina꞉ ala꞉ hali make epeke hau pita꞉la꞉ ekita꞉ ta꞉na꞉ma꞉ homa hone wotu wita꞉la꞉ hali make ipika꞉ hone pa꞉ta꞉ kone ana꞉e ala꞉ hali make tikitikina꞉ hala꞉ hali make yakopiki hali make ipika꞉ loke handeteke hala꞉ hali make hapeke yelieke.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.

Taitasi 2:6

Kota꞉ tupa꞉ kone mo panake haliweki ika꞉ honemanu wopu handeteke haena꞉ma꞉ nakana꞉ma꞉ ika꞉ hone u tiaapeke.

Taitasi 2:2

Keileke haliweki pa꞉ta꞉ Mo hoke ikali naa keaapeke na ya꞉la꞉me laata꞉ ikana꞉ma꞉ epeke hau pa꞉ta꞉ tikitiki piki hone witolo make mo ika꞉ hone wopu handeteke hata꞉ ika꞉ hone tulalemeeki make pukima꞉ homelemeeki make kutupa mo ika꞉ puki taka꞉laasa꞉ hau pitolo pitolo haleme hau make kota꞉ hau paeyaona꞉ ala꞉ta꞉ na ta̱lena꞉ leke epeke tupa꞉ hapa꞉peke laa wala꞉peke.

1 Timodi 2:15

Kutu piekepate wanda꞉wekima꞉ weki taapolo hata꞉ a꞉nda꞉ kimelema꞉ hone tulao pukima꞉ homaa tikitiki piki hone taapuna꞉ hata꞉ pu haemeka꞉na꞉ta꞉ kota꞉ mo ika꞉ weki mendilimi ekima꞉ta꞉ iki pa꞉ta꞉ eki a꞉nda꞉ epolo pa꞉la꞉eki sa꞉sa꞉ pilieke.

Peneme Yaeyekeeki 20:2

Ipikana꞉ma꞉ta꞉ mo hande popake itiki hake sita꞉ hande ambisanake hao haya꞉ keto kotota꞉ hande Depolo o Sadani la꞉la꞉ aleta꞉ mina 1 daoseni bapi manuna꞉ senima꞉ tonkaeya꞉me.

Taitasi 2:4

Kutu pimika꞉na꞉ta꞉ ikana꞉ma꞉ mo panake wanda꞉weki pa꞉ta꞉ ika꞉ haliki wekiwandiki pa꞉ta꞉ pukima꞉ homolo hata꞉ make

1 Timodi 3:11

Koto haliwekina꞉ wanda꞉wekima꞉ make ika꞉ta꞉ epeke hone manuma꞉ tekele tekele pea hata꞉ pi la la na piki wanda꞉weki halimikie. Epeke hone wia hoto paeyao ika꞉ hau pita꞉ pi yaapoma꞉ ota꞉ hau homeke pu hapeke yeke wanda꞉weki halimikie.

1 Timodi 2:9

Wanda꞉weki pa꞉ta꞉ make dupiki pi alome. Ika꞉ dau manuta꞉ epekeeki ika꞉ ana꞉ piki tupa꞉ kone yama꞉pa꞉peke ya꞉la꞉me. Ikana꞉ma꞉ kimelema꞉ hata꞉ ika꞉ itiki loke yaapona꞉ koloma꞉ wepia ula꞉ ale manuma꞉ make o beleke manuma꞉ make o yenki tieke yeke aka꞉manu au na lapa꞉peke.

Ma꞉tiu 4:1

Koto pieke hoki naneta꞉ Sadanima꞉ Yesu la handena꞉ Koda꞉na꞉ Sipitidima꞉ Yesu mo hapu hayeke ale ma꞉nda꞉ pa꞉ta꞉ hatuku peekeme.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Ma꞉tiu 4:11

Koto pi leeketa꞉ mo Sadanima꞉ Yesu mina꞉pa꞉lao pulu haena꞉ta꞉ enisolo tonuma꞉ ipiki tamba꞉ muluekema꞉ epemekeme.

Maka 4:15

Mo hande pota꞉na꞉ haleme wanda꞉hali pa꞉ta꞉ pi alemanu lopa꞉ lopa꞉ pu hala꞉me. Kutupa opitolo haena꞉ kone mo tandeleeke pi ale manuta꞉ Sadanima꞉ koto kone a꞉pa yoka꞉ mea pu hala꞉me.

2 Kotindi 2:11

Kutu pu halo ekina꞉ teketa꞉ mo Sadanima꞉ niki bepolaama꞉na꞉ loa꞉me. Pa ekipeke nikana꞉ma꞉ta꞉ ipika꞉ hoke hone pambao ula꞉eki manuta꞉ amba꞉ hone uluma꞉me.

Peneme Yaeyekeeki 12:10

Kutupa oli hepeni nane pi ho̱la̱꞉make tiekema꞉ alota꞉ Ameta꞉ niki da꞉ta꞉monoyeke Koda꞉na꞉ pa꞉ta꞉la꞉la꞉eki ta a꞉pa꞉la꞉ handa꞉e. Ameta꞉ Koda꞉ ipiki kini hata꞉ ipika꞉ weleta꞉ peneme yaasa꞉ handa꞉e. Ameta꞉ ipika꞉ ma̱leke lila꞉ Ketisoma꞉ ipika꞉ handeteke hala꞉eki peneme yao wala꞉la꞉ handa꞉e. Pa ekipeke nika꞉ Koda꞉na꞉ puki tikitikina꞉ hata꞉ peliolo da kelepolo nika꞉ kamemanu ma̱leke lia hokeeki pa꞉la꞉me lo haya꞉ halita꞉ oli hepeni mina꞉pa꞉lao tolu lopaala꞉me.