1 Pida 5:5 - Panake Pi La: Ula: Buka pita: Kine Pieke Buka

⁵ Koto mandake tupa꞉ kone iki panake panake haliwekima꞉ make mo keileke haliweki pa꞉ta꞉ homu pea hao hapa꞉peke. Kutu pa꞉ta꞉ iki paeyaoma꞉ homu pea ha alualu pita꞉la꞉ hau manuta꞉ ika꞉ aka꞉ leke yama hao hapa꞉peke. Kota꞉ Baiboloma꞉ alota꞉ Koda꞉ma꞉ mo hakoko lita꞉la꞉ wanda꞉halita꞉ kiao hala꞉pate mo homu pea hala꞉ wanda꞉hali pa꞉ta꞉ ipika꞉ a꞉ta꞉ma꞉ homa tamba꞉ mina꞉la꞉eki halo hala꞉me.

1 Pida 5:5 ပူးပေါင်းရင်းမြစ်များ

Luku 22:26

Koto pa꞉la꞉pate iki ame̱le̱ta꞉ koto tupa꞉ dia꞉me. Koto ekina꞉ iki tukiki pa꞉ta꞉ta꞉ tumiki hali ma꞉nda꞉ haya꞉ka꞉na꞉ta꞉ kota꞉ koto someta꞉ pao wetepena꞉ weki au lena꞉ lapa꞉peke. Kutupa mo you halita꞉ pao e pokaasa꞉ hali au lena꞉ lapa꞉peke.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Epesese 5:21

Ikana꞉ma꞉ Ketiso pa꞉ta꞉ paala꞉ma꞉ homa haleme ekina꞉ ika꞉ kone homu pu alu alu pea hapa꞉peke.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

1 Timodi 5:1

Mo koke haliweki na tolu lu pelepateta꞉ naka꞉ apa꞉ pa꞉ta꞉ ale tupa꞉ homu piki pimanu lapeke. Panake haliweki make naka꞉ kame tupa꞉ kone epeaapeke.

Hibulu 13:17

Mo ika꞉ siosi you haliweki pa꞉ta꞉ homu pea hata꞉ ika꞉ kakena꞉ homo hapa꞉peke. Ikana꞉ma꞉ ika꞉ siosi wanda꞉hali tukiki pa꞉ta꞉ e poka꞉la꞉eki paeyao Koda꞉ma꞉ handena꞉ ipiki pa꞉ta꞉ peneme yao waluekema꞉ta꞉ timba꞉ nate yaapona꞉ u na peliki hata꞉ mo siosi wanda꞉hali ika꞉ temokomanu wopu handeteke hao halememe. Ika꞉ kakena꞉ homa telia pu haemeka꞉na꞉ta꞉ kota꞉ ta꞉na꞉ lulu hata꞉ ika꞉ e epeke tupa꞉ pokolo pelemepate pa ikana꞉ma꞉ ika꞉ kakena꞉ na homemeka꞉na꞉ta꞉ kota꞉ ika꞉ e poka꞉la꞉eki ka꞉nda꞉ pealieke. Ikana꞉ma꞉ ka꞉nda꞉ma꞉ homemeka꞉na꞉ta꞉ kota꞉ koto ka꞉nda꞉ peaasa꞉ ekima꞉ mo siosi wanda꞉hali iki na tamba꞉ milieke.

Dia꞉mesi 4:6

Kutu piliepate Koda꞉ma꞉ ipika꞉ a꞉ta꞉ma꞉ homolo hata꞉ pa kita꞉la꞉ ekita꞉ wopue. Kutu pita꞉la꞉ ekima꞉ mo Baibolo bukana꞉ wape pa꞉la꞉eki doe. Hakoko liteleme haliweki pa꞉ta꞉ta꞉ Koda꞉ma꞉ a꞉nda꞉ lia hala꞉pate homupiki haliweki pa꞉ta꞉ ipika꞉ a꞉ta꞉ma꞉ homa꞉la꞉eki pa halo hala꞉me wape pa꞉la꞉me.

1 Pida 3:8

Ya paeyaaso pita꞉ dupa alome. Iki paeyaoma꞉ hau paeyao pa꞉ta꞉ homeke hone wia a꞉ta꞉ma꞉ homa꞉ alualu pu hapa꞉peke. Iki homeke homeke paeyaoma꞉ nikita꞉ yankeke homeke hone witolo hata꞉ta꞉ pukima꞉ homa꞉ alualu pea make epeke hau pu alualu pea make homu pu alualu pea hapa꞉peke.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.

1 Pida 4:5

Kutu pu halemepate ikana꞉ma꞉ mo kenkena꞉ haleme wanda꞉hali make amba꞉ homeleme wanda꞉hali make pi yoka꞉ alu puluekema꞉ tikitiki yao hala꞉ Koda꞉ pa꞉ta꞉ ika꞉ pu tiki epeme (hoke) haumanu ota꞉ la halimikie.