1 Pida 4:9 - Panake Pi La: Ula: Buka pita: Kine Pieke Buka

⁹ Tulu tulu na leke ika꞉ da pa꞉ta꞉manu ane pitulu endi mone pitulu endi pu hapa꞉peke.

1 Pida 4:9 ပူးပေါင်းရင်းမြစ်များ

Kini Pieke 24:19

Mo halima꞉ ikali no paeyaeyeketa꞉ mo wandikima꞉ paa alota꞉ Mo naka꞉ kemelomanu make ika꞉ hone pa꞉la꞉ tupa꞉ nena꞉ ikali mea a꞉ponope leekeme.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Loma꞉ 16:23

Hande siosi wanda꞉hali mombolo haleme do da pa꞉ta꞉ I̱ handeteke hala꞉ da teke hali Kaiasima꞉ make iki pa꞉ta꞉ a꞉taloe pi la꞉niaasa꞉me. Do daonina꞉ kapomanina꞉ mani handeteke hala꞉ hali Eta꞉situsima꞉ make nika꞉ Ketiso kame Kuodasima꞉ make ipilikana꞉ma꞉ iki pa꞉ta꞉ a꞉taloe pi la꞉niaasepeme.

2 Kotindi 9:7

Koto ekina꞉ iki homeke homekema꞉ dupiki halueke laa leme tupa꞉ hala꞉peke ya꞉la꞉me. Haluekema꞉ hosiki ka꞉nda꞉ma꞉ homolo hata꞉ o do e poka꞉la꞉eki mina꞉pa꞉lapeke na ya꞉la꞉me laa alo hata꞉ dia꞉me Pa ekipeke Koda꞉ma꞉ta꞉ mo ta꞉na꞉ma꞉ homolo hata꞉ hala꞉la꞉ some pa꞉ta꞉ta꞉ pukima꞉ homa꞉la꞉me.

Pilipai 2:14

Do kenkena꞉ hoihoi piki hoke hau pu haleme wanda꞉hali tukiki pa꞉ta꞉ hata꞉ ikita꞉ hoke haumanu na talo yako pea Koda꞉na꞉ tikitiki piki wekiwandiki haluekema꞉ta꞉ ika꞉ hau paeyaona꞉ la la pu ape ape na leke hao hapa꞉peke. Mo hande hoihoi piki wanda꞉hali pa꞉ta꞉ mo hande deto hala꞉ pi la halolo hata꞉ta꞉ ikita꞉ oli hande hombulanka꞉ to hala꞉ tupa꞉ hapa꞉peke alee.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

Taitasi 1:8

Ipika꞉ da pa꞉ta꞉ta꞉ kimisu wanda꞉hali pambolo opolo pina꞉ ala꞉ hali make epeke hau pita꞉la꞉ ekita꞉ ta꞉na꞉ma꞉ homa hone wotu wita꞉la꞉ hali make ipika꞉ hone pa꞉ta꞉ kone ana꞉e ala꞉ hali make tikitikina꞉ hala꞉ hali make yakopiki hali make ipika꞉ loke handeteke hala꞉ hali make hapeke yelieke.

Pailimono 1:14

Kotota꞉ ya hone pa꞉la꞉eki ya꞉la꞉pate nakana꞉ma꞉ I̱ tamba꞉ muelena꞉ yeke ti wopu na lolueke. Pa nakana꞉ma꞉ naka꞉ hone pa꞉la꞉ tupa꞉ puelena꞉ yeke waleke kitolo yu wia halome. Pa naka꞉ hone pa꞉la꞉eki na handeke hata꞉ I̱ma꞉ hau ma꞉nda꞉ na pulueke.

Hibulu 13:16

Epeke hau pualu pu make tamba꞉ mualu pu pita꞉la꞉ hau yaapota꞉ hone na yonka꞉lapa꞉peke. Pa ekipeke. Do hau yaapoma꞉ta꞉ Koda꞉ ta꞉na꞉ma꞉ homaena꞉ pa hameke hala꞉la꞉ haue.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

Dia꞉mesi 5:9

Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.