1 Pida 3:9 - Panake Pi La: Ula: Buka pita: Kine Pieke Buka

⁹ Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

1 Pida 3:9 ပူးပေါင်းရင်းမြစ်များ

Kini Pieke 42:25

Diosepema꞉ta꞉ mo e pokaemeke haliweki pa꞉ta꞉ta꞉ mo ipika꞉ hameke tonuna꞉ nu manuta꞉ mo widi napeke manuma꞉ tumbao mo homeke homekena꞉ widi hambemeke manita꞉ mo nu kakena꞉ paa mendiama꞉ mendiama꞉ peaata꞉ mo ika꞉ pota꞉na꞉ nolo pimiki ne make hala꞉pa꞉peke leeke handa ota꞉ kutu pimikime.

Ma꞉tiu 19:29

Kutaa make mo mandaali epi a꞉nda꞉ma꞉ I̱ teliolo hata꞉ ika꞉ da o ika꞉ hameketiti o ana꞉titi o apa꞉ ama꞉ o weki wandiki sunu o kenkemanu make mina꞉pa꞉laemeka꞉na꞉ta꞉ kota꞉ do kenkena꞉ hata꞉ kone mo ika꞉ mina꞉pa꞉laleme ale manuta꞉ paa 100 tupa꞉ lombei peao meata꞉ deto hala꞉eki make milimikie.

Ma꞉tiu 25:34

Kutu pu paeya꞉ka꞉na꞉ta꞉ mo Kini Halima꞉ ipika꞉ popeke nanema꞉ halimi wanda꞉hali pa꞉ta꞉ alota꞉ Ikita꞉ Koda꞉na꞉ wamo pa꞉la꞉eki mimiki wanda꞉hali yeleme ekina꞉ ika꞉ Apa꞉ Koda꞉ma꞉ do kenke kini pea wepieke toma꞉na꞉ kone tikitiki yao wina꞉ la꞉la꞉ kilu tumbuao hala꞉ kenke a꞉pa mipee lelieke.

Ma꞉tiu 5:39

Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

Maka 10:17

Yesuma꞉ pota꞉na꞉ poluekema꞉ haena꞉ hali homekema꞉ a̱i̱ya puaata꞉ Yesuna꞉ puki pa꞉ta꞉ tumiki yotuao pita꞉ lota꞉ piekeme dupa. Epeke Wala꞉la꞉ Halio. Deto hala꞉eki muluekema꞉ eki ponope leekeme.

Luku 10:25

Mo Lo Pi walo hayeke hali homekema꞉ Yesu tamuluekema꞉ la handolo alota꞉ Disao. Deto hala꞉eki muluekema꞉ eki pionope laa lota꞉ piekeme.

Luku 18:18

Mo Diu wanda꞉halina꞉ you hali homekema꞉ Yesu pa꞉ta꞉ lota꞉ pitolo hata꞉ alota꞉ Epeke Disao. I̱ma꞉ deto hala꞉eki muluekema꞉ta꞉ eki hau peonope laa lota꞉ piekeme.

Loma꞉ 12:14

Iki pa꞉ta꞉ a꞉nda꞉ liteleme wanda꞉halita꞉ Koda꞉ma꞉ koto wanda꞉hali epeaena꞉ ikana꞉ma꞉ yeni pea꞉pa꞉peke. Koda꞉ma꞉ hoeyaena꞉ laa yeni na piki epeaena꞉ laa yeni pea꞉pa꞉peke.

Loma꞉ 12:17

Hali ma꞉nda꞉ma꞉ iki pa꞉ta꞉ hoke hau pia꞉ka꞉na꞉ta꞉ kota꞉ ikana꞉ma꞉ ipiki make hombo peaaso hata꞉ hoke hau na pea꞉pa꞉peke. Wanda꞉hali paeyaoma꞉ta꞉ Do hauta꞉ epeke ekie laa hone witelemeeki kone pea꞉pa꞉peke.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Loma꞉ 8:30

Koto pa꞉la꞉ ekina꞉ Koda꞉ma꞉ amba꞉ handa꞉ mea ta꞉ta꞉ haena꞉ la꞉la꞉ wanda꞉halita꞉ ipikana꞉ma꞉ wi la꞉la꞉ wanda꞉halie. Kutupa ipikana꞉ma꞉ta꞉ amba꞉ wi la꞉la꞉ wanda꞉halita꞉ ipiki yaapo tikitiki yao haena꞉ la꞉la꞉me. Kutupa ipikana꞉ma꞉ta꞉ ipiki yaapo tikitiki yao haena꞉ la꞉la꞉ wanda꞉halita꞉ ipika꞉ pa̱a̱ pa꞉la꞉eki koto wanda꞉hali pa꞉ta꞉ teli teli peaala꞉me.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

Hibulu 12:17

Isoma꞉ pieke ekita꞉ hone wilimime. Ipika꞉ apa꞉na꞉ epeaasa꞉ la꞉ wita꞉la꞉ ekita꞉ wetepena꞉ muluekema꞉ peekepate na miekeme. Mo epeaasa꞉ hau kina꞉e hone witolo ipika꞉ apa꞉ pa꞉ta꞉ pua e̱ alo alo hata꞉ honke leekepate atekena꞉ hone topo pina꞉ pia꞉peke hau ma꞉nda꞉ na handa꞉ wiekeme.

Hibulu 6:14

Ipikana꞉ma꞉ alota꞉ I̱ma꞉ neke epeaota꞉ naka꞉ hoki nane halo peleme tapaketa꞉ ota꞉ wopu haena꞉ lolueke pita꞉ I̱ma꞉ ota꞉ neke pa꞉ta꞉ la꞉ witolome leekeme.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.