1 Pida 3:4 - Panake Pi La: Ula: Buka pita: Kine Pieke Buka

⁴ Koto pa꞉la꞉pate ika꞉ loke tukiki pa꞉ta꞉ hala꞉ ota꞉ wanda꞉ do koto wanda꞉ta꞉ ota꞉ yole epeke haena꞉ lapa꞉peke. Koto yole pea haasa꞉ ekita꞉ hoto paeyao epeke tupa꞉ hao hapa꞉peke ya꞉la꞉me. Mo kimele piki hau make homu piki hau make koto hau yole yaapota꞉ Koda꞉ma꞉ handata꞉ ota꞉ epeke hau tieke hone u hala꞉me.

1 Pida 3:4 ပူးပေါင်းရင်းမြစ်များ

Ma꞉tiu 11:29

I̱ma꞉ iki pa꞉ta꞉ kitolo tita꞉ mea ika꞉ peiyokona꞉ tia hata꞉ta꞉ ya hau honda꞉ mea pia꞉pa꞉peke. Pa ekipeke. I̱ta꞉ kimelema꞉ hata꞉ ya pukima꞉ homu pea halome. Koto ekima꞉ta꞉ ikana꞉ma꞉ ika꞉ pukina꞉ lopaasa꞉ ekita꞉ ana꞉na꞉ milimikie.

Ma꞉tiu 21:5

Mo Saioni da teke tieke pa꞉ta꞉ haleme wanda꞉hali pa꞉ta꞉ta꞉ dupa lapeke. Ika꞉ kini tieketa꞉ iki pa꞉ta꞉ taa ipula꞉ handa꞉pe. Ipikita꞉ homu piki hali hata꞉ mo donki ma꞉na꞉na꞉ hoki manda pila꞉me. kutupa mo donki hali ma꞉na꞉ ikiki manda pila꞉me lapa꞉peke laa leekeme.

Ma꞉tiu 23:26

Iki leke holupiki Pa꞉tisi haliwekio. Titina꞉ mo ika꞉ kapo tukiki pa꞉ta꞉ tala꞉la꞉ hoke ale amba꞉la tanda꞉pa꞉peke. Kutu pimika꞉na꞉ta꞉ mo kapona꞉ manda make ana꞉na꞉ tanda꞉pa wilieke.

Ma꞉tiu 5:5

Homu pea hao haleme wanda꞉halima꞉ta꞉ ta꞉na꞉ma꞉ homo halememe. Koda꞉ma꞉ pi la꞉ ula꞉ ekita꞉ ikana꞉ma꞉ milimikie.

Luku 11:40

Ikita꞉ hone na wiki haliwekio. Koda꞉ma꞉ hama nane wa꞉pa꞉la꞉ tupa꞉ tukiki nane make na wa꞉pa꞉la꞉pe.

Luku 16:15

Koto ekina꞉ Yesuma꞉ iki pa꞉ta꞉ alo hata꞉ alota꞉ Ikita꞉ kenke wanda꞉halina꞉ leke popelekena꞉ ota꞉ epeke tupa꞉ haleme tapakema꞉ handolo pelemepate Koda꞉ma꞉ta꞉ ika꞉ puki hone paeyaota꞉ hone ula꞉me. Do kenke wanda꞉halima꞉ Ota꞉ hau tieke ale manue laa hone witeleme ale manuta꞉ Koda꞉na꞉ leke popelekena꞉ta꞉ pa pa alee hone ula꞉me leekeme.

Loma꞉ 1:23

hande na homeke pa hao hala꞉ Koda꞉ pa꞉ta꞉ panda꞉puniao yeni na piki pa mo wanda꞉halima꞉ wa꞉pa꞉la꞉ alemanu pa꞉ta꞉ kone panda꞉puniao yeni pu halememe. Koto ale manuta꞉ mo homa꞉la꞉eki pila꞉ halima꞉ make ba titima꞉ make kenkena꞉ pomineleme ale manuma꞉ make kutupiki ekima꞉ handeke ekimanu pa꞉ta꞉ panda꞉puniao yeni pu halememe.

Loma꞉ 2:29

Ota꞉ Diu hali hala꞉ ekita꞉ puki pa꞉ta꞉ mea mendia hala꞉eki ota꞉ekie. Kutu piki halina꞉ puki pa꞉ta꞉ Koda꞉ma꞉ make amba꞉ hao hala꞉me. Kutu piki hauta꞉ Koda꞉na꞉ Sipitidima꞉ peaala꞉me. Hande wape peaala꞉ Lo Pimanu na peaala꞉me. Kutu piki halita꞉ wanda꞉halima꞉ ipika꞉ pi na laasemepate Koda꞉ma꞉ kone ipika꞉ pi laasa꞉me.

Loma꞉ 6:6

Doeki make hone witoloma꞉me. Amba꞉ niki hao hoeyaoma꞉ ekita꞉ hande a꞉ka꞉tei wape piki tina꞉ Yesu ame̱le̱ mandakena꞉ lia homeekeme. Nikana꞉ma꞉ hoke hau puluekema꞉ hone wotu pa꞉la꞉ ekimanu Koda꞉ma꞉ hoeyaaluekema꞉ pa꞉la꞉me. Kutupa hoke hau pita꞉la꞉ ekima꞉ niki paa a꞉nda꞉ na lu tombuaena꞉yeke pa꞉la꞉me.

Loma꞉ 7:22

Koda꞉na꞉ Lo Pimanu pa꞉ta꞉ yaka pukima꞉ ta꞉na꞉ma꞉ homolopate

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 4:16

Koto ekina꞉ta꞉ niki pa꞉ta꞉ ka꞉nda꞉manu epena꞉ kone ki hone na uluma꞉me. Nika꞉ manda loketa꞉ koke yomo yomo pita꞉la꞉pate nika꞉ temokota꞉ hoto paeyao wamo pea꞉tiki pu hala꞉me.

Ka꞉leisia 5:23

kimelema꞉ hala꞉ hau make naka꞉ kone naka꞉ loke hone yaapo lu tombuao hala꞉ hau make ipikana꞉ma꞉ta꞉ koto hau paeyao peawaasa꞉me. Dupiki haumanu sa꞉sa꞉ puluekema꞉ Lo Pi ma꞉nda꞉ ota꞉ na ula꞉me.

Epesese 4:2

Homu pea yopu hata꞉ta꞉ hoto paeyao handeteke hatiki pea꞉pa꞉peke. Ika꞉ kone tamba꞉ mu alu alu pilimi ekima꞉ta꞉ ika꞉ pukima꞉ homelemeeki peneme yao wala꞉pa꞉peke.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Kolosi 3:3

Ikita꞉ homelememe. Kutupa ika꞉ da꞉ta꞉la꞉ ekita꞉ Ketiso yaapo Koda꞉ pa꞉ta꞉ a꞉mbao ula꞉me.

1 Desalonaika 4:11

Nikana꞉ma꞉ iki pa꞉ta꞉ amba꞉ loma꞉ tupa꞉ ikana꞉ma꞉ ika꞉ titina꞉ hone witeleme ekita꞉ iki epeke tupa꞉ sembepela haluekema꞉ hone wopu u hapa꞉peke. Kutupa koto tupa꞉ kone ma꞉nda꞉na꞉eki na handeketa꞉ pa ika꞉eki homeke ika꞉ kone puluekema꞉ pota꞉ weiya꞉pa꞉peke. Kutaa make ika꞉ pitu pelia꞉pa꞉pekeeki ika꞉ kikima꞉ ika꞉ kone puluekema꞉ hone wopu u hapa꞉peke.

2 Desalonaika 3:12

Tekehali Yesu Ketisona꞉ bikina꞉ koto wanda꞉hali pa꞉ta꞉ iki handeteke hapa꞉peke laa pi dupa witoloma꞉me. Ikana꞉ma꞉ pa na pomu lopo hake tikitiki yao hata꞉ ika꞉ halo peleme ekina꞉ e pokolo hata꞉ haena꞉e.

2 Timodi 2:25

Ipikana꞉ma꞉ mo pi tunkuleleme wanda꞉hali tikitiki yaasota꞉ kimelema꞉ hauma꞉ta꞉ yopu pu halieke. Koto hau a꞉nda꞉ pu haya꞉ka꞉na꞉ta꞉ kota꞉ ikita꞉ Koda꞉ma꞉ iki pa꞉ta꞉ waleke wiaya꞉ka꞉na꞉ta꞉ ika꞉ pukimanu topo pea mo ota꞉ pina꞉ hone ti laemeka꞉na꞉ta꞉

Taitasi 3:2

Ikana꞉ma꞉ ma꞉nda꞉ pa꞉ta꞉ hoke pimanu na leketa꞉ a꞉nda꞉ pelia ta꞉ma꞉ni pea hata꞉ hoto paeyaota꞉ paeyao pa꞉ta꞉ yopu a꞉ta꞉ma꞉ homolo hata꞉ hapa꞉peke lapeke.

Dia꞉mesi 1:21

Koto ekina꞉ keke loluekema꞉ hoke hone wita꞉la꞉ haumanu paeyao make daeyatia pulu hata꞉ hoke hau pita꞉la꞉ ekimanu paeyao make ota꞉ mina꞉pa꞉laota꞉ kutupa Koda꞉ pa꞉ta꞉ homu pea hata꞉ neke mea da꞉taapeke ya꞉la꞉ pi alemanu ipikana꞉ma꞉ ika꞉ puki pa꞉ta꞉ noka꞉paeya꞉ka꞉na꞉ta꞉ ota꞉ mea mendia꞉pa꞉peke.

1 Pida 1:23

Ikita꞉ homa꞉la꞉ apa꞉na꞉ wekiwandiki hamena꞉ dia꞉ya꞉la꞉pate da꞉ta hao hala꞉ apa꞉na꞉ wekiwandiki hamena꞉ Koda꞉na꞉ da꞉ta hao hala꞉ pima꞉ iki paa mendiaeyekeme.

1 Pida 3:15

Koto pa꞉la꞉pate Ketiso pa꞉ta꞉ homu pea hata꞉ hone wopu witolo hata꞉ ipikita꞉ ika꞉ Tekehali haena꞉ lapa꞉peke. Kutupa ma꞉nda꞉ma꞉ ika꞉ hone ti lao haleme ekita꞉ ekipape la lota꞉ pia꞉ka꞉na꞉ta꞉ ikana꞉ma꞉ hombo pealuekema꞉ta꞉ tikitiki yao hapa꞉peke.