1 Pida 2:6 - Panake Pi La: Ula: Buka pita: Kine Pieke Buka

⁶ Kota꞉ mo Baiboloma꞉ la꞉la꞉ ekita꞉ I̱ma꞉ ota꞉ epeke toopi homeke ma̱leke lia ameta꞉ Saioni nane da kini pia꞉peke toopi wina꞉ ulume. Kutupa koto toopi pa꞉ta꞉ hone tulao halie hali epita꞉ yaala꞉ma꞉ na homilieke.

1 Pida 2:6 ပူးပေါင်းရင်းမြစ်များ

Kini Pieke 49:24

Pate ipika꞉ a꞉ndelita꞉ la꞉ma꞉ na pa꞉la꞉me. Kutupa ipika꞉ kiki yaapo honkopu haowala꞉me. Koto hauta꞉ mo Dieikopena꞉ Wele wopupiki Koda꞉na꞉ honkopuma꞉ pia꞉me. Mo hande Sipisipi Handeteke Hala꞉ some Isulaina꞉ handeteke hao hala꞉ Koda꞉ loa꞉me.

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Maka 12:10

Kota꞉ mo Baibolo bukana꞉ wape pea ula꞉ pi do ekita꞉ na yata꞉pelemepe. Mo da a꞉eyo haemeke haliwekima꞉ baemeke toopita꞉ da keneme nane ota꞉ teke toopi ula꞉me.

Luku 20:17

Yesuma꞉ iki handake witolo hata꞉ lota꞉ pitolo alota꞉ Dia꞉me alemepate mo Baibolo bukana꞉ wape pea ula꞉ pima꞉ta꞉ Mo da a꞉eyo haemeke haliwekima꞉ Hoela꞉me laa kiaemeke toopi kone ameta꞉ keneme pa꞉ta꞉ dana꞉ teke toopi ula꞉me la꞉la꞉ ekina꞉ teketa꞉ alekepe la loa꞉me.

Luku 23:35

Mo wanda꞉halima꞉ handolo haena꞉ mo Diu wanda꞉halina꞉ you haliwekima꞉ Yesu kitaaso hata꞉ dupa lemekeme. Mandane wanda꞉halita꞉ pa꞉ta꞉la꞉tiki piekepate ipikita꞉ hande Koda꞉ma꞉ ma̱leke lila꞉ Ketiso haya꞉ka꞉na꞉ta꞉ kota꞉ ipika꞉ kone petelena꞉e lemekeme.

Dioni 7:38

Mo Baibolo bukama꞉ la꞉la꞉ ekita꞉ dupae. Hali epima꞉ I̱ pa꞉ta꞉ hone tulaeya꞉ka꞉na꞉ta꞉ ipika꞉ puki pa꞉ta꞉ da꞉ta꞉la꞉ ikali opa wotu yapilieke la꞉la꞉me leekeme.

Aposolo 1:16

Kutupa ipikana꞉ma꞉ alota꞉ Yaka ana꞉ kame titio. Hande Baibolo bukana꞉ wape pa꞉la꞉ pita꞉ ota꞉ yaapeke ya꞉la꞉me. Hande Holi Sipitidima꞉ Deipidina꞉ hone u tiaaso haena꞉ta꞉ Yesu da꞉ka꞉pa꞉ minina꞉ haliweki hatuku polo pia꞉ hali Diudasima꞉ pulu piekeeki dupilieke laa Deipidima꞉ wape piekeme.

Loma꞉ 10:11

Kota꞉ mo hande Baibolo bukana꞉ wape pa꞉la꞉ ekita꞉ dupa Hali epima꞉ ipiki pa꞉ta꞉ hone tulaeya꞉ka꞉na꞉ta꞉ kota꞉ hone ka꞉nda꞉ma꞉ homa na halieke laa wape pa꞉la꞉me.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

2 Timodi 3:16

Mo Baibolona꞉ wape pea ula꞉ pi paeyao wape pina꞉ta꞉ haliwekina꞉ hone pa꞉ta꞉ Koda꞉ma꞉ wala꞉ tiaaso haena꞉ wape pimikime. Koto wape pa꞉la꞉ pima꞉ta꞉ wanda꞉hali pa꞉ta꞉ ota꞉ pimanu waluekema꞉ make hoke hau peaama꞉na꞉ sa꞉sa꞉ puluekema꞉ make hoi piki haumanu tondepealuekema꞉ make kutupa epeke hapeke ekina꞉ mana꞉manu loluekema꞉ wape pea ula꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

1 Pida 2:8

Baibolo ma꞉nda꞉ pa꞉ta꞉ la꞉la꞉ ekita꞉ Do toopima꞉ta꞉ wanda꞉hali hala꞉mba꞉ liaena꞉ lelieke la꞉la꞉me. Kutupa koto toopi tiekema꞉ kone wanda꞉hali lopena꞉ lelieke la꞉la꞉me. Iki hala꞉mba꞉ liaemeke ekita꞉ ikana꞉ma꞉ Koda꞉na꞉ pina꞉ hone na tulaemeke ekina꞉ piekeme. Kotota꞉ Koda꞉na꞉ hone piekeekie.

2 Pida 1:20

Titina꞉ pita꞉ dupama꞉ hone u hapa꞉peke Ma꞉nda꞉ma꞉ ipika꞉ honema꞉ kone mo Baibolo pa꞉ta꞉ la꞉ ula꞉ pi ma꞉nda꞉na꞉ teketa꞉ pa na wala꞉peke ya꞉la꞉me.

2 Pida 3:16

Polo ipika꞉ tameiya꞉ paeyaona꞉ta꞉ homeke pi ombu lo hala꞉me. Kutu pa꞉la꞉pate pi ula꞉eki matao hone eleke eleke u haleme wanda꞉halima꞉ta꞉ ipika꞉ tameiya꞉manu pa꞉ta꞉ koto kone hone wia꞉peke na ya꞉la꞉ mandane pi manuta꞉ ata꞉ka꞉ peao walo halememe. Mo mandane Baibolo pimanu pa꞉ta꞉ pu haleme tupa꞉ loa꞉me. Koto ekina꞉ta꞉ ika꞉ kone iki pa꞉ta꞉ mo hoeyaasa꞉eki mea ipu halememe.