1 Kotindi 9:20 - Panake Pi La: Ula: Buka pita: Kine Pieke Buka

²⁰ Mo Diu wanda꞉hali muluekema꞉ I̱ta꞉ Diu wanda꞉hali haleme tupa꞉ kone halome. I̱ta꞉ hande Lo Pi manuma꞉ kilu tombuaasa꞉ wanda꞉hali leke na halopate pa koto tupa꞉ haleme wanda꞉hali muluekema꞉ I̱ make iki haleme tupa꞉ kone haowa꞉me.

1 Kotindi 9:20 ပူးပေါင်းရင်းမြစ်များ

Aposolo 16:3

Poloma꞉ ipika꞉ honema꞉ta꞉ Timodi yaapo poluekema꞉ mo some meaata꞉ sekemesaisi hau peaeyekeme. Mo da nina꞉ haemeke Diu haliwekima꞉ Timodina꞉ ateketa꞉ Kitiki halie laa handemeke handa peaeyekeme.

Aposolo 18:18

Polota꞉ nate mandane ekimanu koto pa꞉ta꞉ haota꞉ mo Ketiso wanda꞉hali mina꞉pa꞉lao hande Pisila Akuila tooli ame̱le̱ palai kawasona꞉ pita Sitia nane pemekeme. Senkitia da nane hata꞉ pi la꞉ wiekeeki loluekema꞉ ipika꞉ itiki tunkuliekeme.

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

Ka꞉leisia 2:19

Mo hande pi ula꞉eki hotimika꞉na꞉ta꞉ kota꞉ mo koto pi ula꞉eki pa꞉ta꞉ I̱ amba꞉ homa halome. Koto pi ula꞉ ekima꞉ kone I̱ homono lia꞉me. Kutu pieke ekita꞉ I̱ma꞉ Koda꞉ yaapo da꞉ta hanoyeke pia꞉me. I̱ta꞉ mo Ketiso homea꞉ ti manda mandake homolopa꞉me.

Ka꞉leisia 4:21

Iki ame̱le̱ mandane wanda꞉halima꞉ mo Mosesina꞉ pi ula꞉eki manuna꞉ oto pa꞉ta꞉ hao haluekema꞉ hone pa꞉la꞉ tapake iki pa꞉ta꞉ dupiki pi lota꞉ pionoe - mo hande pi ula꞉ ekima꞉ ala꞉ ekita꞉ opitemepe.

Ka꞉leisia 4:5

mo Lo Pi wiekeeki oto pa꞉ta꞉ haemeke wanda꞉hali peteluekema꞉ koto Diu tapakena꞉ pi wiekeeki oto pa꞉ta꞉ hayekeme. Niki Koda꞉na꞉ wekiwandiki hamono kutu piekeme.

Ka꞉leisia 5:18

Koto pa꞉la꞉pate kota꞉ mo Sipitidima꞉ iki hatuku pu haya꞉ka꞉na꞉ta꞉ kota꞉ mo Lo Pi ula꞉ ekima꞉ta꞉ iki na tombuao hala꞉me.