1 Kotindi 9:12 - Panake Pi La: Ula: Buka pita: Kine Pieke Buka

¹² Mandane haliwekima꞉ta꞉ iki pa꞉ta꞉ ula꞉ alemanu muluekema꞉ hone wia꞉peke yaeya꞉ka꞉na꞉ta꞉ kota꞉ nikana꞉ma꞉ iki lombei pitolo hata꞉ ota꞉ muluekema꞉ ana꞉ na pa꞉la꞉pe. Dia꞉me ota꞉ mea꞉peke ya꞉la꞉pate pa na minoloma꞉me. Do ekina꞉yeke loa꞉me. Mo Ketisona꞉ Pi Seliapo pula꞉eki sa꞉sa꞉ peaapa꞉na꞉yeke hande ka꞉nda꞉manu paeyao niki honumake sikima꞉ wotu mu haloma꞉me.

1 Kotindi 9:12 ပူးပေါင်းရင်းမြစ်များ

Kini Pieke 24:56

mo halima꞉ alota꞉ Niki pa꞉ta꞉ hosiki hao pomana꞉e pi na lapee. Mo Tekehalima꞉ta꞉ yaka pota꞉ kimisu epoa꞉ ekita꞉ epeaala꞉me. Koto ekina꞉ yaka you some pa꞉ta꞉ paa la꞉ka꞉la pono lae leekeme.

Luku 11:52

Mo Lo Pi walo haleme haliweki ika꞉ hoke yenki tiekena꞉ I̱ paala꞉e. Ikana꞉ma꞉ta꞉ mo hande hone wotu mia꞉peke da pota꞉na꞉ kita꞉ ika꞉ wia halemepate koneta꞉ ika꞉ kone na honda꞉ pambeketa꞉ mo honda꞉ pambuluekema꞉ taapeleme wanda꞉halita꞉ sa꞉sa꞉ pu halememe leekeme.

Aposolo 18:3

mo tooli make Polo make homeke e poko haemeke handa Polota꞉ ipiliki ame̱le̱ pelia hao hatiki peaata꞉ palai damanu epeaaso tumbulu haemekeme.

Loma꞉ 15:22

Koto pa꞉la꞉ ekina꞉ I̱ta꞉ iki pa꞉ta꞉ ipuluekema꞉ pitolopate hoto eleke eleke pota꞉ sa꞉sa꞉ pia꞉tiki pia꞉me.

1 Kotindi 13:7

Pukima꞉ homa꞉la꞉ hau pu hala꞉ somema꞉ta꞉ soka꞉la꞉ma꞉ na homilieke. Dia꞉me. Ipika꞉ hone tulao hao haasa꞉eki make hone ti lao haasa꞉eki make kutupa ipika꞉ kima꞉ na homeke Koda꞉ pa꞉ta꞉ yu wia haasa꞉eki make kutupiki haumanu pea꞉tiki pu haluekema꞉ta꞉ ana꞉na꞉ honkopu hao halieke.

1 Kotindi 6:7

Ikana꞉ma꞉ pa iki kone pi yokaalu puluekema꞉ mea pulimieki manuta꞉ kota꞉ iki ota꞉ lopa halememe laa peneme yaasa꞉me. Mo iki hoeya꞉ pa꞉la꞉eki manuta꞉ pa wina꞉ paapa꞉peke alee. Kutupa mo pake nala꞉ ekimanu make pa wina꞉ paapa꞉peke alee.

1 Kotindi 9:14

Koto tupa꞉ kone mo Tekehalina꞉ pi ula꞉eki dupae. Koda꞉ ipika꞉ Pi Seliapo walaaseme haliwekima꞉ta꞉ koto e pokolo hata꞉ kone ika꞉ ana꞉na꞉ hapeke ekimanu mea꞉peke ya꞉la꞉me la꞉la꞉me.

1 Kotindi 9:15

Koto la꞉la꞉pate I̱ma꞉ta꞉ koto tupa꞉ aleta꞉ ma꞉nda꞉ na molome. Kutupa ame make aleta꞉ ma꞉nda꞉ muluekema꞉ iki pa꞉ta꞉ do wape ota꞉ na tapaasome. Kie laapa꞉na꞉ I̱ amba꞉la homa꞉peke aleo. I̱ma꞉ iki ame̱le̱ ota꞉ pa hameke e pokolo ekina꞉ pi laaso ekita꞉ hali homeke a꞉nda꞉ma꞉ Paeki ala꞉me laa pi laapa꞉na꞉yeke loa꞉me.

1 Kotindi 9:16

I̱ma꞉ hande Pi Seliapo walaaso ekina꞉ta꞉ yaka pi I̱ma꞉ kone laapeke na ya꞉la꞉me. Pa ekipeke mo Tekehalima꞉ dupie la꞉la꞉ ekina꞉ kone pitolome. Koto ekina꞉ I̱ma꞉ mo Pi Seliapo na walaoka꞉na꞉ta꞉ a꞉pei I̱ta꞉ ota꞉ hoke tupa꞉ hapeke ya꞉la꞉me.

1 Kotindi 9:18

kota꞉ eki yenki mea꞉peke ya꞉la꞉pe. Yaka yenkita꞉ dupae. I̱ma꞉ta꞉ yenki ki pi na leke handaa mo mea꞉peke alemanu na minolo hata꞉ hande Pi Seliapo walaasoeki kone kotota꞉ yaka yenki ana꞉ pa꞉la꞉me.

1 Kotindi 9:2

Mandane haliwekima꞉ta꞉ I̱ta꞉ aposolo hali na halome hone wimika꞉na꞉ta꞉ kota꞉ pa pina꞉ma꞉ ikana꞉ma꞉ kutupiki hone ota꞉ wia꞉peke na ya꞉la꞉me. Iki Ketiso pa꞉ta꞉ haleme ekima꞉ta꞉ kota꞉ pa I̱ta꞉ Tekehalina꞉ aposolo hali haloeki peneme yaasa꞉me.

2 Kotindi 11:12

I̱ma꞉ta꞉ ame do pitolo ekita꞉ ota꞉ pa pitolo ombu halueke. Pa ekipeke mo koto mandane aposoloe lo haleme haliwekima꞉ hakoko litolo hata꞉ alota꞉ Nikana꞉ma꞉ta꞉ ikana꞉ma꞉ pokeme tupa꞉ kone pokoloma꞉me alemeeki sa꞉sa꞉ puluekema꞉ loa꞉me.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

2 Kotindi 2:12

I̱ mo Dotoa꞉si da pa꞉ta꞉ Ketisona꞉ Pi Seliapo waluekema꞉ opolo puaata꞉ koto pa꞉ta꞉ pokolo pua꞉ eta꞉ mo Tekehalima꞉ amba꞉ pota꞉ wiayekeeki handa꞉ ua꞉me.

2 Kotindi 6:3

Nikana꞉ma꞉ta꞉ ma꞉nda꞉ma꞉ nika꞉ pokoloma꞉ ena꞉ ata꞉ka꞉ pa꞉la꞉eki ma꞉nda꞉ na handa꞉ wina꞉e hone uluma꞉me. Koto ekina꞉ nikana꞉ma꞉ta꞉ mandane wanda꞉halina꞉ pota꞉na꞉ ma꞉nda꞉ ha̱la̱꞉mba꞉ liaena꞉ ala꞉ta꞉ ma꞉nda꞉ uluekema꞉ na taapo haloma꞉me.