1 Kotindi 7:32 - Panake Pi La: Ula: Buka pita: Kine Pieke Buka

³² Ikana꞉ma꞉ hone eleke eleke u halemeeki manuta꞉ I̱ta꞉ hone na pa꞉la꞉me. Wanda꞉ na miki halima꞉ta꞉ mo Tekehalina꞉ hone pa꞉la꞉ ekimanu epeke tupa꞉ puluekema꞉ hone witolo hata꞉ Tekehalina꞉ e pokaasa꞉ ekina꞉ hone u hala꞉me.

1 Kotindi 7:32 ပူးပေါင်းရင်းမြစ်များ

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Maka 4:19

kenke hau hone wita꞉la꞉eki manuma꞉ hamoko alemanu pa꞉ta꞉ ta꞉na꞉ homa꞉la꞉eki manuma꞉ mandane alemanu pa꞉ta꞉ we pamba꞉la꞉eki manuma꞉ mo hande pi alemanu da꞉ka꞉pa꞉ miniki pita꞉ka꞉na꞉ta꞉ napeke na u halememe leekeme.

Dioni 10:13

Hande yenki muluekema꞉ e pokeeke halima꞉ta꞉ mo ma꞉na꞉manu pa꞉ta꞉ hone wopu na witolo hata꞉ ipikita꞉ pa e pokaasa꞉ hali yaalo hata꞉ta꞉ pindipa pelieke.

1 Kotindi 7:33

Kutu pu hala꞉pate mo wanda꞉ miki halima꞉ta꞉ ipika꞉ wanda꞉ ta꞉na꞉ma꞉ homaaluekema꞉yeke do kenkena꞉ ula꞉ alemanu pa꞉ta꞉ hone u hala꞉me.

Pilipai 4:6

Ala꞉ta꞉ ala꞉ta꞉ paeyao pa꞉ta꞉ hone witeleme ekina꞉ ka꞉nda꞉ma꞉ homolo na yoko hapa꞉peke. Kotoeki na pikita꞉ hoto ma꞉nda꞉ a꞉nda꞉ Koda꞉ pa꞉ta꞉ yeni pimika꞉na꞉ta꞉ ika꞉ mia꞉peke ya꞉la꞉ alemanu kina꞉ keiyae alo hata꞉ honke lo hapa꞉peke.

1 Timodi 5:5

Kosa꞉piki wanda꞉ ma꞉nda꞉ta꞉ ipiki tamba꞉ mina꞉yeke ipika꞉ tapake wanda꞉hali ma꞉nda꞉ dia꞉yalo ipika꞉ honumake siki haya꞉ka꞉na꞉ta꞉ kota꞉ Koda꞉ma꞉ ipiki handeteke haena꞉ ipiki pa꞉ta꞉ hone ti lao hala꞉me. Kutu pitolo hata꞉ta꞉ Koda꞉ma꞉ ipiki tamba꞉ mina꞉yeke ipikana꞉ma꞉ timba꞉ nate yaapona꞉ honke pa alo alo hata꞉ yeni pu hala꞉me.