1 Kotindi 7:23 - Panake Pi La: Ula: Buka pita: Kine Pieke Buka

²³ Koda꞉ma꞉ yenki tiekema꞉ iki hamba꞉la꞉me. Koto ekina꞉ mo haliwekina꞉ pa hameke e pokaaseme haliweki na hapa꞉peke.

1 Kotindi 7:23 ပူးပေါင်းရင်းမြစ်များ

Ma꞉tiu 6:24

Homeke ma꞉nda꞉ma꞉ mo you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ kota꞉ ma꞉nda꞉ pa꞉ta꞉ pukima꞉ homolota꞉ ma꞉nda꞉ta꞉ honditi pilieke o ma꞉nda꞉ pa꞉ta꞉ta꞉ hone wopu pitolo hata꞉ta꞉ ma꞉nda꞉ta꞉ kiaalieke. Kutaa ikana꞉ma꞉ make mo mani pita꞉ Koda꞉ yaapoma꞉ ika꞉ you hali yaapo haena꞉ laa ipilika꞉ e homeke dina꞉ pokaapa꞉peke na ya꞉la꞉me.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

1 Kotindi 6:20

Ipika꞉eki kone hamina꞉yeke ipikana꞉ma꞉ ikita꞉ yenki tiekema꞉ amba꞉ hamba꞉la꞉me. Koto pa꞉la꞉ ekina꞉ ika꞉ loke manuma꞉ Koda꞉na꞉ biki mea a꞉meiyaena꞉ alo hata꞉ handeteke hapa꞉peke.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Peneme Yaeyekeeki 5:9

Ikana꞉ma꞉ panake emeli homeke alota꞉ Neketa꞉ mo pi ula꞉ buka mea tonkaake ale yamba꞉lapeketa꞉ ota꞉ ana꞉ pa꞉la꞉me. Pa ekipeke neketa꞉ limikime. Kutupa nakana꞉ma꞉ naka꞉ wema꞉ mo wanda꞉halita꞉ Koda꞉na꞉ wanda꞉hali haena꞉yeke hambeleme. Ikita꞉ tapake ta꞉ta꞉ ta꞉ta꞉ make pi ta꞉ta꞉ ta꞉ta꞉ make kapomani manuma꞉ handeteke hala꞉ da ta꞉ta꞉ ta꞉ta꞉ make tutu ta꞉ta꞉ ta꞉ta꞉ paeyao pa꞉ta꞉ hambeleme.