1 Kotindi 7:2 - Panake Pi La: Ula: Buka pita: Kine Pieke Buka

² hande wanda꞉halina꞉ loke hoeyaasa꞉ haumanu wotu ya꞉leke handaata꞉ halima꞉ ipika꞉ wanda꞉ mina꞉la꞉eki make wanda꞉ma꞉ halina꞉ da pula꞉eki make kutu pita꞉la꞉ hauta꞉ epelieke.

1 Kotindi 7:2 ပူးပေါင်းရင်းမြစ်များ

Ma꞉tiu 5:32

Pate ame I̱ma꞉ iki pa꞉ta꞉ la kitolo ekita꞉ dupa. Hali homeke ma꞉nda꞉ma꞉ a꞉nda꞉ ipika꞉ wanda꞉ta꞉ hali na yolo halia꞉pate pa hameke kone kiaeya꞉ka꞉na꞉ta꞉ kota꞉ koto wanda꞉ma꞉ wetepe hali ma꞉nda꞉na꞉ da pea꞉ka꞉na꞉ta꞉ kota꞉ mo kiao baeya꞉ halima꞉ta꞉ mo wanda꞉ma꞉ hali yola꞉la꞉ hau pina꞉ la꞉la꞉ hali hala꞉me. Kutaa mo koto wanda꞉ mina꞉la꞉ hali make yola꞉la꞉ hau kone pita꞉la꞉me.

1 Kotindi 6:18

Ta꞉ta꞉na꞉ loke hoeyaasa꞉ hau manuta꞉ ota꞉ na wataake nindi pea hapa꞉peke. Mandane hoke hau pita꞉la꞉ ekimanu paeyaota꞉ loke hama꞉ nane pita꞉la꞉pate hali epima꞉ ta꞉ta꞉na꞉ loke hoeyaasa꞉ haumanu pia꞉ka꞉na꞉ta꞉ kota꞉ ipika꞉ loke pa꞉ta꞉ kone hoke hau peaasa꞉me

1 Kotindi 7:1

Ikana꞉ma꞉ hande tapaeme wapena꞉ lota꞉ pimi ekina꞉ hombo peaaso pita꞉ dupa. Hali ma꞉nda꞉ma꞉ wanda꞉ na miki pa haya꞉ka꞉na꞉ta꞉ epeke pita꞉la꞉pate

1 Kotindi 7:3

Halima꞉ ipika꞉ weteke pa꞉ta꞉ hala꞉peke ya꞉la꞉ ekita꞉ hala꞉peke ya꞉la꞉me. Kutupa wanda꞉ma꞉ make haliki pa꞉ta꞉ hala꞉peke ya꞉la꞉ ekita꞉ hala꞉peke ya꞉la꞉me.

1 Kotindi 7:9

Kutu piliepate pa ika꞉ hone pa꞉la꞉ ekita꞉ homu peaapeke na ya꞉ka꞉na꞉ta꞉ kota꞉ wanda꞉ mea꞉pekeeki make halina꞉ da pua꞉pekeeki make ana꞉ pa꞉la꞉me. Hone pa꞉la꞉eki puluekema꞉ ti tala꞉ ekima꞉ handolo haena꞉ hata꞉ta꞉ hoelieke. Koto ekina꞉ mo wanda꞉ mea hali pua pita꞉la꞉ ekita꞉ epelieke.

Epesese 5:28

Haliwekima꞉ta꞉ ika꞉ loke pa꞉ta꞉ kone hone u haleme tupa꞉ ika꞉ wanda꞉weki pa꞉ta꞉ make hone u hapa꞉peke. Hali epima꞉ ipika꞉ wanda꞉ pa꞉ta꞉ hone wotu u haya꞉ka꞉na꞉ta꞉ ipiki kone hone wotu wita꞉la꞉me.

Epesese 5:33

iki pa꞉ta꞉ make la꞉la꞉me laa hone witolome. Koto ekina꞉ haliwekio ikana꞉ma꞉ ika꞉ loke pa꞉ta꞉ kone hone witeleme tupa꞉ ika꞉ wanda꞉weki pa꞉ta꞉ make hone wia꞉pa꞉peke. Kutupa wanda꞉wekima꞉ make ika꞉ haliki titi pa꞉ta꞉ homu pea hapa꞉peke.

1 Desalonaika 4:4

Iki pa꞉ta꞉ hali homeke homekema꞉ wanda꞉ minolo hata꞉ ota꞉ tupa꞉ yako pea hata꞉ mea꞉pa꞉peke aleo.

1 Timodi 4:3

Kutu pu haleme haliwekima꞉ pi walolo hata꞉ alota꞉ Wanda꞉ mina꞉la꞉eki make mandane nemanu hala꞉eki make hoke haue laa wahapa꞉ peao halememe. Pate do ne manuta꞉ nikana꞉ma꞉ nomono yeke Koda꞉ma꞉ wepiayekeme laa ipika꞉ pi mina꞉la꞉ wanda꞉halima꞉ mo ota꞉ hau homeke hone witolo hata꞉ koto ne manuna꞉ Koda꞉ pa꞉ta꞉ keiyae pi alo hata꞉ napeke ya꞉la꞉me.