1 Kotindi 7:14 - Panake Pi La: Ula: Buka pita: Kine Pieke Buka

¹⁴ Do alo pita꞉ do ekina꞉yeke loa꞉me. Hande pi na miki halita꞉ ipika꞉ wanda꞉ yaapo ta꞉ma꞉ni pea hala꞉ ekina꞉ Koda꞉ma꞉ ana꞉e ala꞉me. Kutupa hande pi na miki wanda꞉ta꞉ ipika꞉ Ketiso hali yaapo ta꞉ma꞉ni pea hala꞉ ekina꞉ make kota꞉ Koda꞉ma꞉ ana꞉e ala꞉me. Do aloeki na pia꞉ka꞉na꞉ yoluta꞉ ika꞉ wekiwandiki titita꞉ pa mo Koda꞉ mataake weki wandiki halo pimime. Kutu pulu pelemepate ameta꞉ ika꞉ weki wandikimanu haleme ekita꞉ Koda꞉ma꞉ ana꞉e ala꞉me.

1 Kotindi 7:14 ပူးပေါင်းရင်းမြစ်များ

Aposolo 10:23

Kutupa Pidama꞉ da pa꞉ta꞉ epena꞉ wi laa ne polu pieke da make waleekeme. Kutupa da kelepeeketa꞉ Pida make mo hali tepo make mandane Diopa Ketiso haliweki make mandakena꞉ pemekeme.

Loma꞉ 11:16

Hali ma꞉nda꞉ma꞉ palaowa kake naneeki tunkula꞉ mea Koda꞉ pa꞉ta꞉ halea꞉ka꞉na꞉ta꞉ kota꞉ mo honiki ulu pulueki make Koda꞉na꞉eki kone wilieke. Koto tupa꞉ make ti pikimanu Koda꞉ pa꞉ta꞉ halea꞉ka꞉na꞉ta꞉ kota꞉ oli palekemanu make ipika꞉eki kone halieke.

1 Kotindi 7:13

Kutupa make mo Ketiso wanda꞉ homekema꞉ pi na miki hali yaapo haya꞉ka꞉na꞉ta꞉ kutupa mo halima꞉ ipika꞉ wanda꞉ yaapo haluekema꞉ hone wia haya꞉ka꞉na꞉ta꞉ kota꞉ mo wanda꞉ma꞉ta꞉ ipika꞉ haliki mina꞉pa꞉lao pua꞉peke na ya꞉la꞉me.

1 Timodi 4:5

Pa ekipeke. Koda꞉na꞉ pi pita꞉ ipiki pa꞉ta꞉ keiyae laa yeni pita꞉la꞉eki yaapoma꞉ mo ne pa꞉ta꞉ ala꞉ta꞉ na ta̱le̱na꞉ lelieke.

Taitasi 1:15

Yako piki hau pu hala꞉ somema꞉ paeyaota꞉ pa yako pikieki homeke hone u hala꞉pate pa mo pi na miki ha̱i̱piki hone u hala꞉ somema꞉ paeyaota꞉ yako pikieki dia꞉me hone u hala꞉me. Pa ekipeke ipika꞉ hone wita꞉la꞉ ekimanu make ipika꞉ puki make ha̱i̱ pitolo pita꞉la꞉me.