1 Kotindi 7:11 - Panake Pi La: Ula: Buka pita: Kine Pieke Buka

¹¹ Pate kutu pia꞉ka꞉na꞉ta꞉ kota꞉ pa pua hao hao o hali pa꞉ta꞉ la꞉ka꞉la paa pea꞉ka꞉na꞉ make epelieke. Halima꞉ make ipika꞉ wanda꞉ yoka꞉peke na ya꞉la꞉me.

1 Kotindi 7:11 ပူးပေါင်းရင်းမြစ်များ

Ma꞉tiu 5:32

Pate ame I̱ma꞉ iki pa꞉ta꞉ la kitolo ekita꞉ dupa. Hali homeke ma꞉nda꞉ma꞉ a꞉nda꞉ ipika꞉ wanda꞉ta꞉ hali na yolo halia꞉pate pa hameke kone kiaeya꞉ka꞉na꞉ta꞉ kota꞉ koto wanda꞉ma꞉ wetepe hali ma꞉nda꞉na꞉ da pea꞉ka꞉na꞉ta꞉ kota꞉ mo kiao baeya꞉ halima꞉ta꞉ mo wanda꞉ma꞉ hali yola꞉la꞉ hau pina꞉ la꞉la꞉ hali hala꞉me. Kutaa mo koto wanda꞉ mina꞉la꞉ hali make yola꞉la꞉ hau kone pita꞉la꞉me.

Maka 10:12

Kutupa wanda꞉ma꞉ ipika꞉ haliki ota꞉ mina꞉pa꞉lao hali ma꞉nda꞉ pea꞉ka꞉na꞉ta꞉ kota꞉ koto wanda꞉ma꞉ pi ula꞉eki yamba꞉la hoke hau pita꞉la꞉me leekeme.

Maka 10:2

Mandane Pa꞉tisi haliwekima꞉ Yesuna꞉ anke yololo hata꞉ a꞉pa lota꞉ pimikime dupa. Hali ma꞉nda꞉ma꞉ ipika꞉ wanda꞉ yokea꞉ka꞉na꞉ta꞉ o kiaeya꞉ka꞉na꞉ta꞉ ana꞉ pa꞉la꞉pe o ana꞉ na pa꞉la꞉pe lemekeme.

Luku 16:18

Hali ma꞉nda꞉ epima꞉ ipika꞉ wanda꞉ kiao wanda꞉ ma꞉nda꞉ mia꞉ka꞉na꞉ta꞉ kota꞉ koto halima꞉ta꞉ tooli ka꞉taasa꞉ hau pita꞉la꞉me. Kutupa mo kiala꞉ wanda꞉ mina꞉la꞉ halima꞉ make hali ma꞉nda꞉na꞉ wanda꞉na꞉ hakopu tunku la꞉la꞉me leekeme.

1 Kotindi 7:10

Kutupa mo tooli tooli peleme wanda꞉halita꞉ iki pa꞉ta꞉ yakaeki na laake mo Tekehalima꞉ dupa꞉pe ala꞉eki kone la kitolome. Halina꞉ da pa꞉la꞉ wanda꞉ma꞉ta꞉ hali mina꞉pa꞉lao pua꞉peke na ya꞉la꞉me.

1 Kotindi 7:12

Mandane wanda꞉hali pa꞉ta꞉ mo Tekehalina꞉ pi dia꞉ya꞉la꞉pate pa I̱ma꞉ kone dupa alome. Ketiso hali homekema꞉ ipika꞉ wanda꞉ pi na miki wanda꞉ haya꞉ka꞉na꞉ta꞉ kutupa mo wanda꞉ta꞉ haliki yaapo haluekema꞉ hone wia haya꞉ka꞉na꞉ta꞉ kota꞉ mo halima꞉ koto wanda꞉ta꞉ yoka꞉peke na ya꞉la꞉me.