1 Kotindi 6:3 - Panake Pi La: Ula: Buka pita: Kine Pieke Buka

³ Nikana꞉ma꞉ta꞉ mo enisolo titina꞉ pi yokaalu pulu poloma꞉eki make hone na witelemepe. Kutu pulu poloma꞉ ekina꞉ nikana꞉ma꞉ do kenkena꞉ haloma꞉eki manuna꞉ kone ana꞉na꞉ pi yokaalu pea꞉peke ya꞉la꞉me laa loa꞉me.

1 Kotindi 6:3 ပူးပေါင်းရင်းမြစ်များ

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Luku 8:14

Kutupa mo hande tekeke hake ale polu pa꞉ta꞉ lopeeke wae ale manuta꞉ pi opu haleme wanda꞉hali tupa꞉ ya꞉la꞉pate do kenkena꞉ haumanu pa꞉ta꞉ hone eleke eleke wopu wita꞉la꞉meeki make hamoko hau make do kenke lokena꞉ hone pa꞉la꞉ ekimanu make paeyaoma꞉ ika꞉ honemanu tumbatiki pita꞉leke handaa da꞉ka꞉polo hata꞉ ika꞉ kiliki na pota꞉lieke.

Loma꞉ 6:16

Do ekita꞉ ikana꞉ma꞉ hone na witelemepe. Koto a꞉nda꞉ ikana꞉ma꞉ ika꞉ kone hali ma꞉nda꞉ pa꞉ta꞉ ta̱la̱꞉ liao hata꞉ ipika꞉ e pa hameke pokaaseme wanda꞉hali hamena꞉ lemeka꞉na꞉ta꞉ kota꞉ ikita꞉ mo hande teke halina꞉ pi opitolo hata꞉ ipika꞉ pa hameke e pokaaseme wanda꞉hali halimikie. Hoke hau pita꞉la꞉eki ikana꞉ma꞉ opu haemeka꞉na꞉ta꞉ kota꞉ homa꞉la꞉eki milimikie. Koda꞉na꞉ pi opu haemeka꞉na꞉ta꞉ kota꞉ ikita꞉ ipiki yaapo tikitiki yao hamina꞉ lelieke.

1 Kotindi 6:15

Ika꞉ loke manuta꞉ Ketiso pa꞉ta꞉ tunao hata꞉ ipika꞉eki kone halemeeki hone na witelemepe. Kota꞉ I̱ma꞉ mo Ketisona꞉ loke pa꞉ta꞉ tunao hala꞉ hali hata꞉ yaka loke yoka꞉ meata꞉ mo mani muluekema꞉ hone wita꞉la꞉ wandiki ma꞉nda꞉na꞉ loke yaapo apa꞉taena꞉ loa꞉ka꞉na꞉ta꞉ ana꞉ piliepe. Ota꞉ dia꞉me.

1 Kotindi 6:16

Hali epima꞉ta꞉ mo mani muluekema꞉ hone wita꞉la꞉ wandiki yaapo apa꞉tao hala꞉ ekita꞉ kota꞉ ipilikita꞉ homeke loke kone hala꞉ ekita꞉ hone na witelemepe. Koto mo Baibolo bukana꞉ wape pa꞉la꞉ ekita꞉ dupa. Hande yaapota꞉ homeke loke kone halipipikie laa wape pa꞉la꞉me.

1 Kotindi 6:19

Ika꞉ lokemanu tukiki pa꞉ta꞉ta꞉ mo Holi Sipitidi pitina꞉ ipika꞉ yakopiki da haleme ekita꞉ hone na witelemepe. Kutupa mo Holi Sipitidi pila꞉ ekita꞉ Koda꞉ma꞉ iki pa꞉ta꞉ kita꞉la꞉ ekita꞉ hone na witelemepe. Ikita꞉ ika꞉eki dia꞉me. Koda꞉na꞉eki halememe.

1 Kotindi 6:4

Koto ekina꞉ mo hande haumanu iki tukikina꞉ opolo epea꞉ka꞉na꞉ta꞉ kota꞉ ikana꞉ma꞉ mo pi na miki wanda꞉hali pa꞉ta꞉ mea pelimikipe.

2 Timodi 2:4

Ami hali homekema꞉ ami hali hata꞉ta꞉ ipika꞉ you halina꞉ kakena꞉ homu haluekema꞉ pa mo da wanda꞉halina꞉ pu haleme haumanu tonka꞉na꞉ apa꞉tao na pilieke.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.