1 Kotindi 5:9 - Panake Pi La: Ula: Buka pita: Kine Pieke Buka

⁹ Amba꞉ iki pa꞉ta꞉ tapaowa꞉ wape pa꞉ta꞉ta꞉ mo tooli ka꞉taaseme wanda꞉hali ame̱le̱ na hapa꞉peke laa loa꞉me.

1 Kotindi 5:9 ပူးပေါင်းရင်းမြစ်များ

1 Kotindi 5:10

Koto loa꞉ ekita꞉ hande pi na miki hata꞉ tooli ka꞉taaseme wanda꞉hali make o mo pi ula꞉ ekimanu yambeleme wanda꞉hali make o toopi tima꞉ wepia ula꞉ ale pa꞉ta꞉ panda꞉ puniaaseme wanda꞉hali make hande pita꞉ koto wanda꞉hali pa꞉ta꞉ na loa꞉me. Koto wanda꞉hali ame̱le̱ na haluekema꞉ yeke ikana꞉ma꞉ do kenke a̱i̱ mina꞉pa꞉lapeke ya꞉la꞉me.

1 Kotindi 5:2

Kutu pa꞉la꞉pate ikana꞉ma꞉ alota꞉ Niki kone ana꞉ pa꞉la꞉me la aleme ekita꞉ ekipa alemepe. Epeke ekita꞉ ikana꞉ma꞉ kutupiki hauna꞉ yaala꞉ma꞉ homolo hata꞉ e̱ lapa꞉peke aleo. Kutupa mo hande hau pieke halita꞉ ika꞉ mombelemeeki mina꞉pa꞉lao yoka꞉pa꞉peke aleo.

1 Kotindi 5:7

Koto ekina꞉ ikana꞉ma꞉ iki kone ota꞉ wamo pea haluekema꞉ do amba꞉ wieke hoke hauna꞉ pombei yaasa꞉ yisitita꞉ ota꞉ yoka꞉ mea baapa꞉peke. Kutu pimika꞉na꞉ta꞉ ikita꞉ pombei na yaake panake palaowama꞉ handilimikie. Kutu pikieki ame do pelememe. Pa ekipeke Ketisota꞉ nika꞉ Lombei Pupa Yapeekeeki ma꞉na꞉siki leke amba꞉ lia haleeke ekina꞉ nika꞉ Lombei Pupa Yapeeke ekina꞉ ne pambaalo poloma꞉eki ame do ana꞉na꞉ ula꞉me.

2 Kotindi 6:14

Mo hone na tulaleme wanda꞉hali ame̱le̱ apa꞉tao e pokuluekema꞉ na taapa꞉peke. Pa ekipeke iki ota꞉ ta꞉ma꞉ni pea꞉peke na ya꞉la꞉me. Tikitiki hau pita꞉la꞉eki pita꞉ ata꞉ka꞉ piki hau pita꞉la꞉eki yaapota꞉ ekipa yankeke hapeke ya꞉la꞉pe. Pa̱a̱ pa꞉la꞉eki pita꞉ timba꞉ la꞉la꞉eki yaapota꞉ ekipa apa꞉tao hapeke ya꞉la꞉pe.

2 Kotindi 6:17

Koto ekina꞉ mo Tekehalima꞉ alota꞉ Ikana꞉ma꞉ mo wanda꞉hali mina꞉pa꞉lao iki ame̱le̱ putupa꞉ alu pea hapa꞉peke. Mo ha̱i̱piki haumanu pa꞉ta꞉ nindi pea haluekema꞉ taapa꞉peke. Kutu pimika꞉na꞉ta꞉ I̱ma꞉ iki handa꞉ mulueke.

Epesese 5:11

Mo timba꞉ lo pamba꞉la꞉ pa꞉ta꞉ hata꞉ napeke na wita꞉la꞉ alema꞉ handeke haumanu pu haleme wanda꞉hali ame̱le̱ na ta꞉ma꞉ni pea na hake kutupiki haumanu mo hande pa̱a̱ peaasa꞉ ekima꞉ kone peneme yaena꞉ lapa꞉peke.

2 Desalonaika 3:14

Mata꞉la꞉ do tameiya꞉na꞉ wape poloma꞉ pita꞉ iki homeke ma꞉nda꞉ma꞉ na opilieke. Kutu pia꞉ka꞉na꞉ta꞉ koto ipika꞉ hau handolo hata꞉ta꞉ ipikana꞉ma꞉ yaaloma꞉ homaena꞉ mandakena꞉ na apa꞉tao hapa꞉peke.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.