1 Kotindi 5:7 - Panake Pi La: Ula: Buka pita: Kine Pieke Buka

⁷ Koto ekina꞉ ikana꞉ma꞉ iki kone ota꞉ wamo pea haluekema꞉ do amba꞉ wieke hoke hauna꞉ pombei yaasa꞉ yisitita꞉ ota꞉ yoka꞉ mea baapa꞉peke. Kutu pimika꞉na꞉ta꞉ ikita꞉ pombei na yaake panake palaowama꞉ handilimikie. Kutu pikieki ame do pelememe. Pa ekipeke Ketisota꞉ nika꞉ Lombei Pupa Yapeekeeki ma꞉na꞉siki leke amba꞉ lia haleeke ekina꞉ nika꞉ Lombei Pupa Yapeeke ekina꞉ ne pambaalo poloma꞉eki ame do ana꞉na꞉ ula꞉me.

1 Kotindi 5:7 ပူးပေါင်းရင်းမြစ်များ

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Maka 14:12

Na Pombei Yaake Palaowa Ne pambaeya꞉ pita꞉ titina꞉ natena꞉ Lombei Pupa Yapeeke natena꞉ sipisipi ikiki lu haemeke pita꞉ kone Yesuna꞉ disaipolo haliwekima꞉ ipiki pa꞉ta꞉ alota꞉ Lombei Pupa Yapeeke nate hone uelena꞉yeke ne pambaaluma꞉eki noelena꞉yeke hando pa꞉ta꞉ pua da wamo peamonope lemekeme.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Dioni 1:36

Yesu yapeekeeki handaata꞉ ipikana꞉ma꞉ alota꞉ Dota꞉ Koda꞉ ipika꞉ Sipisipi Ma꞉na꞉sikie leekeme.

Dioni 19:14

Kutu pimiki ekita꞉ hande Lombei Pupa Yapeeke ekina꞉ ne pambuluekema꞉ nate you tikekena꞉ haena꞉ pimikime. Pailedima꞉ mo Diu wanda꞉hali pa꞉ta꞉ alota꞉ Ika꞉ kini hali kotoma꞉ handa꞉pe leekeme.

Loma꞉ 3:25

Koda꞉ma꞉ta꞉ Yesu Ketiso mea haena꞉ laata꞉ ipiki homolo hata꞉ ipika꞉ we lopolo piekeme. Lopeeke ekima꞉ ipiki pa꞉ta꞉ hone tulaalo peleme wanda꞉halina꞉ hoke hau pelemeeki manuta꞉ pa paeyaena꞉ leekeme. Koda꞉ma꞉ koto pa꞉la꞉ ekita꞉ ipika꞉ tikitiki hau pita꞉la꞉eki peneme yao waluekema꞉ piekeme. Amba꞉ta꞉ Koda꞉ma꞉ wanda꞉halina꞉ hoke hau peleme ekimanu leke honikima꞉ hando ankulao handeteke hao hayekepate

1 Kotindi 10:17

Palaowa punka homeke ya꞉leke handaata꞉ niki paeyao wotu kone homeke loke mindiki haloma꞉me. Hande homeke palaowa punka telipaasoma꞉ ekina꞉ loa꞉me.

1 Kotindi 5:13

Hande Baibolo bukana꞉ wape pa꞉la꞉ pi ma꞉nda꞉ta꞉ dupa. Hande hoke halita꞉ ika꞉ mombeleme pa꞉ta꞉ na pitina꞉ leke pa yokaa ta꞉ta꞉ haena꞉ lapa꞉peke laa wape pa꞉la꞉me.

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

Peneme Yaeyekeeki 5:12

Kutupa pi ho̱la̱꞉make anekema꞉ emeli alo alota꞉ Mo hande lia꞉ Sipisipi Ma꞉na꞉ Ikikima꞉ta꞉ wele make hamoko make hone u tiaasa꞉eki make honkopu make biki miniliaasa꞉eki make pa̱a̱ pikieki make yeiya꞉ laasa꞉eki make paeyao mea꞉peketa꞉ ana꞉ pa꞉la꞉me lemekeme.