1 Kotindi 5:6 - Panake Pi La: Ula: Buka pita: Kine Pieke Buka

⁶ Ikana꞉ma꞉ Niki kone ana꞉ pa꞉la꞉me la aleme ekita꞉ popeke na piki pi alememe. Hande opeleme lo halemeeki ma꞉nda꞉ dupa. Mo pombei yaasa꞉ yisitita꞉ hosiki alesikima꞉ kone palaowa paeyao pombei yao hala꞉me laa lo halememe.

1 Kotindi 5:6 ပူးပေါင်းရင်းမြစ်များ

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Luku 13:21

Dupa manda꞉ meanoe. Wanda꞉ ma꞉nda꞉ma꞉ mo palaowa pombei yaasa꞉ yisitisiki mea palaowa nu homeke mea apa꞉tao kawasona꞉ dakole dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Loma꞉ 6:16

Do ekita꞉ ikana꞉ma꞉ hone na witelemepe. Koto a꞉nda꞉ ikana꞉ma꞉ ika꞉ kone hali ma꞉nda꞉ pa꞉ta꞉ ta̱la̱꞉ liao hata꞉ ipika꞉ e pa hameke pokaaseme wanda꞉hali hamena꞉ lemeka꞉na꞉ta꞉ kota꞉ ikita꞉ mo hande teke halina꞉ pi opitolo hata꞉ ipika꞉ pa hameke e pokaaseme wanda꞉hali halimikie. Hoke hau pita꞉la꞉eki ikana꞉ma꞉ opu haemeka꞉na꞉ta꞉ kota꞉ homa꞉la꞉eki milimikie. Koda꞉na꞉ pi opu haemeka꞉na꞉ta꞉ kota꞉ ikita꞉ ipiki yaapo tikitiki yao hamina꞉ lelieke.

1 Kotindi 15:33

Makeaasa꞉eki na opua꞉pa꞉peke. Hoke wanda꞉hali ame̱le̱ pomuma꞉ka꞉na꞉ta꞉ kota꞉ nika꞉ epeke hau pitoloma꞉eki hoeyaapeke ya꞉la꞉me.

1 Kotindi 3:21

Koto ekina꞉ ma꞉nda꞉ma꞉ mo kenke haliwekima꞉ hone wia piteleme ekimanu handolo hata꞉ ika꞉ pi laapeke na ya꞉la꞉me. Pa ekipeke mo ala꞉ta꞉ ala꞉ta꞉ paeyaota꞉ mo Ketiso tapake ika꞉eki ya꞉leke handa loa꞉me.

1 Kotindi 5:2

Kutu pa꞉la꞉pate ikana꞉ma꞉ alota꞉ Niki kone ana꞉ pa꞉la꞉me la aleme ekita꞉ ekipa alemepe. Epeke ekita꞉ ikana꞉ma꞉ kutupiki hauna꞉ yaala꞉ma꞉ homolo hata꞉ e̱ lapa꞉peke aleo. Kutupa mo hande hau pieke halita꞉ ika꞉ mombelemeeki mina꞉pa꞉lao yoka꞉pa꞉peke aleo.

Ka꞉leisia 5:9

Mo hande palaowa pombei yaasa꞉ yisiti sikima꞉ta꞉ mo palaowa paeyao kone pombei yelieke alemepate

2 Timodi 2:17

Koto Koda꞉ mataake pi la kita꞉la꞉ pita꞉ mo mindiki na꞉paasa꞉ bolekema꞉ handa꞉la꞉me. Kutu piki pita꞉ yaapo hali Haimeniasi pita꞉ Pailita꞉si yaapoma꞉ walepeme.