1 Kotindi 4:9 - Panake Pi La: Ula: Buka pita: Kine Pieke Buka

⁹ Pate ya honema꞉ta꞉ Koda꞉ma꞉ ipika꞉ aposolo haliweki nikita꞉ ota꞉ hoki nane hamono la꞉la꞉me. Nikita꞉ mo homaapeke ya꞉la꞉ haliwekima꞉ handele tupa꞉ mo kenke wanda꞉hali paeyaona꞉ leke popeleke nane make mo enisolo tapakena꞉ leke popelekena꞉ make ota꞉ mo telepo la꞉tiaasa꞉ hama tukikina꞉ homaapeke ya꞉la꞉ haliweki tupa꞉ haloma꞉eki handelememe.

1 Kotindi 4:9 ပူးပေါင်းရင်းမြစ်များ

Aposolo 19:29

Koto ekina꞉ mo daoni wanda꞉halima꞉ hone ti yokolo hata꞉ Polona꞉ ta꞉ma꞉ni pea pomu haemeke Ma꞉sedonia yankeketiti Kaiasi A꞉tisakusi yaapo yola꞉ mea anke hao mo mombolo haemeke alena꞉ pemekeme.

Aposolo 19:31

Kutupa Polona꞉ yankeketiti mandaneeki manuma꞉ta꞉ ka̱le̱sete haliweki hata꞉ kone ipiki pa꞉ta꞉ pi tapao alota꞉ Mo mombolo haleme alena꞉ na pua꞉pe laa honke lemekeme.

Loma꞉ 8:36

mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

1 Kotindi 15:19

Nika꞉ Ketiso pa꞉ta꞉ hone tulao hata꞉ handeteke haloma꞉ ekita꞉ do kenkena꞉ haloma꞉eki homeke yoluta꞉ kota꞉ mo a꞉ta꞉ma꞉ homeleme wanda꞉halima꞉ta꞉ niki pa꞉ta꞉ amba꞉la a꞉ta꞉ma꞉ homa꞉peke aleo.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 6:9

Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

Hibulu 10:33

Ma꞉nda꞉ pita꞉ma꞉ ikita꞉ wanda꞉halina꞉ leke popelekena꞉ mea hao hata꞉ hoke keke pimanu alo hata꞉ iki yombua baememe. Kutaa make mo mandane Ketiso yankeke tonu koto tupa꞉ lia꞉tiki pimikieki handaata꞉ iki tamba꞉ muluekema꞉ niki make mandake lina꞉ pomana꞉e laa pememe.

Hibulu 11:36

Iki mandane tapaketa꞉ mandane wanda꞉halima꞉ hoke tupa꞉ kitata pu make dopitama꞉ yombu pimikime. Mandane wanda꞉halita꞉ kiki anke tonkao dipula mea pua꞉tiki pimikime.