1 Kotindi 4:6 - Panake Pi La: Ula: Buka pita: Kine Pieke Buka

⁶ Kametitio. Do wape pitolo pi paeyaota꞉ mo Apolosi diki pa꞉ta꞉ hone witolo hata꞉ pua꞉me. Dikana꞉ma꞉ pitolopa꞉ hau manuna꞉ wape polo ekita꞉ ikana꞉ma꞉ hone witolo hata꞉ mo Baibolo bukana꞉ wala꞉la꞉ tupa꞉ lombei peaama꞉na꞉yeke pua꞉me. Koto ekina꞉ ikana꞉ma꞉ ma꞉nda꞉na꞉ biki mea a꞉meiyaaso hata꞉ ma꞉nda꞉na꞉ biki lu mininiaasemeeki na pea꞉pa꞉peke.

1 Kotindi 4:6 ပူးပေါင်းရင်းမြစ်များ

Aposolo 18:24

Diu hali ma꞉nda꞉ Apolosita꞉ A꞉lekesa꞉ndia da hali mo Epesese da pa꞉ta꞉ epeekeme. Ipikita꞉ Baibolo buka pi hone wotu wia pi wotu yoka la꞉tiki pieke halie.

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

Loma꞉ 12:3

Koda꞉ma꞉ ipika꞉ pa hameke a꞉ta꞉ma꞉ homa꞉la꞉eki I̱ pa꞉ta꞉ kieke handaata꞉ kota꞉ I̱ma꞉ iki paeyao pa꞉ta꞉ pi dupa alome. Naka꞉ kone neke pa꞉ta꞉ hone witolota꞉ I̱ta꞉ ya handoloeki ya haloeki make wanda꞉halina꞉eki ankulao halome laa koto hone na wia꞉peke. Iki homeke homekema꞉ta꞉ ika꞉ ika꞉ kone hosiki yao hone wia hata꞉ Koda꞉ma꞉ ka꞉la꞉ hone tulaasa꞉eki ana꞉na꞉ handaata꞉ hone u hapa꞉peke.

1 Kotindi 1:12

I̱ma꞉ta꞉ do ekina꞉ alome. Iki paeyao homeke homekema꞉ la la pu alota꞉ I̱ta꞉ Polona꞉ halie o I̱ta꞉ Apolosina꞉ halie o I̱ta꞉ Pidana꞉ halie o I̱ta꞉ Ketisona꞉ halie laa la alualu pitelememe.

1 Kotindi 1:19

Pa ekipeke mo Baibolo buka pa꞉ta꞉ do wape pa꞉la꞉eki ula꞉me. Mo hone wotu witeme haliwekina꞉ hone wotu witeme ekita꞉ hoeyaalueke. Kutupa mo wape pa꞉la꞉eki wotu handeleme haliwekina꞉ handeleme ekimanu make tea꞉ nane mea wina꞉ lolueke laa wape pa꞉la꞉me.

1 Kotindi 1:31

Kutu pieke handaa mo Baibolo bukana꞉ wape pa꞉la꞉ pea꞉pekeeki ma꞉nda꞉ dupa Hali epima꞉ hakoko luekema꞉ hone wia꞉ka꞉na꞉ta꞉ Tekehalima꞉ peaala꞉ ekimanu hone witolo hata꞉ ipika꞉ hakoko lia꞉peke yelieke wape pa꞉la꞉me.

1 Kotindi 13:4

Pukima꞉ homa꞉la꞉ hau pu hala꞉ somema꞉ta꞉ kima꞉ na homeke pa wotu handeteke hata꞉ make paeyao pa꞉ta꞉ a꞉ta꞉ma꞉ homolo hata꞉ pa tamba꞉ mu halieke. Pukima꞉ homa꞉la꞉ hau pu hala꞉ somema꞉ta꞉ wamili na piki ipika꞉ hakoko na liki handaena꞉ hau na pilieke.

1 Kotindi 3:19

I̱ma꞉ do alo pita꞉ do ekina꞉yeke loa꞉me. Kenke haliwekina꞉ hone wopu witelemeeki manuta꞉ Koda꞉ma꞉ handaata꞉ hone na wiki pa ekie laa lelieke. Mo Baibolona꞉ wape pa꞉la꞉eki dupa. Koda꞉ma꞉ mo kenkena꞉ hone wotu witeleme haliwekita꞉ ika꞉ hone wotu witelemeeki manuma꞉ta꞉ iki kone hona꞉ meao tamina꞉ lelieke laa la꞉la꞉me.

1 Kotindi 3:21

Koto ekina꞉ ma꞉nda꞉ma꞉ mo kenke haliwekima꞉ hone wia piteleme ekimanu handolo hata꞉ ika꞉ pi laapeke na ya꞉la꞉me. Pa ekipeke mo ala꞉ta꞉ ala꞉ta꞉ paeyaota꞉ mo Ketiso tapake ika꞉eki ya꞉leke handa loa꞉me.

1 Kotindi 5:2

Kutu pa꞉la꞉pate ikana꞉ma꞉ alota꞉ Niki kone ana꞉ pa꞉la꞉me la aleme ekita꞉ ekipa alemepe. Epeke ekita꞉ ikana꞉ma꞉ kutupiki hauna꞉ yaala꞉ma꞉ homolo hata꞉ e̱ lapa꞉peke aleo. Kutupa mo hande hau pieke halita꞉ ika꞉ mombelemeeki mina꞉pa꞉lao yoka꞉pa꞉peke aleo.

1 Kotindi 5:6

Ikana꞉ma꞉ Niki kone ana꞉ pa꞉la꞉me la aleme ekita꞉ popeke na piki pi alememe. Hande opeleme lo halemeeki ma꞉nda꞉ dupa. Mo pombei yaasa꞉ yisitita꞉ hosiki alesikima꞉ kone palaowa paeyao pombei yao hala꞉me laa lo halememe.

1 Kotindi 8:1

Kutupa hande toopi tima꞉ wepia ula꞉ ale pa꞉ta꞉ ne hala꞉la꞉ hauna꞉ wape pea lota꞉ pimi ekita꞉ dupa alome. Niki paeyaoma꞉ta꞉ mo handa꞉la꞉ hauta꞉ hone uluma꞉me. Pate mo handa꞉la꞉ hauma꞉ta꞉ mo hakoko lita꞉la꞉ hau pu tiaasa꞉pate pa mo pukima꞉ homa꞉la꞉ hauma꞉ta꞉ wanda꞉halina꞉ hone tulaasa꞉ ekita꞉ daeya haena꞉ ala꞉me.

1 Kotindi 9:23

Do pitolo ekita꞉ hande Pi Seliapo daeyaena꞉yeke pitolome. Kutupa koto ekima꞉ta꞉ mo Koda꞉ma꞉ wanda꞉hali epeaasa꞉eki manuna꞉ putupiliki ma꞉nda꞉ I̱ma꞉ muluekema꞉yeke pitolome.

2 Kotindi 10:12

Ota꞉ ya꞉la꞉pate nikana꞉ma꞉ta꞉ mo niki dupoloma꞉me o nika꞉ kone mo ikita꞉ manda haloma꞉me laa lo haleme tapake pa꞉ta꞉ na yola꞉ pamboloma꞉ta꞉ pa iki ota꞉ hoke ana꞉ na piki haliwekie. Ikana꞉ma꞉ta꞉ ika꞉ halemeeki tombo muluekema꞉ ika꞉ hone pa꞉la꞉ tombo mina꞉la꞉ ale wepia maka mea handolo hata꞉ dupiki somee laa lo halememe. Kutu pu halemepate

2 Kotindi 10:15

Koto ekina꞉ta꞉ nikana꞉ma꞉ta꞉ mo Koda꞉ma꞉ nika꞉ tombo wia yekeeki ankulao mopate leke pokeme tapakena꞉ ena꞉ hakoko na litoloma꞉me. Kotoeki na pikita꞉ nikana꞉ma꞉ hone witoloma꞉ ekita꞉ ika꞉ hone tulaaseme ekita꞉ daetolo hata꞉ iki ame̱le̱ e wopu pokuluekema꞉ hone wopu witoloma꞉me. Koto ekita꞉ mo Koda꞉ma꞉ la꞉ ula꞉ tombo pa꞉ta꞉ hoto paeyao hata꞉ pokomono loa꞉me.

2 Kotindi 10:7

Ikana꞉ma꞉ta꞉ mo ala꞉ta꞉ ala꞉ta꞉na꞉ hama꞉ naneeki handelememe. Iki ame̱le̱ ma꞉nda꞉ma꞉ ipikita꞉ Ketiso pa꞉ta꞉ tunaalome ala꞉ some hala꞉pe. Kota꞉ ipikana꞉ma꞉ ipika꞉ hau pita꞉la꞉eki kone pa hone wina꞉e. Pa ekipeke ipikana꞉ma꞉ pita꞉la꞉ tupa꞉ kone niki make Ketiso pa꞉ta꞉ tunaaloma꞉me.

2 Kotindi 11:4

Pa ekipeke ikana꞉ma꞉ta꞉ iki pa꞉ta꞉ ma꞉nda꞉ epima꞉ a꞉pa mo Yesu ma꞉nda꞉na꞉ wala꞉la꞉ pita꞉ pa ta꞉na꞉ma꞉ homaa opu halememe. Mo nikana꞉ma꞉ waloma꞉ Yesuna꞉ dia꞉me. Ikana꞉ma꞉ mimi sipitidi pita꞉ pi seliapo yaapota꞉ ota꞉ ta꞉ta꞉ pa꞉la꞉me. Mo hande nikana꞉ma꞉ mea epoma꞉ Sipitidi pita꞉ Pi Seliapo yaapo ota꞉ dia꞉me.

2 Kotindi 12:19

Mata꞉la꞉me. Hoto paeyaota꞉ ika꞉ leke popelekena꞉ nikana꞉ma꞉ nika꞉ kone tamba꞉ muluekema꞉ pitoloma꞉me hone witolo pitelememe. Dia꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ Ketisoma꞉ niki pi lomono lolo pa꞉la꞉ tupa꞉ aloma꞉me. Kutupa nika꞉ puki piki yankeke tonuo nikana꞉ma꞉ pitoloma꞉ hau paeyaota꞉ iki tamba꞉ muluekema꞉ pitoloma꞉me.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

2 Kotindi 12:6

I̱ma꞉ pi lalueke hone ua꞉ka꞉na꞉ta꞉ kota꞉ I̱ta꞉ hone na wiki some na halueke. Pa ekipeke. Koto pita꞉ ota꞉ pi homeke lolueke. Pate pi na lalueke. Kutupa ma꞉nda꞉ma꞉ yaka pokoa꞉ emanu handolota꞉ yaka waloa꞉ pimanu opitolo hata꞉ I̱ta꞉ dupiki somee laa lea꞉ka꞉na꞉ta꞉ a꞉pa꞉la꞉pate pa ma꞉nda꞉ma꞉ I̱ pa꞉ta꞉ anemone hone wita꞉la꞉ ekita꞉ I̱ kipa꞉la꞉me.

2 Kotindi 4:15

Doeki paeyaota꞉ ika꞉ ekina꞉ peaasa꞉me. Kutupa Koda꞉ ipika꞉ a꞉ta꞉ma꞉ homa tamba꞉ mina꞉la꞉ ekima꞉ wanda꞉hali paeyao pa꞉ta꞉ pulu hata꞉ta꞉ ikana꞉ma꞉ make Koda꞉ pata꞉ pa̱a̱ wopu mina꞉ keiyae ala꞉ yenimanu haka꞉ta꞉pao pu halimikie.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

1 Desalonaika 1:5

Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.

2 Timodi 2:10

I̱ma꞉ mo Koda꞉ma꞉ ma̱leke lila꞉ wanda꞉hali tamba꞉ muluekema꞉ do ka꞉nda꞉ paeyaota꞉ na kiake mea tu halome. Mo wanda꞉halita꞉ Ketiso Yesu pa꞉ta꞉ yama꞉ a꞉pa꞉la꞉ na paelo pa꞉la꞉ pa̱a̱ tiekema꞉ wina꞉ la꞉la꞉ da꞉taasa꞉eki mina꞉yeke I̱ma꞉ do ka꞉nda꞉ tu moneao halome.