1 Kotindi 4:5 - Panake Pi La: Ula: Buka pita: Kine Pieke Buka

⁵ Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

1 Kotindi 4:5 ပူးပေါင်းရင်းမြစ်များ

Ma꞉tiu 10:26

Kutu pu halimipate ikana꞉ma꞉ mo wanda꞉hali pa꞉ta꞉ paala꞉ma꞉ na homa꞉pa꞉peke. Mo ame do a꞉mbao ula꞉ alemanu paeyao wetepena꞉ta꞉ paa lumba꞉pa wilieke. Kutupa mo a꞉mbaaso hata꞉ aleme pi paeyao make wetepena꞉ta꞉ paeyaoma꞉ opina꞉ paa peneme yaalieke.

Ma꞉tiu 24:30

Kutu pilia꞉ natena꞉ta꞉ mo Wanda꞉halina꞉ Eiyekena꞉ epolo pa꞉la꞉ patehauta꞉ oli yana꞉ peneme yaalieke. Kutu pilia꞉eki wanda꞉hali paeyaoma꞉ handolo hata꞉ e̱ tieke lelimikie. Ikana꞉ma꞉ mo Wanda꞉halina꞉ Eiyekema꞉ koa manda ha mea ipulu hata꞉ ipika꞉ wele wotu pita꞉la꞉eki make pa̱a̱ tieke pita꞉la꞉eki make mea opolo ipilia꞉eki handilimikie.

Ma꞉tiu 24:46

Kutupa hoki nane nate ma꞉nda꞉na꞉ hande you hali paa la꞉ka꞉la a꞉pa mo hande e pokaena꞉ mea hao pea꞉ halima꞉ ipika꞉ lea꞉ pi paeyao opua ota꞉ epeke tupa꞉ pea꞉tiki pilia꞉eki a꞉pa handea꞉ka꞉na꞉ta꞉ kota꞉ koto e pokaasa꞉ somema꞉ta꞉ ta꞉na꞉ma꞉ homa hapeke yelieke.

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Ma꞉tiu 25:23

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Luku 6:37

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Kutupa ma꞉nda꞉ na teli pimika꞉na꞉ta꞉ kota꞉ Koda꞉ma꞉ make iki na teli pilieke. Mandane wanda꞉halima꞉ iki pa꞉ta꞉ hoke hau pelemeeki ikana꞉ma꞉ pa paeyaemeka꞉na꞉ta꞉ kota꞉ Koda꞉ma꞉ make ika꞉ hoke hauta꞉ pa paeyaalieke.

Dioni 21:22

Yesuma꞉ ipika꞉ pi hombo peaaso alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me. Neketa꞉ I̱ telia꞉ mea epoe leekeme.

Dioni 21:23

Koto leeke ekina꞉ Yesuna꞉ hoki nane telimiki haliwekima꞉ dupiki pi lo haemekeme. Mo hande disaipolo halita꞉ na homilieke laa lo haemekepate Yesuma꞉ mo hande hali na homilieke pi na leke ipikana꞉ma꞉ alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me leekeme.

Dioni 5:44

Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

Loma꞉ 14:4

Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 2:1

Nakana꞉ma꞉ hali ma꞉nda꞉ pa꞉ta꞉ kiki ma̱leke lika꞉na꞉ta꞉ kota꞉ neke pa꞉ta꞉ ketete wilieke. Do ekina꞉yeke loa꞉me. Ma꞉nda꞉ma꞉ pa꞉la꞉ ekina꞉ nakana꞉ma꞉ pu hata꞉ kone mo some pa꞉ta꞉ kiki ma̱leke lika꞉na꞉ta꞉ kota꞉ neke kone kiki ma̱leke liteleme.

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

Loma꞉ 2:29

Ota꞉ Diu hali hala꞉ ekita꞉ puki pa꞉ta꞉ mea mendia hala꞉eki ota꞉ekie. Kutu piki halina꞉ puki pa꞉ta꞉ Koda꞉ma꞉ make amba꞉ hao hala꞉me. Kutu piki hauta꞉ Koda꞉na꞉ Sipitidima꞉ peaala꞉me. Hande wape peaala꞉ Lo Pimanu na peaala꞉me. Kutu piki halita꞉ wanda꞉halima꞉ ipika꞉ pi na laasemepate Koda꞉ma꞉ kone ipika꞉ pi laasa꞉me.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

1 Kotindi 11:16

Koto pa꞉la꞉pate pa hali ma꞉nda꞉ma꞉ do aloeki manuna꞉ ape loluekema꞉ hone wia꞉ka꞉na꞉ta꞉ kota꞉ I̱ma꞉ta꞉ dupiki pi homeke lolueke. Nikana꞉ma꞉ make mo Koda꞉na꞉ siosi tapake paeyao make hau ma꞉nda꞉ na handeke pa I̱ma꞉ do aloeki homeke pu haloma꞉me.

1 Kotindi 11:26

Do palaowa make do kapona꞉ make nalo hata꞉ Tekehali epena꞉yeke ipika꞉ homeekeeki walo halimikie.

1 Kotindi 15:23

Kutu piliepate pa Koda꞉ma꞉ lelie natena꞉ kone paa tiaalieke. Dupae. Hande puki napeke ne tupa꞉ Ketiso titina꞉e. Kutupa wetepena꞉ mo Ketisona꞉ ipilie natena꞉ta꞉ ipika꞉ wanda꞉hali mea tiaalieke.

1 Kotindi 3:13

Kutu pilimipate pa mo hande pi yokaalu pulu pa꞉la꞉ Nate epea꞉ka꞉na꞉ta꞉ kota꞉ mo da a꞉eleme haliweki paeyaona꞉ a꞉eleme hau manuta꞉ peneme yaalieke. Koto Natena꞉ta꞉ mo ti tala꞉ ekima꞉ kone ipilieke. Kutupa haliweki paeyaoma꞉ a꞉elemeeki manuta꞉ mo hande ti tolo pa꞉la꞉ ekima꞉ kone ta handilieke.

1 Kotindi 3:14

Hali ma꞉nda꞉ma꞉ mo hande pinki manda a꞉ela꞉eki na teke paa hao haya꞉ka꞉na꞉ta꞉ kota꞉ koto da a꞉eta꞉la꞉ someta꞉ epeke yenki milieke.

1 Kotindi 3:8

Kutupa wae noka꞉pa꞉la꞉ hali make ikali naa hala꞉la꞉ hali make ta꞉ta꞉ na pa꞉la꞉pate ipilikana꞉ma꞉ Koda꞉na꞉ e pokaasepe ekita꞉ yenki make ana꞉na꞉ kone milipipikie.

2 Kotindi 10:18

Ma꞉nda꞉ma꞉ I̱ta꞉ epeke halie hone wita꞉la꞉ ekima꞉ta꞉ kota꞉ ipikita꞉ epeke hali dia꞉ya꞉la꞉pate pa mo Koda꞉ma꞉ ipiki pa꞉ta꞉ epeke halie lea꞉ka꞉na꞉ta꞉ kota꞉ koto someta꞉ ota꞉ epeke hali hala꞉me.

2 Kotindi 10:9

Mo yaka tameiya꞉ manuma꞉ta꞉ iki paala꞉ tiaasa꞉eki handoemena꞉ hone na ulume.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

2 Kotindi 5:10

Pa ekipeke niki paeyaota꞉ ipikana꞉ma꞉ pi yokaalu pina꞉ Ketisona꞉ leke popelekena꞉ pua hapeke ya꞉lieke. Homeke homekema꞉ ipika꞉ mea꞉peke ya꞉la꞉ ekita꞉ ota꞉ milieke. Ipika꞉ kenke lokema꞉ epekeeki o hokeeki pa꞉la꞉eki paeyao sikina꞉ ana꞉na꞉ kone milieke.

1 Desalonaika 5:2

Hande Tekehali ipika꞉ epolo pa꞉la꞉ Nateta꞉ pake nala꞉ hali timba ipu hala꞉ tupa꞉ opolo epolo pa꞉la꞉ ekita꞉ ika꞉ kone opua hone wopu witelememe.

Hibulu 4:13

Koda꞉ma꞉ na handena꞉ yeke ala꞉ta꞉ ma꞉nda꞉ a꞉mbao panka꞉ wia꞉peke na ya꞉la꞉me. Dia꞉me. Koda꞉ma꞉ handa꞉leketa꞉ ipika꞉ leke popelekena꞉ta꞉ mo wepia ula꞉ ala꞉ta꞉ ala꞉ta꞉ paeyao ota꞉ peneme yao lumbupa ula꞉me. Kutupa niki paeyaoma꞉ nika꞉ puma꞉ hau manuta꞉ ipiki pa꞉ta꞉ ota꞉ peneme yaalumeke.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

Dia꞉mesi 5:7

Ya kametitio. Tekehali epena꞉yeke handeteke hao hapa꞉peke. Mo e teke halima꞉ ipika꞉ ena꞉ hala꞉ alemanu napeke epeke tupa꞉ wina꞉yeke handeteke hala꞉eki handelememe. Lako panakeeki make wetepena꞉eki make handeteke hala꞉me.

Dia꞉mesi 5:9

Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.

2 Pida 3:4

Ipikita꞉ ipulueke pita꞉ na la꞉ wiekea. Ameta꞉ ipikita꞉ handoka꞉ta꞉pe. Nika꞉ apa꞉ amedata꞉ amba꞉ koto homelemepate pa mo ala꞉ta꞉ ala꞉ta꞉ paeyaota꞉ amba꞉ mo hande kenke ya wepitolo wieke tupa꞉ kone hande mande laa pa do ula꞉taa laa lelimikie.

Diudi 1:14

Mo titina꞉ hali A꞉da꞉ma꞉na꞉ eiyekema꞉ monduma꞉ monduma꞉ pea a꞉pa yunki mindiki peao mendieke hali Inokoma꞉ta꞉ amba꞉ kiake la꞉ wiekeeki manuta꞉ dupae. Hande Tekehalima꞉ta꞉ ipika꞉ yata꞉pea꞉peke na yeke yakopiki enisolo titi ame̱le̱ ipulu hata꞉

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.

Peneme Yaeyekeeki 20:12

Kutupa mo homemeke wanda꞉hali aneke make natehali make paeyao mandakena꞉ mo kini seana꞉ puki tikitiki haemeeki handoa꞉me. Buka manuta꞉ lumbia꞉me. Kutupa buka ma꞉nda꞉ta꞉ mo da꞉ta꞉la꞉ wanda꞉halina꞉ buka lumbia꞉me. Mo homemeke wanda꞉hali paeyaota꞉ mo buka manuna꞉ lao wieke tupa꞉ ika꞉ pimiki tupa꞉ siki kone ma̱leke lia telipia꞉me.